Jeremiya 51:7 - Bhiblia Yo Sawuleka

⁷ Bhabhilona i ti ti kopo ya nzalama manzani ka Mkoma, ayi yi nga ti ti levisa dotshe ditiko; Matiko ma sete vhinya yakwe; ngu mhaka yeto matiko ma xangile.

Jeremiya 51:7 Referans Kwoze

Mtuletelo 14:8

Yimwani ngelozi, ayi ya wumbidi, yi to ya masoni ngu kuwomba, yi txi kha yona: “A wite, a wite, Bhabhilona wa hombe, awu a nga levisa yotshe mifumo ngu vhinya ya txiviti txa wugelegele wakwe.”

Mtuletelo 17:4

Wamsikati a ti ni syambalo sa masilika o bhilivila, a di bombile ngu nzalama, ni marigwi a lisima la hombe ni maperola; manzani a ti ni digombe do mahwa ngu nzalama, di di tate ngu sa manyala: I nzambwa ya wugelegele wakwe.

Mtuletelo 18:3

Nguko ene a levisile mifumo yotshe ngu vhinya ya txiviti txa wugelegele wakwe, vafumeli va ditiko va mahile nayo wugango, vaxavisi va ha mafuni va mahile va nyatithombe, ngu mhaka ya kubomba kwakwe ka wubhemba.”

Mtuletelo 17:2

vafumeli va mafu va mahile wugango nado, se vaaki va ha mafuni va levile ngu vhinya ya wugelegele wa dona.”

Dhaniyeli 2:32

Msungo wa txithombe txile i ti ti wa nzalama yo hehuka; khana ni mawoko a txona nza silivhela; mrumbu ni tinyonga ta txona i ti sa koporo;

Mtuletelo 19:2

Nguko kulamula ka txona nga ditshuri ni kululama. Ngu txona Txizimu txi nga lamula digelegele da hombe di nga ti nyeta mafu ngu wugelegele wa dona; se ka dona Txizimu txi pharete mnoha wa sithumi sa txona.”

Mtuletelo 18:23

Kutura ka dilambu kha ku na mbi ngadi ku txi woninga kwako; dipswi da mwamna ni msikati kha di na mbi ngadi di engiswa kwako, nguko vaxavisi vako i ti tinganakana ta ditiko, kambe ngu matiloti ako u kanganyisile yotshe mifumo.”

Dhaniyeli 2:38

Se ni hani ha kuzumbako kona vanana va vathu, sihari sa txitinga ni sinyana sa nzuma, Txizimu txi si ningete manzani kwako, txi kumaha u fuma txitimwi ka sona sotshe; awe u msungo wa silivhela.

Jeremiya 50:38

Ku hisa ku na omisa mati akwe; nguko ditiko da sifananiso so mahwa, kambe sa va henyisa.

Jeremiya 25:9

ni na rumela kuya dhana tixaka totshe ta vathu ta Wuphemba, kuwomba Mkoma, ni ka Nebhukodhonosori, txithumi txangu, i ku mfumeli wa Bhabhilona; ni na va leka velwa ni ditiko diya, ni vazumbi va kona, ni matiko otshe o gwatamelana nado; ni na va lovisela magwito, ni na va maha txidiwukiso, ni txiruko, ni marumbi a kala kupinduka.

Isaya 14:4

sekoko u na embelela ndando yo tseketsela mfumeli wa Bhabhilona, u txi khawe: A gwitete hayi mxanisi, ni didhoropa da nzalama di gwitisile kutxani!

Jeremiya 13:13

Sekoko u na khawe kwawe: Mkoma a khene: Wonani tito, votshe va zumbako ka diya ditiko, ni vafumeli va va zumbako ha txikhaloni ka mfumo wa Dhavhidha, ni vaphaxeli ni vaprofeti, ni votshe va va zumbako Jerusalema, ni na va levisa.

Ezekhiyele 23:42

Ku to pfala dipswi da kutsaka da dibutho, se ku to tiswa vathu va wusiwana kumweko ni madevi a txiwulani; va to va ambeka masinda mawokoni kwawe, ni mibhoti yo phatima ka misungo yawe.