Jeremiya 6:25 - Bhiblia Yo Sawuleka

²⁵ Mi nga yeni thembweni hambi kutsimbila tinzilani; nguko ditxhari da mlala diho konemo da dhukisela ka otshe madhawa.

Jeremiya 6:25 Referans Kwoze

Jeremiya 49:29

Va na hamdwa, matenda awe, sifuyo sawe, mijiyo yawe, ni siya sawe, va na honyolwa makameli awe; va na va mahela diguwa: Kuho kuthava ngu ka otshe madhawa!

Jeremiya 20:10

Nguko ni pfite kungungurukela ka vavangi: Kuho kuthava ka otshe madhawa! “Wombani, hi na mmangala!” Votshe vale va ku ni kuthutha ni nani, va verela kuwa kwangu, va txi kha vona: “Mwendo a nga tumela kukujetelwa, sekoko hi na mxuthula, kuva hi pharela kwakwe.”

Jeremiya 14:18

Nguko ni txi ya wona thembweni vaho va va nga dayiswa ngu ditxhari. Ni ku ngako ni txi wulela m'tini ni wona va va fako ngu nzala: Ina ngu wumbidi wawe mprofeti ni mphaxeli va zungulukela na va si kuzivi aha vayako kona.

Masalmo 31:13

Ni engisile va txi womba-womba kubiha ngu ngani; ni taletwe ngu dizowa, nguko valala vangu va ni rambete txikungo, va lava ku ni daya.

Jobe 18:11

Kuthava ku na m'dhukisa ka otshe madhawa, ku mmaha e tutuma eya khe ni khe, ni hani ha a no tutumela kona.

Luka 19:43

Nguko ma nata masiku txitimwi kwako, aawa valala vako va nota kubhiyela ngu ona, ve kuranganyeta, ve ku tsivela ngu otshe madhawa.

Jeremiya 8:14

Ngu kutxani hi ku ngadi hi txi zumba hawa kani? Ahi tshanganeni, hi txi wulela ka madhoropa o tsana, se eho hi txi malala; nguko konakuwa, Mkoma Txizimu txathu, a hi malatile, e hi seta mati a nyongwa; nguko hi onhete Mkoma.

Jeremiya 4:10

Sekoko ani ni to khani: “Ha, Mkoma! Txizimu u lundumisile vathu vava ni Jerusalema, u txi khawe: Anu mi na va ni kuthutha kuve ditxhari da va thola va hafuhi ni kufa.”

Jeremiya 4:5

Zivisani kona Judha mi peka huwa kona Jerusalema, mi txi khanu: Vetani mipundu ditikoni, mi kwangula, mi txi khanu: Tshanganani mi tutumela madhoropani ka mikhokhola.

Isaya 1:20

Aniko ngako mi txi ni tshuralela mi si ni engisi, mi na guma ngu ditxhari, nguko txisofu txa Mkoma txi wombile.

2 Makronika 15:5

Ka mbimo yoneyo ku si na kuthutha ka va va humako hambi ka va va wulelako, vathu va ditiko dile va ti ti hanya ka xomulo ya hombe ngutu.

Jeremiya 30:5

Mkoma a khene: Hi pfite dipswi da kudhudhumela; kuho kuthava, kuthutha kuwalo.

Jeremiya 46:5

“Ti mahisa kutxani kuve dhudhumela, ve tshumelela msana kani?” Tindena tawe ti pekilwe, “ta tutuma, kha ti woni ni msana, kuthava kuho ka otshe madhawa, kuwomba Mkoma.

Sidilo 2:22

U ni rambete votshe va ni va thavako vata nga ova ditshiku da m'buso. Ngu ditshiku da kuhenya ka Mkoma, kupwatekile ni wammweyo wo pshwitimuka, e huluka. Vanana va ni nga va kulisa ni ku va xayisa, mlala wangu a va hetile.

Jeremiya 8:15

Hi ti verete kuthutha, aniko kha ka maheka wunene, hi verete ngu mbimo yo thumwa, kuve kuthava kuho!

Jeremiya 49:5

I mani a nota ni wukela kani? Wona ti taku ni na tisa kuthava txitimwi kwako, kuwomba Mkoma wa Mabutho a Tiyimbi, ka votshe va va nga kurandela; mi na tshotshwa hahanze, mmweyo ni mmweyo a na lava kuthangela, kha ku nga ni wu a no tsanisa vamwani.

Ezekhiyele 7:18

Kambe va na phamba masaka, kudhudhumela ku na va fenengeta; ka totshe tikhohe tawe ku nava ni tingana, misungo yawe yotshe yi na va tigwayi.

Ezekhiyele 21:17

Se ni na bhwabhwatela manza, ni boxisa kuhenya kwangu, ani Mkoma ni wombile.