Jeremiya 7:15 - Bhiblia Yo Sawuleka

¹⁵ Ni na mi tutumisa masoni kwangu, ngako ni hinganako ni ti tutumisile tindiyanu totshe, lihunzu lotshe la ka Israyeli.

Jeremiya 7:15 Referans Kwoze

Jeremiya 15:1

Sekoko Mkoma a to khene kwangu: “Hambi i ti ku Mosi ni Samuwele vo ta ema masoni kwangu, mbilu yangu nga yi si sikoti kuva kumweko ni vathu vava. Va tutumise masoni kwangu.

Hoseya 13:16

Samariya a na maha txiwula, nguko a wukete Txizimu txakwe; Va na dawa ngu ditxhari, vanana vawe va na phatulelwa, se vasikati vawe va sirumbu va na bhandiswa ngu hagari.

Jeremiya 52:3

Ngu kota yeto ku to maheka tito, ngu mhaka ya kuhenyelwa ka Jerusalma ni Judha ngu Mkoma, ene a to va tshotsha kule nayo; se Zedhekiya a to wukela mfumeli wa Bhabhilona.

2 Vafumeli 17:23

Kala kuza Mkoma e thavisa Israyeli masoni kwakwe, nga kule a nga nga womba ngu sithumi sakwe, i ku vaprofeti; a tekisilweto Israyeli e tsuliswa Asiriya, emo a manekako kona kala ka ditshiku da nyamsi.

Hoseya 12:1

Efrayime a ti dyisa ngu moya, kambe a londeta moya wa wutxani: Ditshiku dotshe a andisa makuhu ni kuhoxota, a maha txitumelelano ni Asiriya, se mtona wa kona wu yiswa Egipta.

Hoseya 9:9

Va ti wisile kuonhani ka hombe ngutu, kufana ni masiku a Gibheya. Ene a na alakanya wubihi wawe, e va tsayisa ngu mhaka ya sionho sawe.

Hoseya 9:3

Ka ditiko da Mkoma kha mi na mbi zumba; kambe Efrayime a na tshumelela Egipta, ni Asiriya va na dya sakudya sa manyala.

Hoseya 1:4

Se Mkoma a to m'gela ku khene: “Mraye ditina daku i Jezireyeli; nguko mndani ka mbimonyana ni na photela mnoha wa Jezireyeli, txitimwi ka nyumba ya ka Jewu, ni lovisa mfumo wa nyumba ya ka Israyeli.

Jeremiya 23:39

ngu ditshuri ani ni na mi divala da magwito, ni txi mi tutumisa masoni kwangu, anu ni didhoropa diya ni nga mi ninga, ni ka vatate vanu.

Jeremiya 3:8

Ni to wona ti taku, hambiko ni nga tovela Israyeli, ni mninga dipasi da kuhambana ngu mhaka ya wugango wakwe, Judha ndiya yakwe yo mbi thembeka, kha thava, aniko nene a to tsula eya maha wona wugangowo.

2 Makronika 15:9

Se a to sengeleta votshe vathu va ka Judha, ni va ka Bhenjamini, ni valuveli va Efrayime, ni va ka Manasi, ni va ka Simiyoni, va ka Israyeli va to ta kwakwe va di tate ngutu, nguko va to wona ti to Mkoma Txizimu txakwe txi ni nene.

2 Vafumeli 24:20

Se ti mahisile tiya ngu mhaka ya txiviti txa Mkoma txitimwi ka Jerusalema ni ka Judha, eza e va nyenya masoni kwakwe; se Zedhekiya a to wukela mfumeli wa Bhabhilona.

Mitengo 1:32

Ka vanana va Josefa, ni ka vanana va Efrayime, ngu tiveleko tawe ni mimwaya yawe, madingano ni tinyumba ta vatate vawe, va bhatwe ngu matina a votshe vavamna va magumi mambidi a malembe ni kuya masoni, avale va dingano kuya yimbini.

Masalmo 51:11

U nga ni rethele kule ni nawe, u nga ni tekele moya wako wo sawuleka!

Isaya 7:16

Ngu ditshuri, mwanana wuwa, a sinzi kuziva kulamba to biha ni kusawula tinene, ditiko edo u thavako vafumeli vambidi va dona, di na maha dirumbi.

Jeremiya 9:19

Nguko dipswi da txidilo di pfate ngu Siyoni, di txi kha dona: Yowe! Kuloviswa kwathu! Hi ta so mba tingana, nguko hi lekile ditiko, se vona va hasamute tinyumba tathu.

Ezekhiyele 23:31

U tsimbite ngu nzila ya mkomwako; ngu kumaha keto, ni na ningela digombe dakwe manzani kwako.

Hoseya 7:13

Dikhombo kwawe, nguko va ni tutumile; va na loviswi, nguko va ni lekile, ani ni va tirute kambe va hembile makuhu ngu ngani.

Hoseya 9:13

Efrayime, ngu nga ti ni nga muwonisa tona Tiro, a phayilwe ka wukhalo wo tsakisa ngutu; kambe Efrayime a na yisa vanana vakwe ka m'dayi.

Jona 2:4

Se ani nokha ni ti khani: Ni rinzilwe kule ni khohe yako; hambi keto, ni na engeta ni wona dithepele dako do sawuleka.

Jeremiya 23:33

Ngako vathu vava, mwendo mprofeti, mwendo mphaxeli, va txi ku wotisa, va txi kha vona: Ngu wuhi mrwalo wa Mkoma kani? Sekoko u na va xamula, u txi khawe: Nganu mrwalo wa kona! Ni na mi ginyalata, kuwomba Mkoma.

Ezekhiyele 33:25

Va gele koko u txi khawe: Mkoma Txizimu a khene: Midya ni mnoha, se mi guleta maso mi wona sithombe sanu, kambe ma theketa mnoha! Ina mi na lumbwa ngu ditiko diya kani?