Jeremiya 51:56 - Bhiblia Yo Sawuleka

⁵⁶ Nguko mxaseli wata txitimwi ka dona, txitimwi ka Bhabhilona, tindena takwe ti na ñolwa, ma funyetetwe malaho a tona: Nguko Mkoma Njizimu txo tshumetela, a na pharela.

Jeremiya 51:56 Referans Kwoze

Habhakuki 2:8

Ngako u nga hoxota matiko amangi, votshe vathu va na kuhoxota nawe, ngu mhaka ya mnoha wa vathu ni kulwa ngu mhaka ya mafu, didhoropa, ni votshe vale va zumbako ka dona.

Jeremiya 51:48

Se nzuma ni mafu ni sotshe si si kuho, si na tsakela Bhabhilona; nguko ngu Wuphemba va nata vahasamuli, kuwomba Mkoma.

Jeremiya 51:6

Khukhani hagari ka Bhabhilona, mmweyo ni mmweyo a na txhatxhise dihika dakwe; mi nga ti loviseni anu ngu wubihi wakwe; nguko ayiya ngu yona mbimo ya kupharela ka Mkoma; ene a na mninga hakhelo yakwe.

Masalmo 46:9

Mkoma wa fuvisa tiyimbi kotshe ha mafuni; wa funyeletela wulaho, e wila ditxhari; ni kuhisa sikotxikani ha mndiloni!

Jeremiya 51:24

Ni na tshumetela Bhabhilona ni votshe vazumbi va Kaldheya, wotshe wubihi wawe wule va nga wu maha ka Siyoni, khoheni kwanu, kuwomba Mkoma.

Isaya 59:18

Madingano ni ti mithumo yawe yi ku ngu tona, va na va tshumetelisa toneto; kuhenya nga valala vawe, ni hakhelo ka vale valwako nayo; ene a na dihela sitondolo ngu fanelo.

Masalmo 76:3

Ngu koneyo a nga komolela kona sibhamu sa yimbi: Sitxhavangu, matxhari, malaho ni tingove.

Dhewuteronome 32:35

Kulumba ani kuphota ni kutshumetela, txa tshuketela txikhati txi mikondo yawe yi no rithimuka, ditshiku da kulova kwawe di hafuhi, ati ti nga longiselwa vona ta tshuketela hafuhi ngu txikuluveta.

Mtuletelo 19:2

Nguko kulamula ka txona nga ditshuri ni kululama. Ngu txona Txizimu txi nga lamula digelegele da hombe di nga ti nyeta mafu ngu wugelegele wa dona; se ka dona Txizimu txi pharete mnoha wa sithumi sa txona.”

Mtuletelo 18:20

Tsakani ngu mhaka ya dona didhoropa diya: “Awe nzuma ni nanu vasawuleki, vapostoli ni vaprofeti, nguko Txizimu, ngu ku di lamulisa tiya, txi mi lamulete.”

Mtuletelo 17:16

Titxheho ti ta digumi u nga ti wona kumweko ni txikalani, si na vengela wu wa digelegele, si na mtshambula tinguwo, si mu leka i di tximbwiri; si na dya nyama yakwe, si mu hisa ngu mndilo,

2 Vatesalonika 1:6

Nguko ti lulamile ti to Txizimu txi tshumetela ngu sixaniso ava va mi xanisako.

Ezekhiyele 39:9

Se vazumbi va madhoropa a ka Israyeli va na huma, va na hisa otshe matxhari ni sitxhavangu, ni malaho, ni tingove, ni tindonga ta manzani, ni miseve; va na turisa mndilo ngu sona, amu ka mtxhanu wa malembe ni mambidi.

Ezekhiyele 39:3

Kambe ni na thavisa wulaho ka dianza dako da txibhabha, ni wisa tingove ti ku ka dianza dako da txinene.

Jeremiya 51:30

Avale va ku ni mitamo amu Bhabhilona va lekile kulwa, va mule ko wonelela, yi gumile mitamo yawe, va txi nga mbavasikati: Ti hisilwe tinyumba mitini kwawe, kufunyilwe sikhweketo.

Jeremiya 50:36

Di nata ditxhari txitimwi ka va makuhu, kha va na mbi pfa txilo: Ditxhari di nata txitimwi ka tindena tawe, ti na tsivala.

Jeremiya 50:10

Se Kaldheya a na maha khumbi: Votshe vale va no honyolela somaha va na khura, kuwomba Mkoma.

Jeremiya 49:35

Mkoma wa Mabutho a Tiyimbi a khene: Wonani ti taku ni na funya wulaho wa Elame, i ku makhato a mtamo wakwe.

Isaya 35:4

Gelani va va pandisekako timbiluni, mi txi khanu: Tsanani, mi nga thaveni! Wonani taku Txizimu txanu txi nata, ku ta mi photela, ni txhatxazelo ya Txizimu; txona txi nata, txi ta mi hanyisa.

Isaya 34:8

Nguko ditshiku da kuphota ka Mkoma, dilembe da kutshumetela ka kulwa ka Siyoni.

Isaya 21:2

Ni wonisilwe txiwoniso txo thisa: Mkanganyisi wa kanganyisa, ni mxaseli wa xasela. Kwelela awe Elamu, randela awe Medhi; ni malatile miketo yawe yotshe.

Masalmo 137:8

O! Awe mwanana wa muhorana wa Bhabhilona, u no xaselwa! A katekile awu a no kutshumetela nga ti u nga mahisa tona kwathu.

Masalmo 37:15

Kambe ditxhari dawe di na va thola mbilu yawe vapune se wulaho wawe wu na komolelwa.

1 Samuwele 2:4

Wulaho wa tindena wu funyilwe, ni vale va nga ti wisilwe va tsanisilwe ngu mtamo.

Genesisi 49:24

Aniko wulaho wakwe wu zumbile wu di tsani, ni misiha ya mawoko akwe yi tsanisilwe, ngu manza a Ndena ya Jakobe (eho i ku M'dyisi ni Dirigwi da Israyeli.)

Jeremiya 51:53

Hambi i di kova ku Bhabhilona a nga kwela nzumani, mwendo kutsanisa kuguleka ka diguma dakwe, ni ndi na m'rumela vaxaseli, kuwomba Mkoma.

Amosi 2:15

A wu a nga ñola wulaho kha na mbi ema, ni wu aku ni livilo kha na mbi huluka, hambi ni ka kudotho, a wu a tsulako a di gadhile dihantxhi kha na mbi hulukisa wutomi wakwe.

Obhadhiya 1:15

Nguko ditshiku da Mkoma di hafuhi, txitimwi ka otshe matiko; ku nga ti u nga maha tona, nawe u na mahiswa toneto; wubihi wako wu na wela txitimwi ka msungo wako.

Sidilo 3:64

Awe u na va ninga hakhelo yawe, Mkoma, madingano ni mithumo ya manza awe.