Jeremiya 6:20 - Bhiblia Yo Sawuleka

²⁰ Ma ni vhuna txani mafura a Sabha ni mipepo ya ditiko da kule kani? Miningelo yanu ya kuhiswa kha yi ni tsakisi, ni miphaxo yanu kha yi ni tsakisi.

Jeremiya 6:20 Referans Kwoze

Isaya 1:11

Mkoma a khene: Yi ni vhuna txani miphaxo yanu yo tala kani? Ni karate ngu miningelo yo hiswa ya tihamba, ni mafura a sifuyo so nona; kha ni tsakeli mnoha wa marole, wa sivuntana, ni mnoha wa tiphongo.

Isaya 60:6

Mitxhambi yo tala ya makamelu yi na ku fenengeta, a kuta ngu Midhiyani ni Efa; yotshe yi nata ngu Sabha, ya nata ni nzalama ni dibaselo, ve nuwela wudhumo wa Mkoma.

Masalmo 40:6

Awe khu naveli timhamba ta sihari mwendo ta mitxelo ya mafu, khu vileli kambe timhamba to hiswa, to dihela sionho.

Isaya 66:3

A wule a dayako homu, a fana ni wule a dayako m'thu; awu a phaxako ngu txinvutana, a fana ni wule a dayako yimbwa; awu a ningelako sa thembweni a fana ni wule a ningelako mnoha wa khumba; awule a hisako dibaselo a fana ni wule a khozelako txithombe; ni vona vava va ti langela tinzila tawe vapune, se muhefemulo wawe wa tsaka ngu wubihi wawe.

Eksodha 30:23

“Teka mafura a maphya amanene ngutu; u na teka mtxhanu wa makilu ni dimwedo ya mira ya yiphya; ni makilu mararu a mafura a kinamomo; ni makilu mararu a kanela;

Ezekhiyele 27:22

Vanyamabhindu va Sabha ni Rama, i ti ti vona vaxavisi vako; ka sotshe sile so bhumula ngutu, ni ka otshe marigwi a lisima, kambe ngu nzalama va ti ti xavisa ka makhalo ako.

Ezekhiyele 20:39

Kasi ngu kwanu anu va nyumba ya ka Israyeli, Mkoma Txizimu a khene: Tsulani, mmweyo ni mmweyo eya thumela sithombe sakwe, nguko ani kha mi lavi ku ni engisa; aniko mi nga nyenyeziseni ditina dangu do sawuleka ngu miningelo yanu, ni sithombe sanu.

Masalmo 66:3

Wombani mi txi khanu ka Txizimu: “Mithumo yako ya diwukisa, Txizimu! Mtamo wako mbwa hombe ngutu aha koza valala vako ve nama ve dhudhumela masoni kwako.

1 Vafumeli 10:10

Se a to ninga mfumeli 120 wa titalenta ta nzalama, ni tixakaxaka tatingi ta makha, ni marigwi a lisima; kha kuzivi kuta makha amangi ngutu ku nga tiya mfumeli wa txisikati wa Sabha a nga ningisa tona ka mfumeli Solomoni.

Mavingu 15:8

Mphaxo wa vaonhi njinyenyeko ka Mkoma, aniko a tsakiswa ngu mkombelo wa vo lulama.

Mavingu 21:27

Mphaxo wa muonhi njinyenyeko; ngutu-ngutu wu txi ningelwa ngu kulava to biha.

Jeremiya 14:10

Mkoma a womba ngu ditiko diya, a txi khene: Va dhunda kupeperukela nga tiya, kha va ti ñola kutsimbilani kwawe; ngukonaho, Mkoma kha tsakiswi ngu vona; se a na alakanya wubihi wawe, e tsayisa sionho sawe.

Jeremiya 14:12

Ngako va txi titona, kha ni na mbi pfa kudila kwawe; ngako va txi ningela mphaxo wo hiswa ni wa sakudya, kha ni na mbi wu tsakela, aniko ni na va lovisa ngu ditxhari, ni nzala ni mtungu.

Hoseya 8:13

Madingano ni miphaxo ya siningo sangu, va ningela tinyama ve tshumela vedya, aniko Mkoma kha amukela; konkuwa a na alakanya kuwekela kwawe, e tsayisa sionho sawe, vona va na tshumelela Egipta.

Hoseya 9:4

Kha va na mbi humesela vhinya Mkoma, hambi miningelo yawe kha yi na mbi mtsakisa; ka vona miphaxo yawe yi na fana ni sakudya sa txidilo; votshe vale va no sidya va na nyenyeziswa ngu sona, nguko sakudya sawe si na va so enela vona; kha si na mbi wulela Nyumbani ka Mkoma.

2 Samuwele 15:12

Mbimo yile Abhisalome a nga ti maha mphaxo wakwe, a to ruma vathu veya dhana Ayitofeli, wa Giloni, didhota da Dhavhidha, didhoropani kwakwe ka Gilo; se txikungo txi to tsana, se vathu va to ta talelana ka Abhisalome.

Malakiya 1:10

I mani akuho kambe hagari kwanu, waku a nga seka matimba, kasi ku mi si dhiveli walo mndilo txiluveloni kwangu kani? Ani kha ni tsakiswi ngu nganu, kuwomba Mkoma wa Mabutho a Tiyimbi, kambe kha ni na mbi amukela mphaxo wa manzani kwanu.