Jeremiya 51:55 - Bhiblia Yo Sawuleka

⁵⁵ Nguko Mkoma wa khundumusa Bhabhilona, a na fuvisa ni dipswi da kona: Kubhibhika kwakwe ku na fana ni mavimbi a mati amangi, ku na pfala ni diguwa da ona.

Jeremiya 51:55 Referans Kwoze

Jeremiya 25:10

Ni na malata hagari kwawe dipswi da kutsaka ni kusakana, dipswi da va va tekanako, diguwa da marigwi a txitshindo, kumweko ni liwoningo la dilambu.

Mtuletelo 17:15

Ngelozi yi to engeta yi txi kha yona: Mati yawa u nga ma wona, ahawa digelegele di nga khala kona, i matiko ni mabutho a vathu, mifumo ni tidimi.

Luka 21:25

“Ku nava ku di ni sikombiso ha ditamboni, ha mtximani ni tinyeletini. Ha mafuni ku na vaho kuxaniseka ka matiko ngu kuthava diguwa da kudhuma ka mavimbi ni linene.

Ezekhiyele 26:3

Ngu kumaha keto, Mkoma Txizimu a khene: Wona taku ani na kuwukela awe Tiro, se ni na maha ti to matiko o tala ma txi kulwisa, ku nga linene li guletako mavimbi a lona.

Jeremiya 51:42

Linene li gulekile kupinda Bhabhilona, li txi mfenengeta ngu mavimbi amangi.

Isaya 47:5

Awe mwanana wa muhorana wa Vakaldheya, wulela txidemani, u khalahatsha u txi dwe, nguko khu na mbiswa u dhanwa taku, u mfumeli wa txisikati wa mifumo.

Isaya 17:13

Nga toneto, matiko ma na dhuma, nga ti ma dhumisako tona mati amangi, aniko a na ma malata, se ma na tutuma me tsula kule; kambe ma na hangalaswa nga mwasi wa mmangoni, masoni ka moya, ni ku nga dibwinzi, masoni ka txihuhuri.

Isaya 15:1

Mahungu a Mowabhi. Ngu ditshuri, ngu wusiku wumwewo, didhoropa da Are wa Mowabhi di khundumusilwe, di fuvisilwe; ngu ditshuri, ngu wusiku wumwewo, didhoropa da Kiri wa Mowabhi, di khundumusilwe, di fuvisilwe.

Masalmo 65:7

Awe wa malata kubhonga ka mati a linene, ku gobhoza ka mavimbi ni diguwa da vathu.

Masalmo 18:4

Ni randetwe ngu titxhini ta lifo, ni minambo ya wubihi yi ni fenengetile.

Masalmo 69:2

Na hojomela diphalani ko hokoma ka ndope, kha ni nga ni ko kanda kona. Ni maneka ni di mu ka mati o mita ngutu ni mpswinga se wa ni ndinda.

Masalmo 124:2

Idiku Mkoma a ti sa ema ni nathu, mbimo yi valala vathu va nga hi wukela,

Masalmo 124:4

konako mati nga ma di hi mitile mlonga nga wu di khulungile ngu txitimwi kwathu!