Jeremiya 6:19 - Bhiblia Yo Sawuleka

¹⁹ Engisa awe mafu! Ni na tisa dikhombo txitimwi ka ditiko diya, i ku muhando wa maalakanyo awe; nguko kha va engisa mapswi angu, va eyisile mlayo wangu.

Jeremiya 6:19 Referans Kwoze

Isaya 1:2

Engisani anu tinzuma, riya tinzeve awe mafu, nguko Mkoma wa womba-womba: Ni wunjile vanana ni va kulisa, aniko vona va ni tshuralete.

Mithumo 8:22

Ngu konaho, hunduluka kubihani kwako, u txi khongela ka Mkoma, mwendo u nga divalelwa kualakanya kuwa ka mbilu yako;

Jeremiya 17:10

Ani Mkoma ni xola mbilu, ni xola mapimo; ni ninga ka mmwani ni mmwani, madingano ni mahanyelo akwe, madingano ni mihando ya mithumo yakwe.

Jeremiya 8:9

Titxhari ti wite tingana, ta dhudhumela ni kuñolwa. Ti kanetile mhaka ya Mkoma. Mbuzivi muni ti ku nawo kani?

Johani 12:48

Awu a ni lambako ni ku ambi amukela mapswi angu, a nayo muabanisi wakwe: Dipswi di ni ngadi womba, ngu dona di no mu abanisa ngu ditshiku da magwito.

Mika 6:2

Engisani anu mimango dizunga da Mkoma, ni nanu makhato a mtamo a mafu; nguko Mkoma a ni dizunga ni vathu vakwe, se a na thethisana ni Israyeli.

Hoseya 10:13

Mi dimile manyala, mi funyela wubihi, kambe mi dyite mihando ya makuhu. Nguko u thembile nzila yako, ka mtalo wa tindena tako.

Hoseya 4:6

Vathu vangu va lovisilwe, ngu kule va nga pwata wuzivi; nguko awe u lambile wuzivi, se nani na kulamba, kasiku u si mahi mphaxeli masoni kwangu; akule u nga divala mlayo wa Txizimu txako, nanani ni na divala vanana vako.

Jeremiya 22:29

O ditiko dangu, ditiko dangu, ditiko dangu! Engisa mhaka ya Mkoma!

Jeremiya 6:10

Ni na gela mani, ni maha wufakazi waku va na wu engisa kani? Tinzeve tawe maphanzeve, kha va sikoti kuengisa. Mhaka ya Mkoma njiruko kwawe kha va yi dhundi.

Jeremiya 19:15

A womba tiya Mkoma wa Mabutho a Tiyimbi, Txizimu txa ka Israyeli: Wona taku ni na tisa txitimwi ka diya didhoropa, ni ka sotshe sidhoropana, wotshe wubihi wu ni nga wu womba ngu ku diwukela, nguko va bangisile tithamo tawe, kuva va si engisi timhaka tangu.

Isaya 66:18

nguko na ziva mithumo yawe ni myalakanyo yawe! Mbimo yata, yile ni no sengeleta otshe matiko ni tidimi; va nata ve ta wona wudhumo wangu.

Isaya 59:7

Mikondo yawe yi tutumela wubihi, kambe va kuluvetela kuya theketa mnoha wo mbi na mnandu; mipimiso yawe mipimiso ya wubihi; kuhoxota ni kukhundumusela si tinzilani kwawe.

Mavingu 28:9

Awule a vayilelisako tinzeve takwe mu ka kuengisa milayo, hambi mkombelo wakwe wu nave txinyenyeko.

Mavingu 15:26

Mipimiso ya wo biha njinyenyeko ka Mkoma, aniko mapswi a vale va nga basa, ma mtsakisa.

1 Samuwele 15:26

Kambe Samuwele a to khene ka Sawule: Kha ni na mbi tshumela ni nawe; nga kule u nga lamba dipswi da Mkoma, nene Mkoma a ku lambile, kasiku u si mahi mfumeli txitimwi ka Israyeli.

1 Samuwele 15:23

Nguko kutitsimba kufana ni txionho txa wuloyi, ni kutikulisa kufana ni wubihi ni kukhozela sifananiso. Nga kule awe u nga lamba dipswi da Mkoma, nene a ku lambile, kasi ku u si mahi mfumeli.

Dhewuteronome 32:1

Riya nzeve awe nzuma, nguko ni lava kuwombawomba; Awe mafu, engisa mapswi a txisofu txangu!

Dhewuteronome 30:19

Nyamsi ni kombela nzuma ni mafu si txi maha tifakazi to ni emela kwanu, ti to ni vekile masoni kwako wutomi ni lifo, sikatekiso ni makhombo. Sawula wutomi, kasi ku u na hanya awe ni liveleko lako,

Dhewuteronome 4:26

nyamsi ni maha ti to nzuma ni mafu, si txi va i di tifakazi tanu to mi wukela; ngako toneto ti txi maheka, ngu txikuluveta mi na ya lova ka donedo ditiko, adile anu mi yako kuya di fuma, ngako mi di txhatukile mnambo wa Jordhani; ka toneto, kha mi na mbi ya hanya ngutu ka dona, nguko ngu ditshuri, mi na ya loviswa.

Jeremiya 4:4

Mahani Sithiva ka Mkoma, mi thavisa didhowo da timbilu tanu, anu vavamna va ka Judha, ni vaaki va Jerusalema. Kasi kuhenya kwangu ku si vhutuki nga mndilo, wu turako ha kaku wu si timwi, ngu mhaka ya kubiha ka mithumo yanu.

Jeremiya 4:14

“Jerusalema, kuwula mbilu yako kubihani, kasi ku u na hanyiswa; Maalakanyo ako o biha ma na zumba ni nawe kala yihi mbimo kani?

Jeremiya 6:18

Ngu konaho, anu vamatiko, engisani: Ni nawe msengeletano ziva ti ti nga humela!

Jeremiya 11:11

Ngu konaho, Mkoma a khene: Ni na neha dikhombo txitimwi kwawe, kha va na mbi huluka ka dona; va na dilela kwangu, aniko kha ni na mbi va engisa.

Jeremiya 15:6

U ni lekile, kuwomba Mkoma, u tshumelete msana. Ngu konaho, ni nawulutile dianza dangu, ni kulovisa. Ni karate ngu ku kudivalela.

Jeremiya 19:3

U txi khawe: “Engisani dipswi da Mkoma, anu vafumeli va ka Judha, ni nanu vazumbi va Jerusalema; Mkoma wa Mabutho a Tiyimbi, Txizimu txa ka Israyeli, a khene: Wonani, ni na tisa dikhombo ka wuwa wukhalo, edo hambi i txo va mani a no dipfa, tinzeve takwe ti na tingwa.”

Jeremiya 29:19

nguko kha va engisa timhaka tangu, kuwomba Mkoma, aha ni nga va rumelela sithumi sangu i ku vaprofeti ngu kusimamisa. Aniko kha ma engisa, kuwomba Mkoma.

Jeremiya 49:37

Ni na maha ti to Elame e thava masoni ka valala vakwe, ni ka votshe vale va xotako ku m'daya; ni na tisa wubihi txitimwi kwakwe, txiviti txa kuhenya kwangu, kuwomba Mkoma; se ni na rumela ditxhari, kala di txi va fuvisa.

Amosi 2:4

Mkoma a womba tiya: Ngu kuhambunyeta kuraru ka Judha ni ka wumune, kha ni na mbi thavisa txitsayiso, nguko va lambile Mlayo wa Mkoma, kambe kha va xayisa sileleto sangu, va ti lekile kukhata, ve xengwa ngu makuhu awe, aawa va nga tsimbila ngu ka wona vatate vawe.

Mika 1:2

Engisani motshenu anu vathu, riya nzeve awe mafu, Mkoma Txizimu a nave fakazi ya ku mi wukela, ene Mkoma wu a ku dithepeleni kwakwe ko sawuleka.

Isaya 5:24

Ngu toneto, va na loviswa, kufana ni titshava ti txi hiswa ngu mndilo, va na fana ni kuhiswa ka mwasi wa kuoma, se mkoloti wawe wu na sina, ni siluva sa kona si na puruma ku nga lithulu; Nguko va lekile Mlayo wa Mkoma wa Mabutho a Tiyimbi, ve eyisa dipswi da Msawuleki wa Israyeli.

Jeremiya 4:16

Gelani matiko, mi zivisa Jerusalema, ti taku tixoli tata ngu ditikoni ka kule, ta nuwela ngu mapswi a tona kasi ve wukela madhoropa a ka Judha.

Jeremiya 8:5

Ngu kutxani vathu va Jerusalema ve timela da magwito kani? Va tsani mu ka kutimela, va lamba kuwuya.

Jeremiya 21:14

Ni na mi peka madingano ni muhando wa mithumo yanu, kuwomba Mkoma. Ni na dhivela mndilo txitingani kwanu, wu na danzela sotshe si si ku hahanze ka m'ti.

Dhaniyeli 9:11

Ina, votshe va ka Israyeli va ndakile milayo yako, va hambukile, va si engisi dipswi dako; ngu kumaha keto, txiruko, ni txixambanyo si si nga bhalwa ka Mlayo wa Mosi, txithumi txa Txizimu, si tshakunutilwe txitimwi kwathu; nguko hi kuonhete.