Jeremiya 6:6 - Bhiblia Yo Sawuleka

⁶ Nguko Mkoma wa Mabutho a Tiyimbi a khene: Gangani tindonga mi maha libhingo la kubhiyela Jerusalema; nguko didhoropa di dinganako kutsayiswa; di taletwe ngu wutsindaveti.

Jeremiya 6:6 Referans Kwoze

Jeremiya 32:24

Hi nga wona maguma! Va tete ku ta wukela didhoropa, kasi ku ta di teka, se didhoropa di ningetwe manzani ka Vakaldheya, va valwako navo ngu ditxhari, ni nzala, ni mtungu; se ati u nga womba ti mahekile, ngu tona ti u ti wonako.

Luka 19:43

Nguko ma nata masiku txitimwi kwako, aawa valala vako va nota kubhiyela ngu ona, ve kuranganyeta, ve ku tsivela ngu otshe madhawa.

Isaya 37:33

Ngu kumhaka keto, Mkoma a womba tiya ngu mhaka ya mfumeli wa Asiriya: Kha na mbi wulela ka diya didhoropa, hambi kukhwinza lingove limwelo; kha ku na mbi wulela txitxhavangu ni txa tximwetxo, hambi kukelwa mibhala yo sisala ka yona.

Jeremiya 22:17

Aniko maso ako ni mbilu yako si navela dibhindu dwe, ni kutheketa mnoha wa wu asi ngako ni mnandu, u maha ngu kutsindaveta ni timboyinga.

Jeremiya 32:31

Nguko adiya didhoropa di vhilusile kuhenya kwangu ni txiviti txangu kukhukhela ditshikwedo va ngadi aka kala nyamsi kuwa; kuva ni txi na di thavisa masoni kwangu.

Jeremiya 33:4

Nguko Mkoma, Txizimu txa Israyeli, a womba xungetano ni tinyumba ta diya didhoropa, ni xungetano ngu tinyumba ta vafumeli va ka Judha, ati ti nga khundumuselwa, kasi kuvhikela didhoropa ka maphala ni matxhari.

Ezekhiyele 4:2

Bhala txikombiso txa kurandelwa ka dona ngu valala, u bhiya ngu diguma do tsana, veka so tshinga ngu sona, u veketela magovelo, ni so khundumusa ngu sona.

Ezekhiyele 5:5

Mkoma Txizimu a khene: Awuwa i Jerusalema; ni m'vekile hagari ka matiko.

Dhaniyeli 11:15

Se mfumeli wa Wuphemba a nata, e ta aka libhiyo lo guleka, se e teka Didhoropa da Hombe; kambe mitamo ya Wulambwe kha yi na mbi timisela, hambi tindena ta vathu vakwe kha ti na mbi va ni mtamo wo timisela.

Zefaniya 3:1

Dikhombo ka wule wa ku ti lambisa ni kutinyenyezisa, didhoropa da kutsindaveta!

Jeremiya 5:9

Ina ani kha ni na ku si tsayisa soneso kani? Kuwomba Mkoma. Na mbi pharela ka ditiko daku nga diya kani?

Jeremiya 5:29

Ina ani na mbi tsayisa silo siya kani? Kuwomba Mkoma. Na mbi pharela ka ditiko do nga dona diya kani?

Jeremiya 20:8

Nguko konkuwa ni wombawombako, na peka huwa; ni peka huwa ngu “kutsindavetwa ni kuhandwa.” Nguko va ni ruketela ngu mhaka ya dipswi da Mkoma, ni ku ni seka dotshe ditshiku.

Jeremiya 39:1

Ngu mtxima wa wugumi ka dilembe da wutxhanu ni mune da kufuma ka Zedhekiya mfumeli wa ka Judha, Nebhukodhonosori mfumeli wa Bhabhilona a tile ni yimbi yakwe yotshe e ta wukela ni kurandela Jerusalema.