Jeremiya 51:8 - Bhiblia Yo Sawuleka

⁸ Ngu mbimo ya yidotho, Bhabhilona a wite, a fuvisilwe; m'dileleni, thelani mrende wo malata kupanda kwakwe, mwendo ku na hola.

Jeremiya 51:8 Referans Kwoze

Jeremiya 46:11

Kwelela u tsula Gileyadhi u txi ya teka mrende, awe wotuma m'horana wa Egipta; wo tatela walo mirende; khu na mbi kalamuka.

Isaya 21:9

Se wonani konkuwa, wata mtxawa wa vavamna ni vagadhi va mahantxhi ngu vambidi-vambidi. Sekoko, a to xamula a txi khene: “Di wite ditiko da Bhabhilona, di wite!” Se sotshe sifananiso sa sizimu sawe so vatwa, si fayekete ha mafuni.

Mtuletelo 14:8

Yimwani ngelozi, ayi ya wumbidi, yi to ya masoni ngu kuwomba, yi txi kha yona: “A wite, a wite, Bhabhilona wa hombe, awu a nga levisa yotshe mifumo ngu vhinya ya txiviti txa wugelegele wakwe.”

Mtuletelo 18:2

Konako yona yi to kwangula ngu dipswi da mtamo, yi txi kha yona: “A wite, a wite Bhabhilona wa hombe, a hindukile e maha wuzumbelo wa madhimoni, wuthavelo wa totshe tixaka ta mimoya ya nzambwa, wuthavelo wa totshe tixaka ta sinyana sa nzambwa ni so nyenyeza.

Jeremiya 50:2

Zivisani hagari ka matiko; pfalisani, mi txi gwimba m'jeke, pfalisani mi nga feketeleni; wombani mi txi khanu: Ku tekilwe Bhabhilona, a phazamisilwe Bheli, a gumutwe Merodhaki, si wisilwe tingana sifananiso sawe, sizimu sawe si wisilwe.

Jeremiya 48:20

Mowabhi a wisilwe tingana nguko a funyilwe; dilani mi txi peka huwa; zivisani Arnoni ti to Mowabhi a hasamutwe.

Nahume 3:19

Kha ku nga ni mrende wo kalamukisa txilonda txako; mbanga yako yo panda ngutu, votshe vale ngu ditshuri va no pfa nduma yako va na ku bhwabhwatela manza, nguko i mani wule wu nga mbi pinda ngu kwakwe wubihi wako kani?

Dhaniyeli 5:31

Se Dhariyo wa lixaka la Vamedhi a to teka wukoma, a di ni tanga ya mtxhanu wa magumi ni dimwedo ni malembe mambidi.

Dhaniyeli 5:24

Sekoko di tile ngu ka Txizimu dianza dile di nga bhala mibhalo yiya.

Ezekhiyele 30:2

Awe mwanana wa m'thu, profeta u txi khawe: Mkoma Txizimu a khene: Dilani mi txi khanu: Yowe! Ditshiku dileya!

Jeremiya 51:41

Eto a nga tekiswa tona Sesake, ni ti wu nga khakhetisiswa tona wudhumo wa mafu! Nga tile a nga mahisa tona Bhabhilona kuxamalisa matiko!

Jeremiya 48:31

Ngu kota yeto, ni na xanisekela Mowabhi; ina ni na diliswa ngu Mowabhi, nguko vavamna va Kiri-Heresi va na vilela.

Jeremiya 8:22

Ina kha ku nga ni mrende Gileyadhi, mwendo kuwalo ñanga koneyo kani? Ngu txani koko, a nga mbi kalamukiswa mwanana wa txisikati wa vathu vangu kani?

Isaya 47:9

Aniko ka totshe timhaka tiya ta timbidi, ti nata txitimwi kwako ngu mbimo yimweyo, ka ditshiku dimwedo: Kufelwa ngu vanana, ni kumaha noni; ngu mtamo wotshe ti nata txitimwi kwako, ngu mhaka ya wuloyi wako wo tala, ngu sixamaliso sako so tala ngutu.

Isaya 47:11

Ngu kumaha keto, txitimwi kwako, ku nata dikhombo, di u no mbi ziva mu di tako ngu kona, se kuhaxulwa ko ngeko, ku nata txitimwi kwako, kambe khu na mbi sikota ku kuretha; nguko ku nata tximwi kwako ngu txidhukisa, kuxasela ka txihuhuri, kaku khu na mbi sikota ku kuziva.