Jeremiya 52:26 - Bhiblia Yo Sawuleka

²⁶ Sekoko Nabhuzaradhani, mthangeli wa vawoneleli, a to va teka, e va tisa Ribhila, ka mfumeli wa Bhabhilona.

Jeremiya 52:26 Referans Kwoze

2 Vafumeli 25:8

Se ka mtxima wa wutxhanu, ka ditshiku da mtxhanu ni mambidi ka mtxima (adiya i ti ti dilembe da digumi ni mtxhanu ni mune da Nebhukodhonosori, mfumeli wa Bhabhilona), a tile Nabhuzaradhani, mthangeli wa yimbi, txithumi txa mfumeli wa Bhabhilona, kona Jerusalema.

2 Vafumeli 25:20

Nabhuzaradhani i ku mthangeli wa vawoneleli, a to va tisa ka mfumeli wa Bhabhilona, kona Ribhila.

Jeremiya 39:5

Aniko yimbi ya Vakaldheya yi to va tutumisa, yi txi ya ñola Zedhekiya mikovani ka Jeriko, va txi mu yisa ka Nebhukodhonosori, mfumeli wa Bhabhilona, i ku Ribhila ditikoni ka Hamati, a txi ya lamulwa kona.

Jeremiya 39:9

Vathu vale va nga sala didhoropani, ni vale va nga sala ditikoni, kumweko ni vapfodoli vale va nga ti ningela, va to yiswa Bhabhilona ngu Nebhuzaradhani, mthangeli wa vawoneleli.

Mitengo 34:11

Se muhingano wuwa, wu na khukhela Xefamu, kala Ribhila, didhawa da wutxani ka Ayini, wu ngirimela lidhongani ka Linene la Kinereta, ngu didhawa da wutxani.

2 Vafumeli 23:33

Sekoko Faro-Neko a to rumisa kuya mñola aniya Ribhila, ditikoni ka Hamati, kasi ku asi fumi Jerusalema; se a to dihisa ditiko da ka Judha dizana da titalenta ta silivhelam ni talenta yimweyo ya nzalama.