Jeremiya 51:60 - Bhiblia Yo Sawuleka

⁶⁰ Jeremiya a to bhala amu ka dibhuku, kotshe kubiha kule ku nota txitimwi ka Bhabhilona; otshe mapswi ale ma nga ti bhatwe o wukela Bhabhilona.

Jeremiya 51:60 Referans Kwoze

Jeremiya 36:32

Sekoko Jeremiya a to teka dimwani dibhuku, a txi di ningela ka Bharuke, mwana Neriya, m'bhali, awu a nga bhala ka dona ati ti nga wombwa ngu Jeremiya, totshe timhaka ta dibhukwedo di nga hiswa ngu Jehoyakimu, mfumeli wa ka Judha; kambe ku engetetwe timhaka ta tingi to fana nito.

Isaya 30:8

Tsula koko konkuwa, u txi ya bhala tiya aha ka dipulango, masoni kwawe, kambe ti bhale amu ka dibhuku; kasi ku ti zumba ti di bhatwe, ka mbimo yitako, ngu ha ku si gwitiko, kala kupinduka.

Mtuletelo 1:19

Ngu kota yeto, bhala ati u nga ti wona, ati i ku tona ka yiya mbimo, ni ti ti na kumaheka ngu msana ka tiya.”

Mtuletelo 1:11

“Ati u ti wonako, ti bhale amu ka dibhuku, u txi ti rumela ka mabanza a mtxhanu ni mambidi: Efesu, Esmirna, Pergamo, Tiyatira, Sardhisi; Filadhelfiya ni Laodhikheya.”

Dhaniyeli 12:4

Se awe, Dhaniyeli, vhala mapswi awa, u lema dibhuku diya, kala ka mbimo yo gwita; votala va na tutuma-tutuma va txiya kheya ni kheya, kambe wutxhari u na anda.

Jeremiya 51:61

Se Jeremiya a ti khene ka Serayasi: Aha u no hoka Bhabhilona, u na ma wona ni kugonda otshe mapswi awa.

Jeremiya 51:1

Mkoma a womba tiya: Wonani ti to ni na wusa moya wu wu no khundumusela Bhabhilona, ni vaaki va kona, avale va ni lwisako.