Jeremiya 52:10 - Bhiblia Yo Sawuleka

¹⁰ Se mfumeli wa Bhabhilona a to wilela mikolo ya vanana va Zedhekiya khoheni kwakwe, ni mikolo ya votshe vathangeli va ka Judha, kona Ribhila.

Jeremiya 52:10 Referans Kwoze

Jeremiya 22:30

Mkoma a khene: “Dhanani ditina da m'thu wuwa ti taku kha nga ni vanana, kha na mbi mana kuhumelela kuhanyani kwakwe, nguko kha ku na mbi humelela ni mmweyo wa vanana vakwe, ti taku e ningwa kuzumba txikhaloni ka mfumo wa Dhavhidha, e fumela Judha.”

2 Vafumeli 25:7

Se vanana va Zedhekiya va to dawa masoni kwakwe; va to dhodela maso a Zedhekiya, ve msunga ngu titxhini timbidi ta msuku, se ve mtsulisa Bhabhilona.

Dhewuteronome 28:34

U na maneka u txi hundeka ngu totshe ti u no ti wona ngu maso ako.

Genesisi 44:34

“Ni nga sikotisa kutxani ani kutshumela ni tsula m'tini ka tate, ni si nga nayo mfana wuwa, kani? Kha ni lavi kuya wona dikhombo di, di no ya wela txitimwi ka tate wathu.”

Genesisi 21:16

A to siya mwanana wakwe e tsimbila mnava wa mpimo wa kukhwinzwa ka lingove, a txi ya khalahatsha, nguko a ti ti khene: “Kha ni lavi kuwona mwanana wangu a txi fa.”

Ezekhiyele 9:6

Dayelani sikosana ni vavaphya, ni timbiri, ni sifanyana, ni vavasikati, kala ku va fuvisa; aniko votshe vavamna vale va ku ni txikombiso, mi nga va gweseni; kambe khatelani wukhaloni kwangu ko sawuleka. Se va to khata ngu vavamna vale va sikosana, va nga ti ti masoni ka nyumba.

Jeremiya 34:21

Zedhekiya mfumeli wa ka Judha, kumweko ni vathangeli vakwe ni na va ningela manzani ka valala vawe ni manzani ka vava va xuvelako kufa, i ku manzani ka mfumeli wa Bhabhilona, awu a nga khukha kwanu.

Ezekhiyele 24:5

Ñola txifuyo txatxinene ka mtxhambi, hisa marambu a kona hahatshi ka khadi; yi halise kha kwati, kambe ma na vitwe kha kwati marambu ale.