Jeremiya 7:11 - Bhiblia Yo Sawuleka

¹¹ Ina nyumba yi yi dhanwako ngu ditina dangu, yi mahile phako ya makhamba masoni kwanu kani? Kunene, nani ni ti woni, kuwomba Mkoma.

Jeremiya 7:11 Referans Kwoze

Isaya 56:7

kambe ni na va yisa mmangoni kwangu ko sawuleka, ni va busisa Nyumbani kwangu ka mikombelo; miningelo yawe ya kuhiswa ni miphaxo yawe, yi na amukeleka txiluveloni kwangu, nguko nyumba yangu yi na dhanwa ku i Nyumba ya mikombelo, ka otshe matiko.

Matewu 21:13

A txi khene kwawe: “Ti bhatwe ku kha vona: ‘Nyumba yangu yi na dhanwa ku i nyumba ya kukhongelela ka yona.’ Kambe anu mi yi maha wubaramelo wa makhamba!”

Marku 11:17

Se a to va gondisa a txi khene kwawe: “Ina kha ka bhalwa tito: ‘Nyumba yangu yi na dhanwa ku i nyumba ya kukhongela ka otshe matiko kani?’ Kasi anu mi yi maha mkele wa makhokhokho.”

2 Makronika 6:33

Engisa awe nzumaniyo, txituluni hale u zumbako kona, u maha madingano ni kudila ka mluveli, kasi votshe vathu va ha mafuni ve ziva ditina dako, va txi na kuthava kufana ni vathu vako va ka Israyeli, va na ziva kambe ti to ditina dako da khumbukwa txitimwi ka nyumba yiya ni nga yi aka.

Johani 2:16

A txi gela va va xavisako situvani a txi khene: “Thavisani sotshe siya hawa; mi nga tekeni nyumba ya Tate wangu mi yi maha nyumba ya mabhindu.”

Jeremiya 23:24

Ina m'thu a nga sisala ka makhalo a sihunja saku ve ni si mmoni kani? Kuwomba Mkoma. Ina kha ni tati nzuma ni mafu kani? Kuwomba Mkoma.

Vahebheru 4:13

Kha txi nga ho txiwumbwa ni txa tximwetxo txi sikotako kusisala masoni ka Txizimu, nguko, sotshe si tulekile si txi maneka si di ha kubasani masoni ka wule hi fanelako kuya thethiswa ngu ngene.

Jeremiya 29:23

Nguko va mahile wuphuta muwa ka Israyeli, ngu kuotela ni vasikati va vaakelani vawe, ni kuwombawomba makuhu ngu ditina dangu, i ku ti ni nga mbi va laya. Ani na tiziva, ni fakazi ya tona eto, kuwomba Mkoma.

Jeremiya 2:34

Mirungoni ka txyambalo txako kumaneka mnoha wa sisiwana asi si singako ni mnandu, ava u nga mba va mana va txi dhoda nyumba yako. Aniko u va date, nguko u dhunda ta ku nga toneto.

Jeremiya 7:10

Sekoko mi ta ema masoni kwangu nyumbani muwa, kudhanwako ngu ditina dangu, mi txi khanu: Athu hi hulukile! Na kuve mi ngadi mi txi maha otshe manyaleyo.

Ezekhiyele 35:13

Anu mi ti mahile vahombe kwangu; ani ni ti pfite.

Isaya 1:12

Mbimo yi mitako masoni kwangu, mi getwe ngu mani kuhumisa simaha mi ta kandetela siluvelo sangu kani?

Dhaniyeli 9:18

Awe Txizimu txangu, namisa tinzeve tako u engisa; tula maso ako u wona marumbi athu, ni didhoropa di di dhanwako ngu ditina dako, nguko kha hi ya tisa kudila kwathu masoni kwako, ngu kululama kwathu, kambe ngu mhaka ya wumbilu wako wo tala.