Jeremiya 52:9 - Bhiblia Yo Sawuleka

⁹ Va to ñola mfumeli, ve m'heleketa ka mfumeli wa Bhabhilona, kona Ribhila, ditikoni ka Hamati, eho a nga ya lamulwa kona.

Jeremiya 52:9 Referans Kwoze

Jeremiya 39:5

Aniko yimbi ya Vakaldheya yi to va tutumisa, yi txi ya ñola Zedhekiya mikovani ka Jeriko, va txi mu yisa ka Nebhukodhonosori, mfumeli wa Bhabhilona, i ku Ribhila ditikoni ka Hamati, a txi ya lamulwa kona.

Mitengo 13:21

Ngu tona eto, va to kwela kasi kuya xola ditiko, ve khatela txiwulani ka Zimi, veza ve hoka Rohobhi, ngu nzila yi yiyako Hamati.

2 Vafumeli 25:6

Va to teka mfumeli ve mtsulisa ka mfumeli wa Bhabhilona, didhoropani ka Ribhila; ngu koneyo a nga lamulwa kona.

Joxuwa 13:5

kumweko ni ditiko da Vagedhali, ni dotshe ditiko da Libhanoni, kala wutxani, kukhukhela Bhahali-Gadhi, hafuhi ka mmango wa Hermoni kala ha ditimbani ka Hamati.

2 Makronika 33:11

Ngu kumaha keto, Mkoma a to va nehela vathangeli va dibutho da yimbi da mfumeli wa Asiriya, avale va nga ñola Manasi hagari ka mipa, ve msungelela ngu titxhini, ve mu tsulisa Bhabhilona.

2 Makronika 8:3

Ngu msana Solomoni a to ya teka madhoropa a Hamati ni Zobha.

2 Vafumeli 23:33

Sekoko Faro-Neko a to rumisa kuya mñola aniya Ribhila, ditikoni ka Hamati, kasi ku asi fumi Jerusalema; se a to dihisa ditiko da ka Judha dizana da titalenta ta silivhelam ni talenta yimweyo ya nzalama.

1 Vafumeli 8:65

Ka dona ditshikwedo da dimwedo, Solomoni a to maha m'buso, a di kumweko ni votshe Vaisrayeli, dibutho da hombe, kukhukhela txidingeni ka Hamati, kala ka mnambo wa Egipta, masoni ka Mkoma, Txizimu txathu, ka mtxhanu wa masiku ni mambidi, ni mtxhanu wa masiku ni mambidi, digumi da masiku ni mune.

Mitengo 34:11

Se muhingano wuwa, wu na khukhela Xefamu, kala Ribhila, didhawa da wutxani ka Ayini, wu ngirimela lidhongani ka Linene la Kinereta, ngu didhawa da wutxani.

Jeremiya 21:7

Se msana keto, kuwomba Mkoma, ni na ningela Zedhekiya, mfumeli wa ka Judha, ni maxonga akwe, kumweko ni vathuvo va no maneka va di hulukile mtungu, ka didhoropa diya, ni txi va ningela manzani ka Nebhukodhonosori, mfumeli wa Bhabhilona, ni manzani ka valala vawe, ni ka va va xotako wutomi wawe. Ene a na va dayisa ngu ditxhari, kha na mbi va nyenyeletela, hambi ku va pfela, hambi ni kuva ni wumbilu ka vona.

Sidilo 4:20

Msawuleki wa Mkoma, ene mtsimbilisi wathu va mñote kufana ni txihari txo wela diphalani. Kuve athu hi ti emete ene, ku a txi hi vhikela, hahatshi ka mtsudi wakwe, hi na hanya hagari ka matiko.

Ezekhiyele 11:10

Mi na wiswa ngu ditxhari; ni na mi lamula mihinganoni ka Israyeli, se mi na tiziva taku ani ngani Mkoma.

Ezekhiyele 23:24

Se va nata kuwukela va di ni sikotxikani ni vathu votala; va txi ta kurandela va di ni sitxhavangu, ni sigoko; kambe ni na veka masoni kwawe valamuli, ava va no kulamula ngu malamulelo awe.