Jeremiya 52:4 - Bhiblia Yo Sawuleka

⁴ Se amu ka dilembe da wutxhanu ni mune da kufuma kwakwe, ka mtxima wa wugumi, ka ditshiku da digumi ka mtxima, kutile Nebhukodhonosori, mfumeli wa Bhabhilona, ku ta lwisa Jerusalema, ene ni dibutho dakwe dotshe, ve ta ranganyeta, ve tsivela otshe madhawa.

Jeremiya 52:4 Referans Kwoze

Jeremiya 39:1

Ngu mtxima wa wugumi ka dilembe da wutxhanu ni mune da kufuma ka Zedhekiya mfumeli wa ka Judha, Nebhukodhonosori mfumeli wa Bhabhilona a tile ni yimbi yakwe yotshe e ta wukela ni kurandela Jerusalema.

Zakariya 8:19

A womba tiya Mkoma wa Mabutho a Tiyimbi: Kutitona ka mtxima wa wumune, ni kutitona ka mtxima wa wutxhanu, ni kutitona ka wa wutxhanu ni yimbidi, ni kutitona ka mtxima wa wugumi, ku nava kunengela ni kutsaka, ni mibuso ka nyumba ya ka Judha, ngu toneto dhundani ditshuri ni kudikha.

Jeremiya 52:7

ku to tuleka lisoko lo kari didhoropani, se votshe valwi va yimbi va to thava, ve huma ni wusiku, ngu nzila ya txike, hagari ka maguma mabidi ma nga txi maneka thembweni ka mfumeli (nguko Vakaldheya va txi lwa ni didhoropa), va tutumile ngu nzila ya mkovani.

Jeremiya 32:24

Hi nga wona maguma! Va tete ku ta wukela didhoropa, kasi ku ta di teka, se didhoropa di ningetwe manzani ka Vakaldheya, va valwako navo ngu ditxhari, ni nzala, ni mtungu; se ati u nga womba ti mahekile, ngu tona ti u ti wonako.

Luka 21:20

Ngako mi txi wona Jerusalema a txi ranganyetwa ngu sikwata sa tiyimbi, zivani ti to kuvhandamuswa kwakwe ku hafuhi.

Luka 19:43

Nguko ma nata masiku txitimwi kwako, aawa valala vako va nota kubhiyela ngu ona, ve kuranganyeta, ve ku tsivela ngu otshe madhawa.

Ezekhiyele 21:22

Ka didhawa dakwe da txinene, ku na hutetelwa madingano ni Jerusalema, kasi kugela vale va nga emeleta ve khata kuxasela, va txi kwangula ngu kutsaka ka hombe, vaemeleti ve guleta siparako sa matimba, ve aka txitezi txa vavhikeli.

Isaya 29:3

Nguko ni na kuranganyeta ngu wugovelo wangu, ni ku kurandela ngu masotxhwa, kambe ni na aka maguma o kuwukela.

Levhi 26:25

Nguko ni na rumela matxhari txitimwi kwanu, kasi ku ta photela txitumelelano txangu; ka mbimo yile mi no maneka mi di sengeletanile didhoropani kwanu, ni na rumela mtungu hagari kwanu, ni kumaha ti to mi txi ningelwa manzani ka valala vanu.

Jeremiya 34:1

Dipswi di di nga ta ka Jeremiya ngu ka Mkoma, ahawa Nebhukodhonosori, mfumeli wa Bhabhilona, ni yotshe yimbi yakwe, ni yotshe mifumo ya mafu, aawa ma nga ti fumwa ngu ngene, ni otshe matiko ale ma ngalwa, me wukela Jerusalema, ni otshe madhoropa a kona, di txi kha dona:

Ezekhiyele 26:8

Mlala a na daya vanana vako vamahorana ngu ditxhari, vale va manekako thembweni, kambe a na ti mahela txivhikelo masoni kwako, ni ku ti akela sitsaniso, ni ko rithimuka ngu kona.

Ezekhiyele 33:21

Se ku to maheka taku, ngu dilembe da wugumi ni mambidi, ka mtxima wa wugumi, ka ditshiku da mtxhanu da wukhumbi wathu, kutile wokari kwangu, a nga ti ti hulukile Jerusalema, a txi ta khene: Didhoropa di dayisilwe.

Ezekhiyele 40:1

Ka dilembe da wu magumi mambidi ni mtxhanu da wukhumbi wathu, kukhatani ka dilembe, ka ditshiku da wugumi da mtxima, msana ka digumi da malembe ni mune ku di khundumusilwe didhoropa, ka dona ditshiku dile dipune, di tile txitimwi kwangu dianza da Mkoma di ta ni yisa Jesrusalema.

Jeremiya 4:17

Va mrandete nga vawoneleti va thembwe nguko a tiwukile kwangu. Kuwomba Mkoma!

Jeremiya 21:2

“Hi nga hi wotisela ka Mkoma, nguko Nebhukodhonosori, mfumeli wa Bhabhilona, wa hi xasela; mwendo Mkoma a na hi mahela sixamaliso sakwe, ti taku ene e khukha kwathu.”

Ezekhiyele 21:27

Ni na khundumusa, ni na khundumusa, ni na khundumusa m'bhoti wuwa, kha wu na mbi va i di wona kambe m'bhoti wuwa, ku nata wule wu lumbako m'thu wa kona, se ni na ninga eneyo.