Jeremiya 6:10 - Bhiblia Yo Sawuleka

¹⁰ Ni na gela mani, ni maha wufakazi waku va na wu engisa kani? Tinzeve tawe maphanzeve, kha va sikoti kuengisa. Mhaka ya Mkoma njiruko kwawe kha va yi dhundi.

Jeremiya 6:10 Referans Kwoze

Mithumo 7:51

“Anu va tithamo to banga, makhutu a timbilu ni a tinzeve, anu ma kanyisa yotshe mbimo Moya wo Sawuleka: Mi tekelela vatate vanu.

Johani 7:7

Ditiko kha di na ku mi vengela, kambe ani da ni vengela, nguko na fakaza ti to mithumo ya dona yi bihile.

Jeremiya 7:26

Aniko kha va ma engisa, hambi ku riya tinzeve; va to bangisa tithamo tawe, ve maha kubiha kupinda ni vatate vawe.

Vahebheru 11:7

Ngu likholo, Nowa, a di zivisilwe ngu Nyatxitimwi timhaka tile ti nga sinzi kuwoneka, a vekete lisima txiziviso txiya, a txi aka Ngalava kasi kuponisa ngamu yakwe. Ngu mhaka ya toneto, a abanisile ditiko, a txi amukela kululama kuwa ku manwako ngu likholo.

Isaya 53:1

I mani a nga kholwa ka txhumayelo yathu kani? Niku diwoko da Mkoma di wonekisilwe ka mani kani?

Eksodha 6:12

Ti di ngeto, Mosi a wombile masoni ka Mkoma, a txi khene: “Wona taku, vanana va ka Israyeli kha va khatala ngu ti ni nga va gela. Se ti nga mahisa kutxani ti to Faro, a txi ni engisa kani? Ani kha ni sikoti kuwombawomba ta tinene.”

2 Timoti 4:3

Nguko yi nata mbimo yi vathu va no mbi dhunda kuengisa gondo ya yinene, aniko, madingano ni mixuvo yawe ni kulava kutsakisa tinzeve tawe, ti nyakatelwako, va na ti lavela mtengo wa vagondisi.

Vakolosa 1:28

Hi txhumayela ngu ngene, hi txi laya vathu ni ku va gondisa ngu wotshe wuzivi, kasiku hi kombisa votshe vathu na va di hetisekile ngu ka Kristu.

Varoma 7:22

Nguko ni tsakela mlayo wa Txizimu ani ngu wutumbu wangu;

Mithumo 7:60

Se e khizama a txi kwangula ngu dipswi da hombe, a txi khene: “Mkoma u nga va alakanyele txionho txiya.” Ngako a di wombile tiya, a to fa.

Johani 9:40

Se Vafarisi vokari, va nga ti kumweko nayo, ngako va di engisile tiya, va to mu wotisa, va txi kha vona: “Ina hi mabhofu nathu kani?”

Luka 20:19

Se vaphaxeli va hombe ni vabhali va txi lava ku mñola ka txonetxo txikhati, aniko ve thava mtalo wa vathu, nguko va ti pfite ti to a ti mahela vona txidinganiso txiya.

Luka 11:45

Se mmwani wa vagondisi va Mlayo a to xamula a txhi khene: “M'gondisi, ngu kuwombisa eto, wa hi ruketela nanathu.”

Matewu 3:7

Mbimo yi a nga wona Vafarisi ni Vasadhusi va txi lava ku ta bhabhatiswa ngu ngene, a txi khene kwawe: “Lixaka la timamba i mani a nga mi laya, ti to mi thava txiviti txi txi tako kani?

Amosi 7:10

Sekoko Amaziya, mphaxeli wa Bheteli, a rumisa kugela Jerobhowamu, mfumeli wa ka Israyeli: Amosi a womba-womba kubiha ngu ngawe hagari ka vathu va ka Israyeli; mafu ma na mbi xaniswa ngu mapswi otshe ya a ma wombako.

Ezekhiyele 33:9

Se ngako awe u di wombile kasi ku hambukisa m'bihi ka nzila yakwe, ku a txi hunduluka ka yona, se ene asi hunduluki ka nzila yakwe, a na fa ka wubihi wakwe, aniko awe u hulukisile muhefemulo wako.

Ezekhiyele 33:3

ngako a txi wona taku ditxhari data txitimwi ka mafu, e veta mpundu e txharihisa vathu;

Jeremiya 4:4

Mahani Sithiva ka Mkoma, mi thavisa didhowo da timbilu tanu, anu vavamna va ka Judha, ni vaaki va Jerusalema. Kasi kuhenya kwangu ku si vhutuki nga mndilo, wu turako ha kaku wu si timwi, ngu mhaka ya kubiha ka mithumo yanu.

Masalmo 119:174

Mkoma, ani ni vilela kuhanyiswa ngu ngawe, nguko mlayo wako wu tsakisa mbilu yangu.

Masalmo 119:77

Ni kombe wumbilu wako se ni na hanya, nguko mlayo wako, wa ni tsakisa.

Masalmo 119:70

Timbilu tawe ti bangile, kha va engisi, aniko ani na tsaka ngu mlayo wako.

Masalmo 119:35

Ni ninge kutsimbila ngu nzila ya sirumo sako, nguko ngu sona si ni tsakisako.

Masalmo 119:24

Milayo yako ya ni tsakisa, ngu yona yi ni ningako wusungukati.

Masalmo 119:16

Ni na tsaka ngu milayo yako; kha ni na mbi divala mithetho yako.

Masalmo 40:8

Ni tsaka ngutu ngu kumaha kuranda kwako, Txizimu txangu; Mlayo wako wu mndani ka mbilu yangu!

Masalmo 1:2

Aniko ene a tsakela Mlayo wa Mkoma a zumba a txi wu alakanya wusiku ni mitshikari.

Dhewuteronome 29:4

Aniko, kala ka ditshiku da nyamsi, Mkoma a ti sanzi ku mi ninga mbilu yo pimisa, ni maso o wona, ni tinzeve to engisa ati ta ku khene:

Jeremiya 5:21

Engisani koko, anu vathu vo bharuka, mi singako ni mapimo, mi ku ni maso ma si woniko, ni tinzeve ti si engisiko!

Jeremiya 9:26

Ka Egipta, ni Judha, ni Edhomi, ni vanana va ka Amoni, ni Mowabhi, ni votshe vale va wilako makhona a misisi yawe, va zumbako txiwulani, nguko otshe matiko makhuna, ni yotshe nyumba ya ka Israyeli dikhutu mbiluni ka yona.

Isaya 42:20

Awe wa wona so maha sasingi, aniko khu si vekisi; hambi u di tute tinzeve, khu engisi txilo.

Jeremiya 7:13

Kona kuwa koko, mi di mahile totshe tiya, kuwomba Mkoma, ni wombile kwanu i di ngadi mixo, ni mi gela, aniko kha ma engisa; ni to mi dhana, kambe kha ma xamula.

Jeremiya 35:13

Mkoma wa Mabutho a Tiyimbi, Txizimu txa ka Israyeli, a khene: Tsula u txi ya va gela vathu va va ka Judha, ni vaaki va Jerusalema, u txi khawe: Ina kha mi na mbiswa mi amukela gondo ngu kupfa timhaka tangu kani? Kuwomba Mkoma.

Ezekhiyele 3:7

Aniko nyumba ya ka Israyeli, kha yi na mbi ti lava ku kuengisa, nguko kha va lavi ku ni engisa ani; nguko yotshe nyumba ya ka Israyeli yi ni khohe yo eyisa ni mbilu yo banga.