Jeremiya 52:3 - Bhiblia Yo Sawuleka

³ Ngu kota yeto ku to maheka tito, ngu mhaka ya kuhenyelwa ka Jerusalma ni Judha ngu Mkoma, ene a to va tshotsha kule nayo; se Zedhekiya a to wukela mfumeli wa Bhabhilona.

Jeremiya 52:3 Referans Kwoze

Isaya 3:1

Nguko wona taku Mkoma, Txizimu txa Mabutho a Tiyimbi, a na thavisa ka Jerusalema ni ka Judha, ndonga ni mtxheketelo, ni otshe mati o tima ditora.

2 Makronika 36:13

Hahanze keto, a to wukela mfumeli Nebhukodhonosori, wule a nga ti ti mxambanyisile ngu ditina da Mkoma; kambe a ti bangisile msungo ni mbilu yakwe, asi tshumeleli ka Mkoma, Txizimu txa Israyeli.

Isaya 19:4

Se ni na ningela Vaegipta manzani ka m'thu wo karata ngutu, va na fumelwa ngu mfumeli wo xupha ngutu, kuwomba Mkoma, Mkoma wa Mabutho a Tiyimbi.

Ekleziyaste 10:16

Dikhombo kwako awe ditiko, mfumeli wako i ku mwanana, vathangeli va dona vadyako ni mixo.

Mavingu 28:2

Ngu mhaka ya wuhambunyeti wa mafu, mbangi va lavako wuthangeli, aniko ngu mahaka ya vathu vo txhariha ni kupfisisa, ma na simama ma diho.

1 Vafumeli 10:9

A na Bongwe Mkoma Txizimu txako, a nga mana kutsakiswa ngu ngawe, kasi e kuveka ha txituluni ka wukoma ka Israyeli; nguko Mkoma wa randa Israyeli yotshe mbimo; ngu mhaka yeto, a kumahile mfumeli, kasi uva ni kupimisa ni wululamo.

2 Samuwele 24:1

Se kuhenya ka Mkoma ku to engeta kuwukela va ka Israyeli, ene a to kujetela Dhavhidha ku va wukela a txi khene: Tsula u ya bala va ka Israyeli ni va ka Judha.

Genesisi 4:14

Wa ni tutumisa nyamsi ka ditiko diya; ni kurumetwa kusisala kule ni khohe yako, ni na tsimbila ni txi thava-thava ni kupepeseka ha mafuni, ni wu a no khata ku ni mana, a na ni daya.”

Genesisi 4:16

Se Kayini a to khukha ngu masoni ka Mkoma, eya zumba ditikoni ka Nodhe, wutxani ka Edheni.

2 Vafumeli 24:20

Se ti mahisile tiya ngu mhaka ya txiviti txa Mkoma txitimwi ka Jerusalema ni ka Judha, eza e va nyenya masoni kwakwe; se Zedhekiya a to wukela mfumeli wa Bhabhilona.

Jeremiya 7:15

Ni na mi tutumisa masoni kwangu, ngako ni hinganako ni ti tutumisile tindiyanu totshe, lihunzu lotshe la ka Israyeli.

Jeremiya 15:1

Sekoko Mkoma a to khene kwangu: “Hambi i ti ku Mosi ni Samuwele vo ta ema masoni kwangu, mbilu yangu nga yi si sikoti kuva kumweko ni vathu vava. Va tutumise masoni kwangu.

2 Vafumeli 17:18

Ngu mhaka yeto, Mkoma a to henyela Israyeli, e mthavisa masoni kwakwe; kha ka sala ni wammweyo, hahanze ka lihunzu la ka Judha.

2 Vafumeli 17:20

Ngu kumaha keto, Mkoma a to nyenya yotshe mbewu ya ka Israyeli, e va tsindaveta, ni ku va ningela manzani ka vakhozisi, kala kuza e va thavisa masoni kwakwe.

2 Vafumeli 17:23

Kala kuza Mkoma e thavisa Israyeli masoni kwakwe, nga kule a nga nga womba ngu sithumi sakwe, i ku vaprofeti; a tekisilweto Israyeli e tsuliswa Asiriya, emo a manekako kona kala ka ditshiku da nyamsi.

Ezra 4:15

Ati to ku na xolwe ka dibhuku da matimu a vatate vako, emo ka dibhuku da matimu, u na tiziva konemo ti to didhoropa dile ndo akwa ngu kanu, do wukela vafumeli ni matiko a hombe a mndani ka ditiko, niku kuve ni kuwukelwa ka dona ka timbimo ta kale.

Isaya 36:5

Ani na sikota kuwomba tiya: Txikungo txako, ni mtamo wako wa kuya yimbini, mapswi o mbi na txilo; se konkuwa koko u themba mani, aku u ni wukelako kani?