Jeremiya 52:24 - Bhiblia Yo Sawuleka

²⁴ Se mthangeli wa vawoneleli a to teka Sarayasi, mphaxeli wa hombe, ni Zefaniya mphaxeli wa wumbidi, ni vawoneleli vararu va misasimo ya ditimba.

Jeremiya 52:24 Referans Kwoze

2 Vafumeli 25:18

Se Nabhuzaradhani, mthangeli wa vawoneleli, a to teka mphaxeli wo khata i ku Saraya, ni mphaxeli wa wumbidi i ku Zefaniaya, ni vawoneleli vararu va msasimo wa ditimba.

Jeremiya 37:3

Mfumeli Zedhekiya a to ruma Jehukali, mwana Selemiya, ni Zefaniya, mwana Mahaseya, mphaxeli, ka Jeremiya, a txi ya khene: Hi kombelele kona kuwa masoni ka Mkoma, Txizimu txathu.

Jeremiya 35:4

ni to va tsulisa Nyumbani ka Mkoma, ka wukhalo wa vanana va Hanani, mwana Igdhaliya, i ku m'thu wa Txizimu, awule wu nga ti gwatamile ni wukhalo wa vathangeli, wu ku txitimwi ka wukhalo wa Mahaseya mwana Salumi, muwoneleti wa txike.

Jeremiya 29:25

Mkoma wa Mabutho a Tiyimbi, Txizimu txa Israyeli, a khene: Ngako u nga rumela ngu ditina dako ka vathu votshe va ku Jerusalema, ni ka Zefaniya, mwana Mahaseya, mphaxeli, ni ka votshe vaphaxeli, u txi khawe:

Jeremiya 21:1

Dipswi di di nga ta ka Jeremiya ngu ka Mkoma, mbimo yi mfumeli Zedhekiya a nga rumela Paxuri, mwana Malakiya, ni Zefaniya, mwana Maseya, mphaxeli, va txi ya kha vona:

1 Makronika 6:14

Azariya a to veleka Seraya, Seraya a to veleka Jeyozadhaki;

Jeremiya 52:15

Se avale va sisiwana ngutu hagari ka vathu, ni vamwani vathu va nga ti sate didhoropani, se ni valwisi va va nga ti hokete mfumeli wa Bhabhilona, ni dotshe dibutho, Nebhuzaradhani, mthangeli wa vawoneleli, a to va ñola.

Jeremiya 29:29

Mphaxeli Zefaniya a to gonda dipapilo tinzeveni ka Jeremiya mprofeti.

Ezra 7:1

Se ti di pindile totsheto, ka mbimo ya kufuma ka Aritasasta, mfumeli wa Persiya, Ezra mwana Seraya, mwana Azariya, mwana Hilikiya,

Jeremiya 52:12

Se ngu mtxima wa wutxhanu, ka ditshiku da wugumi da mtxima (i ti dilembe da wugumi ni mtxhanu ni mune da kufuma ka Nebhukodhonosori), a tile Nebhuzaradhani, mthangeli wa vawoneleli, awu a nga txi wonelela mfumeli, va to wulela Jerusalema.

Masalmo 84:10

Ndinene ngutu kuzumba ditshiku dimwedo nyumbani kwako, kupinda kuzumba digumi da mazana a masiku hahanze! Ni randa kuzumba ha txikeni ka Nyumba ya Txizimu txangu kupinda kuzumba matendani ka vabihi.

2 Vafumeli 23:4

Se mfumeli a to rumela ka mphaxeli wa hombe Hilikiya, ni ka vaphaxeli va txiemo txa wumbidi, ni vawoneleli va misasimo ya ditimba, taku kuthaviswa sotshe siya Dithepeleni ka Mkoma, asile va nga ti si mahete Bhahali, ni sotshe so vatwa, ni dotshe dibutho da nzumani; e si hisa hahanze ka Jerusalemam, tithembweni ka Kedroni, se e tsula ni makhuma a kona Bheteli.

Jeremiya 34:21

Zedhekiya mfumeli wa ka Judha, kumweko ni vathangeli vakwe ni na va ningela manzani ka valala vawe ni manzani ka vava va xuvelako kufa, i ku manzani ka mfumeli wa Bhabhilona, awu a nga khukha kwanu.

Sidilo 4:16

Kupandiseka ka Mkoma ku va abanisile; ene kha na mbi thuka a di va woni kambe, mwendo kuveka txithavo ka vaphaxeli hambi ka vahombe vawe.

Ezekhiyele 11:7

Ngu kumaha keto Mkoma a womba tiya: Vafi va mi nga va mbambamisela hagari ka didhoropa i nyama, se dona i khadi; anu koko ni na mi thavisa hagari ka dona.

Ezekhiyele 24:5

Ñola txifuyo txatxinene ka mtxhambi, hisa marambu a kona hahatshi ka khadi; yi halise kha kwati, kambe ma na vitwe kha kwati marambu ale.

Ezekhiyele 34:10

Mkoma Txizimu a khene: Wonani taku na wukela vadyisi, kambe ni na lava tinvuta tangu manzani kwawe; se va na leka kudyisa tinvuta, kambe kha va na mbi ti dyisa vona vapune; ni na txhatxhisa tinvuta tangu mkanani kwawe, kha ti na mbi ngadi ti txi dyiwa ngu vona kambe.

Jeremiya 20:4

Nguko Mkoma a khene: “Ni na kumaha txidhukiso txako upune, ni txa maxaka ako otshe; vona va na dawa ngu matxhari a valala vawe, awe wutumbu u na ti wona. Ni na ningela dotshe ditiko da Judha manzani ka mfumeli wa Bhabhilona, a na va yisa kuñolwani Bhabhilona, e va daya ngu ditxhari.