Jeremiya 51:64 - Bhiblia Yo Sawuleka

⁶⁴ Se u na khawe: A na bhwabhwamelisa tona tiya Bhabhilona, kha na mbi deluka, ngu mhaka ya wubihi wule ni no wu tisa txitimwi kwakwe, se vona va na karala. Mapswi a Jeremiya ma ema hawa.

Jeremiya 51:64 Referans Kwoze

Jeremiya 51:58

Mkoma wa Mabutho a Tiyimbi a khene: Maguma o anama a Bhabhilona, kha ditshuri ma na wiswa, ni matimba akwe o tshura ma na hiswa ngu mndilo, ma txi karala.

Jobe 31:40

ngu fulaho ni na velekelwe mipa ngu sevhadha ni velekelwa nyasavari. Ma gumile mapswi a Jobe.

Mtuletelo 18:21

Konako ngelozi ya mtamo yi to gula dirigwi do nga txiwindi txa hombe txa txigayo, yi di rinza lineneni, yi txi kha yona: “Ngu mtamo wo fana ni wona wuwa, Bhabhilona, Didhoropa da Hombe, a na rinzwa lineneni, se kha na mbi swa e manwa.

Masalmo 72:20

Ahawa i magwito a mikombelo ya wuembeleli wa Dhavhidha, mwanana wa Jese.

Mtuletelo 18:2

Konako yona yi to kwangula ngu dipswi da mtamo, yi txi kha yona: “A wite, a wite Bhabhilona wa hombe, a hindukile e maha wuzumbelo wa madhimoni, wuthavelo wa totshe tixaka ta mimoya ya nzambwa, wuthavelo wa totshe tixaka ta sinyana sa nzambwa ni so nyenyeza.

Mtuletelo 14:8

Yimwani ngelozi, ayi ya wumbidi, yi to ya masoni ngu kuwomba, yi txi kha yona: “A wite, a wite, Bhabhilona wa hombe, awu a nga levisa yotshe mifumo ngu vhinya ya txiviti txa wugelegele wakwe.”

Habhakuki 2:13

Wonani taku, kha ti ti ngu ka Mkoma wa Mabutho a Tiyimbi taku, matiko me thumela kuhiswa ngu mndilo, ni ti to vathu ve karala ngu ta kwa mbi nyawula.

Jeremiya 51:42

Linene li gulekile kupinda Bhabhilona, li txi mfenengeta ngu mavimbi amangi.

Jeremiya 25:27

U na va gela, u txi khawe: Mkoma wa Mabutho a Tiyimbi, Txizimu txa Israyeli, a khene: Selani mi txi leva, mi kosa, mi txi wa, mi si wuki kambe, ngu mhaka ya yimbi ni no yi rumela kwanu.

Masalmo 76:12

Txona txa thavisa mtamo ka vakoma txi thela dizowa ka vafumeli va ha mafuni.

Isaya 47:13

U ti karalisile ngu kuxaxuwa kotala; va na wuke koko konkuwa, avale va pimako nzuma, vale va nga ti wonetela tinyeleti, va va hutako kumeka ka mtxima, va na ku hulukise ka ti ti nota txitimwi kwako.

Jeremiya 9:5

Vona votshe va kanganyisana, kha va wombawombi ditshuri; va gondisile tidimi tawe kuhemba makuhu, ve ti karata ngu kumaha kubiha.

Ezekhiyele 28:19

Votshe vale va ku zivako hagari ka vathu, va ku kuxamala: U ti mahile txixamaliso txa hombe, khu na mbi nga ngadi u diho kambe.

Jeremiya 13:4

Teka libhandi li u nga xava, li ku txiwununi kwako, tsula Ewufrate u txi ya li sisa mu ka phako ya dirigwi.

Jeremiya 19:10

Sekoko u na faya khadi masoni ka vathu vale va nga ku bangalata,