Jeremiya 6:30 - Bhiblia Yo Sawuleka

³⁰ Vona va na wombwa ku i silivhela yo lekwa, nguko Mkoma a va lekile.

Jeremiya 6:30 Referans Kwoze

Hoseya 9:17

Txizimu txangu txi na va lamba, nguko kha va txi engisi; va na tsimbila-tsimbila hagari ka matiko va si thumi txilo.

Isaya 1:22

Silivhela yako yi mahilwe mabivi, ni vhinya yako yi thetwe mati.

Masalmo 119:119

Votshe vabihi va ha mafuni u va wona kota mabivi, ngu toneto ani ni randa sileleto sako.

Isaya 1:25

Se ni na wuyisa dianza dangu kwako, ni kubasisa ka mabivi ako otshe; ni kuthavisa hagari ka nzambwa yako yotshe.

Varoma 11:1

Se na wotisa: Ina Txizimu txi nga va txi di tshotshile vathu va txona kani? Lambi! Nguko nani ni Muisrayeli, wa lixaka la ka Abrahamu, ka lihunzu la ka Bhenjamini.

Matewu 5:13

“Anu mi m'nyu ka vathu. Ngako m'nyu wu txi guma mtamo, wu na lungwa wona ngu txani kani? Kha wu vhuni txilo kambe, hahanze ka kutheketwa kule, kasi wu na kandetelwa ngu vathu.”

Sidilo 5:22

Ina u nga hi lekela magwito kani? U nga hi pandisekelisa tiya ngutu ngu kutxani kani?

Jeremiya 14:19

Ina u mlekete magwito Judha kani? Mwendo u ngava u di swirekile mbiluni ngu Siyoni kani? Ngu kutxani u nga hi pekisa ti to hi si sikoti ni kuthumwa kani? Hi ti verete kuthutha, aniko wunene kha wa woneka; Hi verete mbimo yo thumwa, na kuve kuthava kuho!

Jeremiya 7:29

Yola misisi ya msungo wako, u txi yi tshotsha kule, indaya peka huwa mimangoni, nguko Mkoma a lambile ni kuleka lihunzu li li nga wusa kuhenya kwakwe.

Mavingu 25:4

Thavisa nzambwa yi gololokako ha ka silivhela, kasiku muwumbi a na wumba ngu yona txiya.

Masalmo 53:5

Vona va na dhudhumela ngu kuthava, kambe ku si nga ho mhaka ya kuthava, nguko Txizimu txi na hangalasa marambu a vale va ku randelako. Awe u na va xula, nguko Txizimu txi va tshuralete.

Jeremiya 7:1

Dipswi da Mkoma di nga ta ka Jeremiya, di txi kha dona:

Zakariya 11:8

Ni hoxotile vadyisi vararu ngu mtxima wumwewo, nguko moya wangu wu ti va henyete, ni moya wa tona wu to swihala ngu ngani.

2 Vafumeli 17:20

Ngu kumaha keto, Mkoma a to nyenya yotshe mbewu ya ka Israyeli, e va tsindaveta, ni ku va ningela manzani ka vakhozisi, kala kuza e va thavisa masoni kwakwe.

Jeremiya 23:33

Ngako vathu vava, mwendo mprofeti, mwendo mphaxeli, va txi ku wotisa, va txi kha vona: Ngu wuhi mrwalo wa Mkoma kani? Sekoko u na va xamula, u txi khawe: Nganu mrwalo wa kona! Ni na mi ginyalata, kuwomba Mkoma.