Jeremiya 7:29 - Bhiblia Yo Sawuleka

²⁹ Yola misisi ya msungo wako, u txi yi tshotsha kule, indaya peka huwa mimangoni, nguko Mkoma a lambile ni kuleka lihunzu li li nga wusa kuhenya kwakwe.

Jeremiya 7:29 Referans Kwoze

Jobe 1:20

Sekoko Jobe a to khukha, e vharulela syambalo sakwe, e yola msungo wakwe, e ti wisa hahatshi, e khongela.

Mika 1:16

Ti mahele lipala, u yola misisi, ngu mhaka ya vanana vako vo tsakisa; kulisa lipala lako kufana ni digama, nguko va tekilwe kwako ve yiswa wukhumbini.

Jeremiya 6:30

Vona va na wombwa ku i silivhela yo lekwa, nguko Mkoma a va lekile.

Jeremiya 16:6

Vahombe ni vanana va na fa ngu wubihi wawe ditikoni muwa, va si tshotshwi; vathu kha va na mbi va dilela, hambi ku ti txhavela ni kuyola misungo.

Mithumo 2:40

Pedro a to tsanisa wufakazi wakwe ngu mamwani mapswi amangi, a txi va laya, a txi khene: “Hambanani ni liveleko liya lo gombonyeka.”

Matewu 23:36

Kha ditshuri na mi gela ku khani: Sotshe siya si na welela lihunzu liya.”

Matewu 16:4

Lixaka la tshofu ni la ku ambi thembeka ka Txizimu li kombela sidiwukiso, aniko kha li na mbi ningwa tximwani txidiwukiso, hahanze ka txikombiso txa mprofeti Jona.” Se a to va leka e ti tsulela.

Matewu 12:39

Se ene a to va xamula a txi khene: “Liveleko la tshofu ni la wugango li lava txikombiso, aniko kha li na mbi ningwa tximwani txikombiso, hahanze ka txikombiso txa mprofeti Jona.

Matewu 3:7

Mbimo yi a nga wona Vafarisi ni Vasadhusi va txi lava ku ta bhabhatiswa ngu ngene, a txi khene kwawe: “Lixaka la timamba i mani a nga mi laya, ti to mi thava txiviti txi txi tako kani?

Ezekhiyele 28:12

Awe mwanana wa m'thu, wusa txidilo txitimwi ka mfumeli wa Tiro, u txi m'gela ku khawe: Mkoma Txizimu a khene: Awe mfumeli u lipimo lo hetiseka, wo tala ngu wutxhari ni kutshura ko hetiseka.

Ezekhiyele 19:1

Se awe wusa txidilo txitimwi ka vakoma va ka Israyeli,

Jeremiya 48:37

Nguko wotshe msungo wu na va ligwayi, otshe maletu ma di hungutwe; kotshe manzani ku na sehelelwa, ni masaka siwununi kwawe.

Jeremiya 47:5

Ku na vaho kuyolwa ka hombe ka Gaza, kuloviswa ka Askaloni ni misalela yakwe mkovani; u na ti kuvelela kala yihi mbimo kani?

2 Vafumeli 17:20

Ngu kumaha keto, Mkoma a to nyenya yotshe mbewu ya ka Israyeli, e va tsindaveta, ni ku va ningela manzani ka vakhozisi, kala kuza e va thavisa masoni kwakwe.

Dhewuteronome 32:5

Akuwa va nga onhela Txizimu, hi nga ngadi vanana va txona, ngu vona va ku ni mnandu, liveleko lo gombonyeka ni la makuhu.

Isaya 22:12

Se Mkoma, Mkoma wa Mabutho a Tiyimbi, a na mi dhana ka ditshiku dile, kuya dila, ni kuya peka huwa, ni ku kuyula misungo, ni ka muambalisi wa masaka.

Jeremiya 3:2

Guleta maso ako mimangoni; ngu hayi hawa u nga mbi maha wugango kani? U verela vona tinzilani kufana ni Vaharabhi amu txiwulani. U nyenyezisile ditiko ngu wugango wako ni wubihi wako.

Jeremiya 3:21

Mimwayani ko pfala dipswi da sidilo ni kudikwila ka vanana va ka Israyeli; nguko vona va bihisile tinzila tawe, va divate Mkoma, Txizimu txawe.

Jeremiya 9:10

Ni na theketa mirongo ni peka huwa ngu mhaka ya mimango, ni dilela wudyiseloni ka txiwula, nguko ku hyite; kha ku ngadi ni m'thu a pindako ngu kona, hambi kupfa kubhoma ka tihomu; sinyana sa nzuma ni sihari si tutumile, si tsute.

Jeremiya 12:7

Ni tutumile Dithepele dangu, ni site thomba yangu; ni ningete txirandwa txangu manzani ka valala va txona.

Jeremiya 14:19

Ina u mlekete magwito Judha kani? Mwendo u ngava u di swirekile mbiluni ngu Siyoni kani? Ngu kutxani u nga hi pekisa ti to hi si sikoti ni kuthumwa kani? Hi ti verete kuthutha, aniko wunene kha wa woneka; Hi verete mbimo yo thumwa, na kuve kuthava kuho!

Sidilo 5:22

Ina u nga hi lekela magwito kani? U nga hi pandisekelisa tiya ngutu ngu kutxani kani?

Amosi 5:1

Engisani mhaka yi ni yi wombako, ya txidilo hagari kwanu, awe nyumba ya Israyeli.

Jeremiya 9:16

Ni na va hangalasa hagari ka matiko awa vona hambi vatate vawe va nga mbi ma ziva, ni na rumela ditxhari, niza ni va heta.