Jeremiya 6:7 - Bhiblia Yo Sawuleka

⁷ Nga txisima txi txi humisako mati, kuhumisa tonato kubiha ka dona. Kuzoriyetana ni kuonhetela ka pfala ka dona, kulwa ni tivandwa siho masoni kwangu, ngu ha ku si gwitiko.

Jeremiya 6:7 Referans Kwoze

Ezekhiyele 7:23

Maha txhini, nguko mafu ma tate ngu wubihi wo theketa mnoha, kambe didhoropa di tate ngu kulwisana.

Ezekhiyele 7:11

Kulwisa ku gulekile kumaha ndonga ya kwa mbi na wumbilu; kha ku na mbi sala txilo kwawe, hambi ka kutala kwawe, mwendo dirumbi dawe, kambe kha ku na mbi va ni ku dilwa kwawe.

Jeremiya 20:8

Nguko konkuwa ni wombawombako, na peka huwa; ni peka huwa ngu “kutsindavetwa ni kuhandwa.” Nguko va ni ruketela ngu mhaka ya dipswi da Mkoma, ni ku ni seka dotshe ditshiku.

Isaya 57:20

Aniko vabihi va fana ni linene lo vhiluka, kha li na kumalatwa, ali mati a lona, ma humisako lidhaka ni ndope.

Ezekhiyele 24:7

Nguko mnoha wa kona wu hagari ka dona; wu nga thelwa txitimwi ka dirigwi, kha wa thekela hahatshi, kasi ku wu si kuletelwi ngu mafu;

Mavingu 4:23

Txitimwi ka sotshe si si dinganako kuxayiswa, xayisa mbilu yako, nguko tita ngu ka yona tinzila ta wutomi.

Isaya 59:6

Sisaka sa va nyazombe kha si dingani kuluka ngu sona syambalo, hambi ku ti fenengeta ngu mithumo yawe; mithumo yawe, mithumo ya wubihi, ni mithumo ya wugevenga yi manzani kwawe.

Jeremiya 30:12

Nguko Mkoma a khene: Mbanga yako kha yi kalamuki, hambi m'zoko wako kha wu holi.

Jeremiya 30:13

Kha nga ho a ku emelako, ni alaha txilonda txako, ku nga ni mrende wo thuma.

Jeremiya 32:31

Nguko adiya didhoropa di vhilusile kuhenya kwangu ni txiviti txangu kukhukhela ditshikwedo va ngadi aka kala nyamsi kuwa; kuva ni txi na di thavisa masoni kwangu.

Ezekhiyele 45:9

Mkoma Txizimu a khene: Ti dinganile, anu vathangeli va ka Israyeli; yisani kule timboyinga ni kulovisa, lamulani ngu wululamo, kambe thavisani mikhinyavezo yanu ka vathu vangu, kuwomba Mkoma Txizimu.

Isaya 1:6

Kukhukhela hahatshi ka mkondo kala ha msungo, kha ku na txilo txi txi hanyako kha kwati; mmidi wotshe wu tate ngu silonda ni kusimba, ni mazuku a silonda so sina so mbi kuwulwa, hambi kusungelelwa; ni ku nakaniswa ngu mafura.

Jeremiya 8:22

Ina kha ku nga ni mrende Gileyadhi, mwendo kuwalo ñanga koneyo kani? Ngu txani koko, a nga mbi kalamukiswa mwanana wa txisikati wa vathu vangu kani?

Jeremiya 30:15

Ngu kutxani u ketiswako ngu mbanga yako kani? Kambe kupanda kwako kha kumalali. Ngu mhaka ya kukula ka wubihi wako, ni wungi wa sionho sako, ni ku mahete siya silo.

Ezekhiyele 21:29

Hambi va txi kuwona u si nyawuli, hambiko va txi kuhuta makuhu kasi ku kuhayeka mkoloni ka vaonhi, ava va nga dayiselwa va txi fa, ditshiku di nata da kutsayiswa ka hombe.

Zefaniya 3:1

Dikhombo ka wule wa ku ti lambisa ni kutinyenyezisa, didhoropa da kutsindaveta!