Jeremiya 51:51 - Bhiblia Yo Sawuleka

⁵¹ Mi na khanu: Hi thetwe tingana, nguko hi pfite txiruko; tingana ti fenengetile tikhohe tathu, nguko vamatiko va wulete makhaloni ko sawuleka a Nyumbani ka Mkoma.

Jeremiya 51:51 Referans Kwoze

Sidilo 1:10

Mlala wakwe a mtekete tithomba takwe; nguko a woni matiko ma txi wulela ka wukhalo wakwe wo sawuleka, eyo awe Mkoma, u nga ti ma tsimbile kuwulela ka msengeletano wako.

Masalmo 79:4

Se hi maneka hi di sekisa hagari ka vaakelani vathu; avale va nga hi randela va hiseka ni ku hi tseketsela.

Mika 7:10

Se mlala wangu wa txisikati a na ti wona eto, se a na fenengetwa ngu pfilu-pfilu, awu a ku khene: Ahayi Mkoma, Txizimu txako kani? Maso angu ma na mu wona a txi kadetelwa, kufana ni madhaka a tiruwani.

Dhaniyeli 11:31

Se ku na huma mitamo yokari yi txiya kwakwe, yi txiya nyenyezisa wukhalo wo sawuleka ni mikhokhola, kambe yi na fuvisa miphaxo ya ditshiku ni ditshiku, yi na veka tximaha txa kudhukisela ka hombe.

Ezekhiyele 36:30

Ni na andisa mihando ya mindongani, ni siyalo sasiphya sa thembweni, kasi ku mi si swi kambe mi mana txiruko txa nzala hagari ka matiko.

Ezekhiyele 24:21

I nda khawe ka nyumba ya ka Israyeli: Mkoma Txizimu a khene: Wonani taku ni na nyenyezisa nyumba yangu yo swuleka, i ku wudhumo wa kutsaniswa kwanu, ni kunavela ka maso anu, ni kutsaka ka mihefemulo yanu; se vanana vanu va mazambi ni vamahorana vale mi nga va siya, va na dawa ngu ditxhari.

Ezekhiyele 9:7

Se a to va gela ku khene: Nyenyezisani nyumba, mi tata mithanda ngu sirumbi, se mi huma. Se va to huma ve xasela didhoropa.

Ezekhiyele 7:18

Kambe va na phamba masaka, kudhudhumela ku na va fenengeta; ka totshe tikhohe tawe ku nava ni tingana, misungo yawe yotshe yi na va tigwayi.

Sidilo 5:1

Khumbula awe Mkoma, a tile ti nga hi humelela: Wona tingana tathu.

Sidilo 2:20

Awe Mkoma, wona! U txi wonisisa ti to i mani u mmahelako tiya. Ina vamame va fanete ku ti dyela vanana va va va randako, kani? Ina vaphaxeli ni vaprofeti va dingana kudawa va txi fela ka wukhalo wako, wo sawuleka kani?

Jeremiya 52:13

Se a to hisa Nyumba ya Mkoma, ni nyumba ya mfumeli, ni totshe tinyumba ta Jerusalema, e lumekela totshe tinyumba ta vahombe.

Jeremiya 31:19

Msana ka kuva ni di hundulukile, ni to ti sola; sekoko aha ni nga tiziva wutumbu, ni pekwa nyonga; ni so koyo tingana, ni txi kanganyiseka, nguko ni rwate txisolo txa wuphya wangu.

Jeremiya 14:3

Vahombe vawe va rumile vavadotho kuya lava mati. Va txita sisimani kha va mani mati, va tshumela ni tifuko tawe ta maphanga. Vapfa tingana va txi goo! Na va txi fenengeta misungo yawe.

Masalmo 109:29

Valala vangu va na tale ngu tingana; tingana tawe ti na va fenengete nga nguwo!

Masalmo 79:12

Mkoma, va tsayise ka mtxhanu ni kambidi vaakelani vathu ngu mhaka ya sionho si va nga ku mahela.

Masalmo 79:1

Txizimu, vamatiko va wulete ditikoni kwako, va nyenyezisile dithepele dako do sawuleka, didhoropa da Jerusalema va di mahile marumbi.

Masalmo 71:13

Va na kanganyiseke va txi haxulelwa avale va zamako ku ni daya! Va na xowokiswe ve wiswa tingana avale va ni navelelako dikhombo!

Amosi 7:9

Kambe makhalo o guleka a Israyeli ma na hoxotwa ni makhalo a vakhongeli va Israyeli ma na loviselwa magwito. Se na wukela nyumba ya ka Jerobhowamu ngu ditxhari.

Mika 6:16

Nguko mi txi xayisa sileleto sa Omiri, ni yotshe mithumo ya nyumba ya Akabhi, ni nanu mi tsimbila ka milayo yawe; kasiku ani ni kumaha dirumbi, ni vahanyi vako ve va mloti; ngu kumaha keto mi na wuyisa txiruko txa vathu vangu txitimwi kwanu.

Masalmo 89:46

Mkoma, kala mbimo muni, u na ti sisa kala kupinduka kani? Txiviti txako txi na tura nga mndilo yotshe mbimo kani?

Isaya 13:1

Mahungu ya ma nga woniswa Isaya mwana Amosi, madingano ni Bhabhilona.

Isaya 14:1

Nguko Mkoma a na pfela wusiwana Jakobe, kambe a na sawula Israyeli, a txi mu veka ditikoni kwakwe. Valuveli va na va kumweko navo, va txi namarela ka nyumba ya va ka Jakobe.

Isaya 21:1

Mahungu a txiwula txa linene. Kufana ni sihuhuri sa Wulambwe, si wisetela sotshe, a nata ngu txiwulani, ka ditiko do thisa.

Isaya 47:1

Txhika u khalahatsha ha lithuluni, awe wotuma, mwanana wa muhorana wa Bhabhilona; khalahatsha hahatshi; kha ku ngadi ni txitulu txa wukoma, awe mwanana wa muhorana wa Vakaldheya, nguko khu na mbiswa u dhanwa ku umnene, niku u tshurile.

Jeremiya 25:26

ni vafumeli votshe va Wuphemba, va hafuhi ni va kule, mmweyo ni mmweyo, ni mifumo yotshe ya mafu, yi kuho ha mafuni, ni mfumeli wa Xexaki, a na sela ngu didjingo diya, msana kwakwe.