Jeremiya 52:12 - Bhiblia Yo Sawuleka

¹² Se ngu mtxima wa wutxhanu, ka ditshiku da wugumi da mtxima (i ti dilembe da wugumi ni mtxhanu ni mune da kufuma ka Nebhukodhonosori), a tile Nebhuzaradhani, mthangeli wa vawoneleli, awu a nga txi wonelela mfumeli, va to wulela Jerusalema.

Jeremiya 52:12 Referans Kwoze

2 Vafumeli 25:8

Se ka mtxima wa wutxhanu, ka ditshiku da mtxhanu ni mambidi ka mtxima (adiya i ti ti dilembe da digumi ni mtxhanu ni mune da Nebhukodhonosori, mfumeli wa Bhabhilona), a tile Nabhuzaradhani, mthangeli wa yimbi, txithumi txa mfumeli wa Bhabhilona, kona Jerusalema.

Zakariya 8:19

A womba tiya Mkoma wa Mabutho a Tiyimbi: Kutitona ka mtxima wa wumune, ni kutitona ka mtxima wa wutxhanu, ni kutitona ka wa wutxhanu ni yimbidi, ni kutitona ka mtxima wa wugumi, ku nava kunengela ni kutsaka, ni mibuso ka nyumba ya ka Judha, ngu toneto dhundani ditshuri ni kudikha.

Jeremiya 52:29

Ka dilembe da wugumi ni mtxhanu ni mararu a kufuma ka Nebhukodhonosori, a to teka Jerusalema 832 wa mihefemulo e va yisa wukhumbini.

Jeremiya 39:9

Vathu vale va nga sala didhoropani, ni vale va nga sala ditikoni, kumweko ni vapfodoli vale va nga ti ningela, va to yiswa Bhabhilona ngu Nebhuzaradhani, mthangeli wa vawoneleli.

2 Vafumeli 24:12

Sekoko a to huma Jowakimu, mfumeli wa ka Judha, eya ka mfumeli wa Bhabhilona, kumweko ni mwamwakwe ni sithumi sakwe, ni madhota akwe, ni mithenwa yakwe; se mfumeli wa Bhabhilona a to mñola, ka dilembe da wutxhanu ni mararu da kufuma kwakwe.

Jeremiya 52:14

Se dotshe dibutho da Vakaldheya va va nga ti ni mthangeli wa vawoneleli, va to khundumusa otshe maguma ma nga ti ranganyetile Jerusalema.

Genesisi 37:36

Ti di ngeto, Vamidhiyani va to ya xavisa Josefa ditikoni ka Egipta, ka mfumeli Potifari, mthenwa wa Faro, i nga ti mthangeli wa vawoneleli.

Ezra 5:12

Aniko msana kakule vatate vathu va nga wusela txiviti Txizimu txa nzuma, txi to va ningela manzani ka Nebhukodhonosori, mfumeli wa Bhabhilona, Mkaldheya, awule a nga khundumusa nyumba yiya, vathu va kona e va tsulisa Bhabhilona.

Nehemiya 2:3

ni txi khani ka mfumeli: Hanya mfumeli kala kupinduka! Na lambela txani kukarateka mbiluni, na kuve didhoropa, wukhalo wa mathitha a vatate vangu, wu khundumusilwe, ni matimba a kona ma hisilwe ngu mndilo kani?

Masalmo 79:1

Txizimu, vamatiko va wulete ditikoni kwako, va nyenyezisile dithepele dako do sawuleka, didhoropa da Jerusalema va di mahile marumbi.

Dhaniyeli 1:1

Ka dilembe da wuraru da kufuma ka Jehoyakimi, mfumeli wa Judha, Nebhukodhonosori mfumeli wa Bhabhilona, a toya randela Jerusalema.

Jeremiya 1:3

Di tile kambe, ngu masiku a Jehoyakimu, mwana Josiya, mfumeli wa ka Judha, kala magwito ka dilembe da digumi ni dimwedo da kufa ka Zedhekiya, mwana Josiya, mfumeli wa ka Judha, kala mbimo yile Jerusalema a nga yiswa wukarawani ngu mtxima wa wutxhanu.

Jeremiya 32:29

Vakaldheya va randelako didhoropa diya, va na wulela ka dona va txi di hisa ngu mndilo, va txi hisa ni tinyumba totshe ati ku hiselwako ka tona mabaselo a Bhahali, ni kuningela miningelo ya kusela ka simwani sizimu, va txi ni henyisa.

Jeremiya 39:11

Nebhukodhonosori, mfumeli wa Bhabhilona, a ti ti rumisile Nebhuzaradhani, mthangeli wa vawoneleli, ngu Jeremiya, a txi khene:

Dhaniyeli 2:14

Sekoko Dhaniyeli a to womba-womba ngu wudhota ni wutxhari ka Ariyoki, mthangeli wa vawoneleli va mfumeli, awule a nga ti humile kuya daya titxhari ta Bhabhilona.