Jeremiya 6:14 - Bhiblia Yo Sawuleka

¹⁴ Kha va khatala kuthuma tivandwa ta vathu vangu va txi kha vona: Kuthuthile, kuthuthile! Na ku si nga ni kuthutha.

Jeremiya 6:14 Referans Kwoze

Ezekhiyele 13:10

Ti komba taku ina, tikomba taku va xenga vathu vangu, va txi kha vona: Kuthuthile, na ku si nga ni kuthutha; se mmwani a aka diseta ngu ndope, kambe vamwani va txi di kopola ngu txitsowo,

Jeremiya 23:17

Va txhumayela va di ka so vavalu ka va va ni kanyisako, va txi kha vona: Mkoma a khene: Mi na zumbiseka kha kwati. Ni ka votshe va tsimbilako ngu kubanga ka timbilu tawe, va txi kha vona: Kha di na mbi ta dikhombo txitimwi kwathu.

Jeremiya 4:10

Sekoko ani ni to khani: “Ha, Mkoma! Txizimu u lundumisile vathu vava ni Jerusalema, u txi khawe: Anu mi na va ni kuthutha kuve ditxhari da va thola va hafuhi ni kufa.”

Sidilo 2:14

Vaprofeti vako va ku wonete siwoniso sa manyala ni wuhundwa, kambe va tandekile kunuwela wubihi wako, kasi kuretha wukhumbi wako; aniko va woni tithundu ta walo, ni so dingana ku kutovelisa va txi kuxenga ngu tona.

Jeremiya 14:13

Se ani ni ti khani: Ha, Mkoma, Txizimu, vaprofeti va womba kwawe, va txi kha vona: Kha mi na mbi wona ditxhari, hambi kuve ni nzala; aniko a na mi ninga kuthutha ko tsana ka wuwa wukhalo.

2 Pedro 2:1

Kambe va manekile vaprofeti va makuhu hagari ka vathu, nga tona ti va no va va diho vagondisi va makuhu hagari kwanu, ava va no wuyisa tigondo to hambuka, ati ti onhako, ve lamba Mkoma wu a nga va tirula, ve ti wuyisela kulova ka txikuluveta txitimwi kwawe.

Isaya 30:26

Kuwoninga ka mtxima ku na fana ni kuwoninga ka ditambo, se kuwoninga ka ditambo ku na engetelwa ka mtxhanu ni kumbidi, kufana ni kuwoninga ka mtxhanu wa masiku ni mambidi, ka ditshiku dile Mkoma a no sungelela mule ku nga phatukela, ni kukalamukisa silonda sa kona.

Mika 2:11

Ku txo maneka wokari wa zumbelo ya walo, e hemba a txi khene: Ani ni na ku profetela ngu vhinya ni wusuke wa mtamo; eyo a na va mprofeti wa vathu vava.

Ezekhiyele 13:22

Nguko mi pandisile mbilu ya wo lulama ngu wukanyisi wanu, na ani ni sa mpandisekisa, kambe mi tsanisile manza a wa kubiha, kasi ku asi humi ka nzila yakwe yo biha a txi hanyiswa,

Jeremiya 14:17

U na va gela, u txi khawe: Maso angu ma dila mirongo wusiku ni mitshikari, kha yi emi; nguko wotuma, mwanana wa vathu vangu a dayisilwe ka hombe, ni txilonda txa hombe txi thisako.

Jeremiya 5:12

Va kaneta Mkoma, va txi kha vona: “Hi nga ene! Lambi, kha ku na mbi wa dikhombo txitimwi kwathu; hambi ditxhari mwendo nzala, kha hi na mbi si wona!

Jeremiya 28:3

Ma txi nave ma di pindile malembe mambidi, ni na wuyisa ka wuwa wukhalo sotshe siya sa Nyumba ya Mkoma, asi Nebhukodhonosori, mfumeli wa Bhabhilona, a nga si tekela kona, a txi si heleketa Bhabhilona.

Isaya 1:6

Kukhukhela hahatshi ka mkondo kala ha msungo, kha ku na txilo txi txi hanyako kha kwati; mmidi wotshe wu tate ngu silonda ni kusimba, ni mazuku a silonda so sina so mbi kuwulwa, hambi kusungelelwa; ni ku nakaniswa ngu mafura.

1 Vatesalonika 5:3

Mbimo yi vathu va no kha vona: “Ka ho kudikha ni kukhaliseka,” nguyo mbimo ku no humelela dikhombo ngu txidhukisa hagari kwawe, kota nga wamsikati, ngako a txi lumwa; kha va na mbi sikota kupona.

2 Samuwele 17:3

Sekoko ni na tshumeta votshe vathu ve ta kwako, nguko m'thu wule u mlavako, a fana ni kuwuya ka votshe; ngu kumaha keto, votshe vathu va na maneka kudikhani.

Isaya 30:10

Va ku kha vona ka tiñanga: Mi nga ti woneni; ni ka vaprofeti va txi kha vona: Mi nga profeteni kwathu ti i ku to lulama; hi geleni ti to tsakisa, kambe mi dingana ku hi guleta;

Ezekhiyele 13:16

vaprofeti va Israyeli va profetako ngu Jerusalema, na va txi wona txiwoniso txa kuthutha, na ku si nga ni kuthutha, kuwomba Mkoma Txizimu.

Ezekhiyele 14:9

Se ngako mprofeti a txi xengwa e womba to kari, ani Mkoma ni nga mkujetela eyo mprofeti; ni na nawuluta dianza dangu ni txi mfuvisa hagari ka vathu vangu va Israyeli.

Mika 3:5

A womba tiya Mkoma ka vaprofeti, va va timetako vathu vangu, va va lumako ngu makwasa awe va txi kha vona: Kuthutha! Se awule asi va kovetisiko txilo mkanani, va mxomela yimbi.