Jeremiya 6:26 - Bhiblia Yo Sawuleka

²⁶ Awe m'horana wa vathu vangu, ti ambeke disaka, u pulukuta dikhumani; peka huwa yo nga yo dilela mwanana wammweyo ekha, xomulo ya txiviti. Nguko muhasamuli a na hi tela ngu txidhukisa.

Jeremiya 6:26 Referans Kwoze

Zakariya 12:10

Se ni na thela Moya wa wumbilu ni wa mikombelo txitimwi ka nyumba ya ka Dhavhidha, ni txitimwi ka vaaki va Jerusalema; va na wonetela kwangu, ani va nga ni thola; kambe va na m'dilela ku nga vo dilela mwanana wammweyo dwe; kambe va na dila ngu txiviti ngu mhaka yakwe, kufana ni tile ku diliswako tona mwanana wa matiwula.

Jeremiya 4:8

Ngu konaho, ambalani masaka mi dila, ni kudikwila. Nguko kutura ka txiviti txa Mkoma kha ka khukha kwathu.

Jakobe 5:1

Engisani, anu vanyatithombe, dilani mi txi peka tihuwa ta hombe ngu makhombo awa ma no mi wela.

Jakobe 4:9

Zivani wusiwana wanu, salukani, mi txi dila; maseko anu ma na phinduke ma txi maha madila, litsako lanu li na phinduke li txi maha kupandiseka.

Luka 7:12

Mbimo yi a nga hoka ha diphangoni ka didhoropa, a to manana ni vathu, va nga txi huma, va txi heleketa m'thu wa kufa, awu i nga ti mwanana wammweyo ekha wa mame wakwe wa noni; vavangi va kuhuma didhoropani va ti kumweko nayo mame wule wa noni.

Amosi 8:10

Na phindula mibuso yanu yi maha txidilo, kotshe kuembelela kwanu ku na maha kutitsetsa, kuhumelela masaka ka makata anu ni ligwayi ha misungo kwanu, ni maha ti to a siya si txi nga mizila ya mwanana mmweyo wa dizambi, se magwitelo akwe ma na nga ditshiku da kupandiseka.

Sidilo 4:10

Manza a vamame vale va nga ti zivaneka ngu wunene, ngu ona ma nga bhika vanana vawe mapune, ve tshumela ve dya, nguko m'ti wa ka kwathu wu xasetwe ngu nzala.

Sidilo 4:6

Nguko wubihi wa vathu va ka kwathu, mbwa hombe kupinda wa Sodhoma, i ku m'ti wu wu nga mwalatwa ngu mbimwanyana, i si nga ngu diwoko da m'thu aniko da Txizimu.

Sidilo 4:3

Tihongonyi ti xayisa vanana va tona ti txi va mamisa; aniko mwanana wa dihorana wa vathu vangu a ni tshofu kufana ni timbuwu ta txiwulani.

Sidilo 3:48

Maso angu ma theketa mirongo ku txi nga mnambo, nguko ku na hoka kuloviswa ka vathu va ka kwathu.

Sidilo 2:11

Maso angu ma karate ngu mirongo, moya wangu wu ha kukaratekani. Ni gumile mtamo ngu kupandiseka ngu mhaka ya kuloviswa muhorana wa vathu vangu; nguko va tsivala vafana ni timenzani to mama, magondoni ka didhoropa.

Sidilo 1:16

Se kona kuwa, ni dila ngu totshe ti ti nga ni humelela; maso angu kha ma emi kuhuma mirongo; awule a nga ti fanete ku ni malatela ni ku ni tsanisa a maneka kule ngutu ni nani; vanana vangu va hangalasilwe, nguko mlala a ni xute.

Sidilo 1:2

Didhoropa da Jerusalema di simama di txi dila ni wusiku; mirongo ya dona yi pyololoka khoheni ka dona; kha di nga ni mmalateli ka sotshe sirandwa sa dona; votshe vangana va dona va di lekile ve maha valala va dona.

Jeremiya 15:8

Tinoni tawe ti engetekelani kupinda mtxhefa wa linene. Ni nehile mlovisi wu a dayako vamame va mazambi ni mitshikari. Ngu txidhukisa ni rumete txitimwi kwawe kuxaniseka ni kuthava.

Jeremiya 14:17

U na va gela, u txi khawe: Maso angu ma dila mirongo wusiku ni mitshikari, kha yi emi; nguko wotuma, mwanana wa vathu vangu a dayisilwe ka hombe, ni txilonda txa hombe txi thisako.

Jeremiya 13:17

Aniko mi si engisi, ni na dila txihunjani ngu mhaka ya wugwili wanu, maso angu ma na dila ngutu, me humisa mirongo, nguko vathu va Mkoma va yiswa wukarawani.

Jeremiya 12:12

Vahasamuli va tile mimangoni kotshe ka txiwula, nguko ditxhari da Mkoma di xasela kukhukhela magwito kala kumwani magwito ka ditiko; kha ku na m'thu ni wammweyo a nova ni kuthutha.

Jeremiya 9:10

Ni na theketa mirongo ni peka huwa ngu mhaka ya mimango, ni dilela wudyiseloni ka txiwula, nguko ku hyite; kha ku ngadi ni m'thu a pindako ngu kona, hambi kupfa kubhoma ka tihomu; sinyana sa nzuma ni sihari si tutumile, si tsute.

Jeremiya 8:21

Ni karateka ngu mhaka ya txilonda txa mwanana wa txisikati wa vathu vangu, ni ni xomulo, ni ñotwe ngu kuthava.

Jeremiya 8:19

Hi nga pfa dipswi da txidilo da mwanana wa txisikati wa vathu vangu, adi di humako ditikoni ka kule, di txi kha dona: Kasi Mkoma khangaho Siyoni kani? Ina Mkoma wakwe kha nga kwakwe kani? Ngu kutxani va nga vhinjukisa kuhenya kwangu ngu sifananiso sawe, ni sizimu sa vamatiko kani?

Jeremiya 6:14

Kha va khatala kuthuma tivandwa ta vathu vangu va txi kha vona: Kuthuthile, kuthuthile! Na ku si nga ni kuthutha.

Jeremiya 4:20

Kuhuwelela ngu kuloviswa txitimwi ka kulovisa, nguko ditiko dotshe di hasamutwe. Matenda angu ma khundumutwe ngu txidhukisa, ni midhuti yangu ngu mbimwanyana.

Jeremiya 4:11

Ka yoneyo mbimo ku na gelwa vathu vava ni Jerusalema, ku kha vona: Diphuho do hisa da mimango ya txiwulani di rendekete vathu vangu, na i si nga kuhehela ni kutsetseta.

Isaya 32:11

Dhudhumelani, anu vavasikati vo zumbiseka, kambe karatekani anu mi ti thembako ngutu; thavisani syambalo sanu, mi sala mi di simbwiri, se mi ambala masaka siwununi kwanu.

Isaya 30:13

Ngu mhaka yeto, wubihi wuwa kwanu, wu na nga diseta di di ku ni lifa, do humisa mrumbu kukhukhela txitimwi ngutu, adiya kuwa ka dona, ku nota ngu txidhukisa.

Isaya 22:12

Se Mkoma, Mkoma wa Mabutho a Tiyimbi, a na mi dhana ka ditshiku dile, kuya dila, ni kuya peka huwa, ni ku kuyula misungo, ni ka muambalisi wa masaka.

Isaya 22:4

Ngu toneto, ni khani: Mi nga ni woneteleni, ni na dila ngu txiviti; mi nga karaleni ngu ku ni thavelela, ngu kuhaxulwa ka mwanana wa muhorana wa vathu vangu.

Genesisi 21:16

A to siya mwanana wakwe e tsimbila mnava wa mpimo wa kukhwinzwa ka lingove, a txi ya khalahatsha, nguko a ti ti khene: “Kha ni lavi kuwona mwanana wangu a txi fa.”

Jobe 2:8

Se Jobe a to teka txirengele e halela ngu txona silonda, e khalahatsha hagari ka dikhuma.

Jeremiya 9:1

I ti ku msungo wangu ka Txizimu wo hinduka wu ve mati, ni maso angu kuva txibuka txa mirongo, sekoko ni ndi na va dila wusiku ni mitshikari, vafi va mwanana wa txisikati wa vathu vangu!

Jeremiya 18:22

Tihuwa ti na pfale tinyumbani kwawe; ka dona ditshiku di u tisako makhokhokho kwawe ngu txidhukisa. Nguko va kete diphala da hombe da kuniwuleta ka dona ni kuriyela milawu mikondoni kwangu.

Sidilo 3:16

Akunute makwasa angu ngu sirigwana, a txi ni fenengeta ngu dikhuma.

Jona 3:6

Nguko dipwsi diya di hokile ka mfumeli wa Ninivha, se a to khukha ha txituluni kwakwe ka wukoma, a txi thavisa syambalo sakwe, e fenengela masaka, e khalahatsha hadikhumani.

Jobe 15:21

Diguwa da tihuwa di tinzeveni kwakwe; hambi mu ko thutha, wata kwakwe mxaseli.

Isaya 3:24

Se ku na maheka taku, wukhaloni ko bhumula, ku nava ni kununga; se wukhaloni ka libhande, ku nava ni ngoti; wukhaloni ka misisi, ku na maneka tipala; wukhaloni ka syambalo sa mibuso, ku na ambalwa masaka; wukhaloni ka kutshura ngutu, ku nava ni sibawa so hiswa ngu mndilo.

Jeremiya 30:5

Mkoma a khene: Hi pfite dipswi da kudhudhumela; kuho kuthava, kuthutha kuwalo.