Jeremiya 6:18 - Bhiblia Yo Sawuleka

¹⁸ Ngu konaho, anu vamatiko, engisani: Ni nawe msengeletano ziva ti ti nga humela!

Jeremiya 6:18 Referans Kwoze

Mika 6:5

Anu vathu vangu, alakanyani makungo a Bhalake, mfumeli wa Mowabhi, ni ti a nga mxamula Bhalahamu, mwana Bheyori, kukhukhela Sitime kala Giligali; kasi ku mi ziva wululamo wa Mkoma.

Jeremiya 31:10

Engisani Dipswi da Mkoma anu matiko, zivisani sitondolo sa kule, mi txi khanu: Awu a nga hangalasa Israyeli a na mu sengeleta, a txi mu xayisa nga m'dyisi ka tinvuta takwe.

Jeremiya 4:10

Sekoko ani ni to khani: “Ha, Mkoma! Txizimu u lundumisile vathu vava ni Jerusalema, u txi khawe: Anu mi na va ni kuthutha kuve ditxhari da va thola va hafuhi ni kufa.”

Isaya 5:3

Konkuwa koko, anu vaaki va Jerusalema, ni nanu vavamna va ka Judha, na mi kombela, lamulani hagari kwangu ni m'vhinya wangu.

Jeremiya 6:17

Ni vekile vawoneleli hagari kwanu, ni txi khani: Pfanani kutuma ka mpundu. Aniko va xamute, va txi khani: Kha hi na mbi ku engisa.

Jeremiya 6:19

Engisa awe mafu! Ni na tisa dikhombo txitimwi ka ditiko diya, i ku muhando wa maalakanyo awe; nguko kha va engisa mapswi angu, va eyisile mlayo wangu.

Jeremiya 4:16

Gelani matiko, mi zivisa Jerusalema, ti taku tixoli tata ngu ditikoni ka kule, ta nuwela ngu mapswi a tona kasi ve wukela madhoropa a ka Judha.