Jeremiya 6:24 - Bhiblia Yo Sawuleka

²⁴ Hi pfite nduma yawe, mawoko athu ma guma mtamo; hi tetwe ngu msanekera, ni kupanda nga ka wamsikati wu a lumwako.

Jeremiya 6:24 Referans Kwoze

Jeremiya 50:43

Mfumeli wa Bhabhilona a pfite nduma yawe, se ma so hololo manza akwe, e ñolwa ngu xomulo, kupanda, nga ka wamsikati a hefemulako.

Jeremiya 49:24

Dhamasku a hetile mtamo; a tshurate, a lava kututuma, a ñotwe ngu kuthava: Xomulo ni kupandiseka si va ñote, kufana ni ka wolava kuhefemula.

Jeremiya 4:31

Nguko napfa dipswi do fana ni da wamsikati a lumwako, na di txi dikwila nga wamsikati wo tiwula. Dipswi da m'horana wa Siyoni, a hefemutekako ni kunawuluta manza akwe, a txi khene: “Yowe, dikhombo dangu koko! Moya wangu wa tsivala masoni ka sidayi.”

Jeremiya 30:6

Wotisani koko, ina wamwamna a nga sikota kuveleka kani? Ngu kutxani ni wonako vavamna mmweyo ni mmweyo a ti ñolako txiwunu nga wamsikati a lumwako kani? Nguko txani tikhohe totshe ti nga thuvika kani?

Jeremiya 13:21

U na txani ngako a txi veka vakakwanu ku kufumela kani? Ngawe u nga va gondisa kuva vanyamne vako. Ina kha ti na mbi panda kwako nga wamsikati a lumwako kani?

Isaya 28:19

Kukhukhela a txi khata kupinda a na mi ñola, nguko mixo ni mixo a na pinda, ni ka wotshe wusiku ni yotshe mitshikari; se ku na maheka taku, kupfa mhaka yo nga yiya dwe, ku na wusa kudhuka ka hombe.

Isaya 21:3

Ngu toneto, txiwunu txangu txi taletwe ngu kupanda ka hombe; kupandiseka ku ni ñote ku nga kupandiseka ka wule a lumwako; na xaniseka ngutu, aha ko kha ni sikoti ni kuengisa, ni dhukile ngutu, kha ni sikoti ni kuwona.

1 Vatesalonika 5:3

Mbimo yi vathu va no kha vona: “Ka ho kudikha ni kukhaliseka,” nguyo mbimo ku no humelela dikhombo ngu txidhukisa hagari kwawe, kota nga wamsikati, ngako a txi lumwa; kha va na mbi sikota kupona.

Habhakuki 3:16

Ni di ti engisile ani, mndani kwangu kudhuka, ngu dipswi dakwe txisofu txangu txi dhudhumete; kuwulete kusina marambuni kwangu, se ni dhudhumela mndani kwangu; na humula ani ka ditshiku do pandiseka, ngako ni txi nata lwa ni vathu vale va nota hi hoxota.

Jeremiya 22:23

Awe wu u nga aka Libhanoni, u ku ni txisaka txako madhavini ka mikedhari. Ngu xaniseka ka kutxani u no va nako ngako u txi na humelwa ngu makhombo, ngu pandisa ni tihuwa ku nga wamsikati a lumwako.

Masalmo 48:6

Va to telwa ngu dizowa va txi pandiseka kufana ni wamsikati wu a lumwako ngu txirumbu;

Dhaniyeli 5:9

Sekoko mfumeli Bhelxazari a to karateka ngutu, ni khohe yakwe yi to kwalala ngu kuthava, se vahombe vakwe va to wika misana.

Jeremiya 48:41

Ma tekwa madhoropa, ni kurandelwa mikhokhola: Yi na va mbilu ya tindena ta Mowabhi, ka dona ditshikwedo, ku nga mbilu ya wamsikati wu a diliswako ngu kupanda.

Ezekhiyele 7:17

Otshe manza ma na guma mtamo, kambe otshe mazolo ma na jomba mati.