Jeremiya 52:18 - Bhiblia Yo Sawuleka

¹⁸ Kambe va tekile so sengeleta ka sona dikhuma, mafoxola, tifoloko, ni mikamba, ni so bhumulisa, ni sotshe siya sa msuku, asi si nga txi thumiswa.

Jeremiya 52:18 Referans Kwoze

1 Vafumeli 7:45

se ko sengeleta mati ni mafoxola, ni mikamba, ni sotshe siya sile Hiramu a nga mahela mfumeli Solomoni, Nyumbani ka Mkoma, sotshe i di sa koporo yo tshuriselwa.

Mitengo 4:14

Se ngu txitimwi ka kona, va na veketela simaha sotshe si si thumiswako ka mthumo wa mphaxo, asi so hisela ka sona dibaselo; tifoloko, mafoxola, mikamba ni sotshe simaha sa ha magandeloni. Va na ateta ngu txitimwi didhowo do hehuka, se msana keto, va na bethela sikhongwani.

Eksodha 27:3

U na maha kambe simbiyana so na ola ngu sona dikhuma, mafoxola, mabhaziya, tifoloko ni sikho, sotshe simaheso u na si maha ngu koporo.

1 Vafumeli 7:40

Msana keto, Hiramu a to maha sigowolo, ni mafoxola, ni mikamba; se Hiramu a to heta kumahetela yotshe mithumo a nga yi mahela mfumeli Solomoni, ka Nyumba ya Mkoma.

Ezra 1:10

magumi mararu a majingo a nzalama, 410 wa majingo a silivhela ya wumwani mxowo, ni simwani siya sa 1.000.

2 Makronika 4:22

Tifokolo ni mikamba, ni digombe ni siya sa kuhisela ka sona dibaselo i ti ti sa nzalama yo hehuka ngutu; sitsaniso sa matimba a mndani ka wukhalo wo Sawuleka ngutu ni sa matimba a nyumba ya dithepele, i ti ti sa nzalama ni sona.

2 Makronika 4:16

ni tidhuwa, ni mafoxola, ni tifoloko, ni sotshe siya sile Hiramu-Abhi a nga mahela mfumeli Solomoni, Nyumbani ka Mkoma, sotshe i ti sa koporo yo tshuriselwa.

2 Makronika 4:11

Hiramu a mahile tikhadi, ni mafoxola, ni mikamba; se Hiramu a heta kumahetela yotshe mithumo yile a nga yi mahela mfumeli Solomoni, Nyumbani ka Txizimu i ku yiya:

2 Makronika 4:8

A to maha kambe digumi da timeza, e ti veka dithepelani, mtxhanu ka didhawa da txinene, mtxhanu ka didhawa da txibhabha; ni dizana da mikamba ya nzalama.

1 Makronika 28:17

ni nzalama yo hehuka yo maha ngu yona tifokolo, ni mikamba, ni timbiya, ni magombe a nzalama, digombe ni digombe ni mpimo wa dona, ni ka magombe a silivhela, digombe ni digombe ni mpimo wa dona;

1 Vafumeli 7:50

kumweko ni digombe; ni sipfhito; ni mikamba; ni so bhumulisa, ni ko dhivela makala, sa nzalama yo hehuka ngutu; ni sitsaniso sa matimba a mndani ka wukhalo wo sawuleka ngutu; ni sa matimba a nyumba ya dithepele, sa nzalama ni sona.

Mitengo 7:56

dijingo da nzalama, da digumi da maxekele, na di di tate ngu dibaselo;

Mitengo 7:50

dijingo da digumi da maxekele a nzalama, do tala ngu dibaselo;

Mitengo 7:44

Dijingo da nzalama, ayi kunemela ka yona i ku ka digumi da maxekele yo tala ngu dibaselo.

Mitengo 7:38

Dijingo dimweyo da nzalama, adi kunemela ka dona i ku ka digumi da maxekele, do tala ngu dibaselo.

Mitengo 7:32

Se dijingo da nzalama, ya digumi da maxekele, do tala ngu dibaselo;

Mitengo 7:26

Se ku ti ti ni dijingo da nzalama, da digumi da maxekele yo tala ngu dibaselo;

Mitengo 4:7

Ni txitimwi ka meza ya mningelo wo tshumbelwa va na gwimba nguwo ya mkuxe; ayile txitimwi ka yona ku no vekwa timbiya, ni so hisela ka sona dibaselo, ni magombe, ni sikadyana; kambe ku nava ni dipawu da mphaxo wa yotshe mbimo, txitimwi ka kona.

Eksodha 38:3

A to maha sotshe simaha sa txiluvelo, simaha so theletela dikhuma, mafoxola, mikamba ni so thavisa makala ngu sona; sotshe simaha siya i ti so mahwa ngu koporo.

Eksodha 37:23

A to maha malambu a kona a mtxhanu ni mambidi; situriso ni sitimo sa kona, sotshe i ti sa nzalama ya yinene.

Eksodha 37:16

A to maha kambe simaha si si nga ti fanete kuvekwa ha mezani, simbiyana, siponi, sikadyana ni sidhingiselo so fenengeta ngu sona, sotsheso si ti mahilwe ngu nzalama yo basa.

Eksodha 25:29

Kambe u na maha timbiya ta kona, ni mikho ya kona, ni magombe a kona, ni siyana sa kona so fenengeta ngu sona; u na si maha ngu nzalama ya yinene.

Eksodha 25:38

Sipfhupetiso sa kona ni tikhadi ta kona si na va i di sa nzalama ya yinene ngutu.