Jeremiya 7:20 - Bhiblia Yo Sawuleka

²⁰ Ngu konaho, Mkoma Nyamne wa sotshe, a khene: Ni na tshakunuta kuhenya kwangu ni txiviti txangu ka wuwa wukhalo, txitimwi ka vathu ni txitimwi ka sihari, ni txitimwi ka mindonga ya txitinga ni mihando ya mafu, si na tura si si koteki kutimwa.

Jeremiya 7:20 Referans Kwoze

Jeremiya 42:18

Nguko a womba tiya Mkoma wa Mabutho a Tiyimbi, Txizimu txa Israyeli: Nga ti ku nga thekelisa tona kuhenya kwangu ni txiviti txangu ka vale va zumbako Jerusalema, ku na thekelisa toneto kuhenya kwangu txitimwi kwanu, aha ni no wulela Egipta; mi na maneka mi txi ruketelwa, txixamaliso, txinyenyeko, ni kutxhipiswa, kha mi na mbi wu wona kambe wukhalo wuwa.

Jeremiya 17:27

Aniko, ngako mi si ni engisi, kasi ku mi si sawulekisi ditshiku da Sabbata, ni kuva mi si tisi mirwalo ni kuwulela nayo ngu sike sa Jerusalema, ngu ditshiku da Sabbata; sekoko, ni na dhivela mndilo sikenini ka dona, wu hisa tinyumba ta wukoma ta Jerusalema, mndilo wuwa kha wu na mbi timeka.”

Isaya 42:25

Ngu mhaka yeto, a tshakunutile kuhenya kwakwe txitimwi kwawe, ni mtamo wa yimbi. Se a va vekete m'dhikila madhawani, kambe kha va tipfisisa txilo keto; a va hisile aniko kha va veka mbilu yawe keto.

Nahume 1:6

I mani a no ema masoni ka txiviti txa Mkoma kani? I mani a no timisela masoni ka kutura ka kuhenya kwakwe kani? Txiviti txakwe txi thekete ku nga mndilo, se marigwi ma hoxotilwe ngu ngene.

Ezekhiyele 22:22

Kufana ni kule kupatanako silivhela hagari ka txikho, mi na patanisiswa toneto hagari ka txikho; kambe mi na tiziva taku ani Mkoma, ni na tshakunuta kuhenya kwangu txitimwi kwanu.

Sidilo 4:11

Mkoma Txizimu a hetisile kupandiseka kwakwe a kusute mndilo wa txiviti txakwe. Wu txi hisa m'ti wa Siyoni, wu txi hetisa ni makhato a wona.

Jeremiya 44:6

Ku thekete koko, kuhenya kwangu ku txi tura txitimwi ka madhoropa a Judha, ni mu ka tinzila ta hombe ta Jerusalema; ona ma to maneka i ti siwula ni sihala nga ti ma wonekisako tona nyamsi.

Isaya 66:24

Se va na huma ve wona sirumbi sa vathu vale va nga ni tshuralela; nguko mbungu yawe kha yi na mbi fa, hambi mndilo wa kona kha wu na mbi timeka; se si na maha ti to votshe vathu ve thava.

2 Vafumeli 22:17

Nguko va ni lekile, ve hisela dibaselo simwani sizimu, ve ni wusela kuhenya ngu yotshe mithumo ya manza awe, txiviti txangu txi vhutukile ka wukhalo wuwa, kambe kha txi na mbi timeka.

Mtuletelo 14:10

eyo nene a na sela vhinya ya kuhenya ka Txizimu, yo mbi timulwa ayi yi nga thelwa mu ka digombe da kuhenya ka txona; a na xaniswa ngu mndilo ni txivavula, masoni ka tingelozi to sawuleka, ni masoni ka Txinvutana.

Malakiya 4:1

Nguko wonani taku ditshiku dile, dita di txi tura nga m'dhikila; votshe va va ti kulisako ni votshe va va mahako wubihi, va na nga mwasi, se ditshiku di di nota di na va tshokomisa, kuwomba Mkoma wa Mabutho a Tiyimbi, taku kha di na mbi va siyela mkoloti, mwendo didhavi.

Dhaniyeli 9:11

Ina, votshe va ka Israyeli va ndakile milayo yako, va hambukile, va si engisi dipswi dako; ngu kumaha keto, txiruko, ni txixambanyo si si nga bhalwa ka Mlayo wa Mosi, txithumi txa Txizimu, si tshakunutilwe txitimwi kwathu; nguko hi kuonhete.

Jeremiya 14:16

Vathuvo ku nga profetwa kwawe va na tshotshwa magondoni ka Jerusalema ngu mhaka ya nzala ni ditxhari, kha ku na mbi va ho wo va tshotsha: Vona ni vasikati vawe, ni vanana vawe va txiwamna ni va txisikati; nguko ani ni na tshakunuta wubihi wawe txitimwi kwawe.

Jeremiya 12:4

Ina ditiko di na keta kala yihi mbimo kani? Mwasi wu txi oma txitingani, ngukonaho ka wubihi wa va va zumbako emo kani? Sihari ni sinyana sa lova, nguko va kha vona: Kha na mbi wona kugwitelwa kwathu.

Matewu 3:12

Manzani kwakwe a ni txiselo, a na hiyela txithathe txakwe, se a na sengeleta fulaho yakwe txisangalani, aniko makamba a na ma hisa ngu mndilo wo mbi timeka.”

Isaya 10:17

Nguko Liwoningo la Israyeli li na maha mndilo, se Msawuleki wa kona a na nga dikala da mndilo, di na tura di hisa mipa ni txitinga ngu ditshiku dimwedo.

Jeremiya 6:11

Ngu konaho, ni taletwe ngu kuhenya ka Mkoma. Ni karate ngu ku ti ñola. Tshakunuta kuhenya txitimwi ka vanana amu tinzilani ka hombe, ni txitimwi ka tisengeletano ta majaha, mwamna ni msikati va na ñolwa kumweko, txikosana ni wule a nga talelwa ngu masiku.

Jeremiya 6:12

Nyumba yawe yi na ningelwa vamwani, kumweko ni tithembwe tawe ni vasikati vawe; nguko ni nawuluta dianza dangu txitimwi ka vaaki va ditiko, kuwomba Mkoma.

Jeremiya 8:13

Ni na va lovisa va txi bhi, kuwomba Mkoma. Kha ku na mauvha mndongani ka m'vhina, hambi makuwu mkuwuni, ni ona mazokoro ma omile. Asi ni nga va ninga si na pshwonyowoka kwawe.

Jeremiya 11:16

Mkoma a ku thute ditina daku: Muolivha wo nyuka wa mihando yo tshura. Ngu diguwa da hombe da m'dhikila a di hisile ngu mndilo, madhavi a dona ma phatukete.

Jeremiya 17:4

Ngu mnandu wako wutumbu u na mwalelwa ngu thomba yako ayi ni nga kuninga; ni na kumaha u thumela valala vako, ka ditiko di u si di ziviko. Nguko mi dhivete mndilo wa kuhenya kwangu awu wu no tura kala kupinduka.

Jeremiya 18:23

Aniko, awe Mkoma, wa txi ziva txikungo txawe, txo xota ku ni daya. U nga divalele wubihi wawe, hambi kupfhita txionho txawe masoni kwako. Va na humbwe va txi wa masoni kwako, va mahele eto ngu mbimo ya kuhenya kwako.

Jeremiya 21:12

Anu nyumba ya ka Dhavhidha, Mkoma a khene: Lamulani ngu kululama i di ngadi mixo; mi hulukisa wu a handwako, manzani ka wu a mtsindavetako; kasi ku kuhenya kwangu ku si turi nga mndilo, ku txi hisa ha kaku ku txi pwateka ni wo tima, ngu mhaka ya wubihi wa mithumo yanu.

Zefaniya 1:2

Ni na fuvisa sotshe si si kuho ha mafuni, kuwomba Mkoma.

Levhi 26:28

sekoko, ni na mi wukela ngu kuhenya, ni txi mi tsayisa kambe, ngu kuwuyeleta mtxhanu wa sikhati ni simbidi, ngu mhaka ya sionho sanu.

Ezekhiyele 7:12

Yata mbimo, da hoka ditshiku; wule a xavako a nga tsake, ni wule a xavisako a nga henye; nguko txiviti txa tura txitimwi ka mtalo wawe.

Ezekhiyele 7:14

Va vetile mpundu, kambe sotshe va lulamisete, aniko kha nga ho wu ayako kulwani, nguko txiviti txangu txa tura txitimwi kwawe, ngu mtalo wawe.

Zefaniya 1:3

Ni na fuvisa vathu ni sihari, ni na fuvisa sinyana sa nzuma ni sihaka sa linene, ni sikhunguvanyiso sa va wubihi; kambe ni na fuvisa vathu txitimwi ka mafu, kuwomba Mkoma.

Zakariya 7:12

Ina, va bangisile timbilu tawe ti fana ni marigwi a dhayimani, kasi ku va si engisi mlayo, ni mapswi awa Mkoma wa Mabutho a Tiyimbi a nga ti ma rumete ngu Moya wakwe, a txi thuma nga vaprofeti vo khata, ngumo ku nga ta ngu kona kuhenya ka hombe ka Mkoma wa Mabutho a Tiyimbi.