Jeremiya 7:17 - Bhiblia Yo Sawuleka

¹⁷ Ina khu ti woni ti va ti mahako madhoropani ka va ka Judha kani ni mu ka magondo a Jerusalema kani.

Jeremiya 7:17 Referans Kwoze

Ezekhiyele 14:23

Se mi na thavelelwa, mbimo yile mi no wona tinzila tawe ni simaho sawe; se mi na tiziva taku kha na ti maha walo totshe ti ni nga maha ka dona, kuwomba Mkoma Txizimu.

Jeremiya 6:27

Ni kuvekile kuva txitezi txa wuwoneleli wa vathu vangu, uva dikhokhola, ti taku u ziva ni kuxola tsimbilelo yawe.

Jeremiya 7:16

Ngu konaho, u nga va kombelele vava vathu, u nga dhuke u guleta dipswi ngu vona ngu mikombelo, u nga ni kombele txilo, nguko na mba kuengisa.

Jeremiya 7:18

Vanana vo sengeletela tikhuni, vatate ve dhivela mndilo, ni vavasikati va vhuva mpupu kasi kumahela simbwanda txizimu txa txisikati, txi dhanwako ku mfumeli wa txisikati wa nzumani; na va txi ningela miningelo ya sakusela ka simwani sizimu, kasi ku ni wusela kuhenya.

Jeremiya 44:6

Ku thekete koko, kuhenya kwangu ku txi tura txitimwi ka madhoropa a Judha, ni mu ka tinzila ta hombe ta Jerusalema; ona ma to maneka i ti siwula ni sihala nga ti ma wonekisako tona nyamsi.

Jeremiya 1:16

Se ani ni na womba malamulelo angu txitimwi kwawe, ngu mhaka ya wubihi wawe wotshe, nguko va ni lekile, veya hisela dibaselo simwani sizimu, ni kukhizama masoni ka mithumo ya manza awe.

Jeremiya 32:29

Vakaldheya va randelako didhoropa diya, va na wulela ka dona va txi di hisa ngu mndilo, va txi hisa ni tinyumba totshe ati ku hiselwako ka tona mabaselo a Bhahali, ni kuningela miningelo ya kusela ka simwani sizimu, va txi ni henyisa.

Jeremiya 32:32

Ngu mhaka ya wubihi wotshe wa vanana va ka Israyeli ni vanana va ka Judha, awu va nga wu maha kasi ku ni henyisa, vona ni vafumeli vawe, ni vathangeli vawe, ni vaphaxeli vawe, ni vaprofeti, ni vathu va ka Judha ni vaaki va Jerusalema.

Jeremiya 44:4

Ni mi rumelete sotshe sithumi sangu i ku vaprofeti, ni mixo ngutu ku ta womba tiya: Mi nga maheni wubihi wu ni wu nyenyako.

Jeremiya 44:17

hi na londisa kotshe kuwomba ku ku nga huma ngu txisofuni kwathu, hi txi hisela dibaselo txizimu txa txisikati txi dhanwako ku Mfumeli wa Nzumani, ni ku txi luva.