Jeremiya 52:13 - Bhiblia Yo Sawuleka

¹³ Se a to hisa Nyumba ya Mkoma, ni nyumba ya mfumeli, ni totshe tinyumba ta Jerusalema, e lumekela totshe tinyumba ta vahombe.

Jeremiya 52:13 Referans Kwoze

Mika 3:12

Sekoko, ngu mhaka yanu, Siyoni a na dimwa nga thembwe, Jerusalema a na maha mmumbu wa marigwi, se mmango wa nyumba yiya, wu na va makhalo o guleka a txitinga.

Masalmo 79:1

Txizimu, vamatiko va wulete ditikoni kwako, va nyenyezisile dithepele dako do sawuleka, didhoropa da Jerusalema va di mahile marumbi.

2 Makronika 36:19

Se va to hisa Nyumba ya Txizimu, ve khundumusela maguma a Jerusalema, ve hisa tinyumba takwe totshe ta wukoma, va txi fayetela siya sakwe sotshe sa lisima.

Amosi 6:11

Wonani taku Mkoma wa ruma, m'ti wa hombe wu na khundumuselwa, se m'ti wa wudotho wu na bhandekela.

Amosi 2:5

Ngu koneho ni na veka mndilo ka Judha, se wona wu na heta tinyumba ta wukoma ta Jerusalema.

Sidilo 2:7

Mkoma a lekile txiluvelo txakwe a tsukute ni wukhalo wakwe wo sawuleka, a ningete manzani ka valala maguma a tinyumba tawe ta wukoma; va pekile huwa Nyumbani ka Mkoma nga disthiku da msengeletano wa mpipi.

2 Vafumeli 25:9

A to hisa Nyumba ya Mkoma ni nyumba ya mfumeli, kumweko ni totshe tinyumba ta Jerusalema; a to hisa ni totshe tinyumba ta vahombe.

Matewu 24:2

Aniko ene a to va gela ku khene: “Ma si wona sotshe siya, kani? Kha ditshuri na mi gela ku khani: Kha ku na mbi sala dirigwi txitimwi ka dirigwi, adi di no mbi khundumuswa.”

Zakariya 11:1

Awe Libhanoni tula matimba ako, kasi ku mndilo wu na tshokomisa mikedhari.

Ezekhiyele 24:21

I nda khawe ka nyumba ya ka Israyeli: Mkoma Txizimu a khene: Wonani taku ni na nyenyezisa nyumba yangu yo swuleka, i ku wudhumo wa kutsaniswa kwanu, ni kunavela ka maso anu, ni kutsaka ka mihefemulo yanu; se vanana vanu va mazambi ni vamahorana vale mi nga va siya, va na dawa ngu ditxhari.

Jeremiya 38:23

Votshe vasikati vako ni vanana vako va na yiswa ka Vakaldheya, hambi awe khu na mbi huluka manzani kwawe, aniko u na ñolwa ngu dianza da mfumeli wa Bhabhilona; ni didhoropa di na hiswa ngu mhaka yako.

Jeremiya 34:22

Wona, ni na va leletela ti taku ve wuya ka diya didhoropa, kuwomba Mkoma, va na lwa nado, ve di khozisa, va txi di hisa ngu mndilo; ni madhoropa a ka Judha ma na maha txiwula, ku si maneki wo zumba ka wona.

Jeremiya 22:14

Awu a ku khene: “Ni na ti akela nyumba ya hombe. Ni sibhiya so anama, a txi dhoda mafasitela; a txi nameketela makedhari, ni ku yi penda ngu mxowo wo bhilivila.”

Jeremiya 7:14

Ngu konaho, ni na maha ka yiya nyumba yi dhanwako ngu ditina dangu, yona yi mi yi thembako, ni ka wukhalo wu ni nga wu ningela kwanu ni ka vatate vanu, ku nga ti ni nga maha ka Silo.

1 Vafumeli 9:8

Se nyumba yiya yo guletwa ngutu, ni wuhi wu a no pinda ngu hawa, a na xamala, ni kuveta mloti, a na khene: Kasi Mkoma a mahisa tiya ka diya ditiko ni ka yiya nyumba ngu txani kani?

Jeremiya 6:5

Wukani, a hi m'ganyateleni ni wusiku, hi txi ya khundumusela tinyumba takwe ta wukoma.

Jeremiya 19:13

Tinyumba ta Jerusalema ni tinyumba ta vafumeli va ka Judha, ti nava ni nzambwa, nga wukhalo wa Tofeti; kumweko ni tinyumba ti di nga hiselwa txitimwi ka tona dibaselo ka dotshe dibutho da nzuma, eho va nga ningela miningelo ya so sela ka simwani sizimu.

Jeremiya 21:10

Nguko ni wonelela didhoropa diya ngu wubihi, na i si nga ngu wunene, kuwomba Mkoma. Di na ningelwa didhoropa diya manzani ka mfumeli wa Bhabhilona, a na di hisa ngu mndilo.”

Jeremiya 21:14

Ni na mi peka madingano ni muhando wa mithumo yanu, kuwomba Mkoma. Ni na dhivela mndilo txitingani kwanu, wu na danzela sotshe si si ku hahanze ka m'ti.

Jeremiya 32:29

Vakaldheya va randelako didhoropa diya, va na wulela ka dona va txi di hisa ngu mndilo, va txi hisa ni tinyumba totshe ati ku hiselwako ka tona mabaselo a Bhahali, ni kuningela miningelo ya kusela ka simwani sizimu, va txi ni henyisa.

Sidilo 2:5

Mkoma a hindukile nga mlala; a hetile va ka Israyeli, a khundumusete totshe tinyumba tawe ta wukoma, a fayetete mikhokhola yawe; e engetela kudila ni kupandiseka ka mwanana wa ka Judha.

Sidilo 2:6

Ngu mtamo wa hombe a guatile m'dhuti wakwe, nga msakulo; a hasamute msengeletano wa kona. Mkoma a divatisile mibuso ni Sabbata kona Siyoni. Ha kupandisekani kwakwe, a tsukute ngu txieyiso vafumeli ni vaphaxeli.

Ezekhiyele 16:41

Se va na hisa tinyumba tako ngu mndilo, ve lamula ngu kuweketa, masoni ka vavasikati votala; kambe ni na wilisa wugelegele wako, khu na mbi ngadi u hakela txilo.

Sidilo 2:8

Mkoma a ni txikungo txo hoxota diguma da muhorana wa Siyoni; a txi ganyatela asi divaleli a mahile ti to ku va ni dikhodho nguko ku fayetetwe diguma ni lithango se ve maneka va si tsana.