Jeremiya 52:34 - Bhiblia Yo Sawuleka

³⁴ Se maxayisekelo a kona, a to xayiswa kufana ni mfumeli wa Bhabhilona, o lumba ene ka masiku otshe, kala ka ditshiku da kufa kwakwe, ka masiku otshe a kuhanya kwakwe.

Jeremiya 52:34 Referans Kwoze

2 Samuwele 9:10

U na m'dhimela thembwe koko, awe ni vanana vako, ni sithumi sako, kambe u na tisa mihando ya kona, kasi ku mwanana wa nyamne wako a na mana sakudya; se Mefibhosete, mwanana wa nyamne wako a na dyela mezani kwangu otshe masiku. Zibha a ti ti ni digumi da vanana ni mtxhanu, ni magumi mambidi a sithumi.

Luka 11:3

Hi he sakudya sathu sa ditshiku ni ditshiku;

Matewu 6:11

Hi he nyamsi sakudya sathu sa ditshiku ni ditshiku.

2 Vafumeli 25:30

Se sa kuhanya ngu sona, a to ningwa ngu mfumeli, mpimo wa ditshiku, ka ditshiku da wona, ka otshe masiku a kuhanya kwakwe.

Jeremiya 40:5

Ngako a nga sanzi kutshumela, a to khene kwakwe: “Tshumelela ka Gedhaliya, mwana Ahikamu, mwana Xafani, eyo a nga mahwa mfumeli txitimwi ka didhoropa da ka Judha ngu mfumeli wa Bhabhilona, u zumba nayo hagari ka vathu; hambi ku ti yela ka ni dihi didhawa u di lavako.” Sekoko mthangeli wa vawoneleli yi to mninga timbuva ni siningo yi mu leka e tsula.