Jeremiya 6:22 - Bhiblia Yo Sawuleka

²² Mkoma a khene: Wonisisani vathu vatako ngu Wuphemba, ditiko da hombe di na wuka ngu magwito ka mafu.

Jeremiya 6:22 Referans Kwoze

Jeremiya 10:22

Wonani taku data dipswi da nduma, dizunga da hombe di tako ngu Wuphemba, ku ta phemberusa madhoropa a ka Judha ma txi maha marumbi, i ku wukhalo wa maxolwa.

Jeremiya 25:9

ni na rumela kuya dhana tixaka totshe ta vathu ta Wuphemba, kuwomba Mkoma, ni ka Nebhukodhonosori, txithumi txangu, i ku mfumeli wa Bhabhilona; ni na va leka velwa ni ditiko diya, ni vazumbi va kona, ni matiko otshe o gwatamelana nado; ni na va lovisela magwito, ni na va maha txidiwukiso, ni txiruko, ni marumbi a kala kupinduka.

Jeremiya 6:1

Anu vanana va Bhenjamini, tutumani mi huma hagari ka Jerusalema, vetani mpundu Tekowa, emisani txikombiso txa mndilo Bheti-Hakeremi; nguko dikhombo dita ngu Wuphemba, ni kulovisa ka hombe.

Jeremiya 5:15

Wonani taku ni na mi tisela vathu va kule, anu va nyumba ya ka Israyeli, kuwomba Mkoma, ditiko da hombe, ditiko da kale, adiya lidimi la kona mi no li timelela; kambe khu na mbi ti pima ti va no womba-womba.

Dhewuteronome 28:49

Mkoma a na ku tisela mfumo wa kuta ngu kule, mfumo wa magwito ka mafu, awule wu nota ngu kupuruma nga ngungwa, mfumo wu wu wombawombako ngu lidimi li awe u si li ziviko.

Nehemiya 1:9

Se anu mi na hundulukela kwangu mi xayisa milayo yangu, mi txi yi maha; sekoko, hambi ngako avale va nga lekwa va txo va magwito ka nzuma, ni na va sengeleta koneyo, ni va wuyisa ka wukhalo wule ni nga wu sawula, kuva ditina dangu di txi zumba ka wona.

Jeremiya 4:6

Gwimbani mijeke didhawani ka Siyoni, tutumani kasi ku mi ti hulukisa, mi nga emeni; nguko na mi nehela dikhombo na di txita ngu Wuphemba, ni kulovisa ka hombe.

Jeremiya 13:20

Guletani maso anu mi wona vale vatako ngu Wuphemba. Va hani vathu va u nga ti ningilwe vona, vathu vako vo dhundeka kani?

Jeremiya 47:2

Mkoma a khene: Ndiya ma guleka mati a Wuphemba, ma na maha mnambo wu khulungako ni kuthekelela, ma na talela ditiko ni wungi wa sotshe si kuho ka dona, didhoropa ni votshe va zumbako ka dona; vavamna va na peka huwa, ni votshe va ku ditikoni va na dila.

Ezekhiyele 21:31

Kambe ni na tshakunuta txitimwi kwako kuhenya kwangu, ni na futeta kwako mndilo wa kuhenya kwangu, ni txi kuningela manzani ka vavamna va sigevenga, i ku vanyamne va wuhasamuli.

Jeremiya 4:16

Gelani matiko, mi zivisa Jerusalema, ti taku tixoli tata ngu ditikoni ka kule, ta nuwela ngu mapswi a tona kasi ve wukela madhoropa a ka Judha.

Jeremiya 5:16

Msava wawe wo nga diyiva di nga tuleka, votshe ndindena.

Jeremiya 25:32

Mkoma wa Mabutho a Tiyimbi a khene: Dikhombo di na ya ka ditiko dimwedo ni dimwani, txi na huma txingulu txo thaviseka ngu magwito ka mafu.

Jeremiya 30:5

Mkoma a khene: Hi pfite dipswi da kudhudhumela; kuho kuthava, kuthutha kuwalo.

Ezekhiyele 23:22

Ngu konaho, awe Oholibha, Mkoma a khene: Wona taku ni na wusa sigango sako, asile moya wako wu nga ti ti hambani naso, se ni na si wuyisa ngu ka otshe madhawa, si txi ta kuwukela.

Habhakuki 1:6

Nguko wonani taku na wusa Vakaldheya, vathu vo karata ni kukuluveta, va rerelako ka otshe mafu ngu kuanama ka ona, kasi kuhonyola makhalo o mbi va lumba.