Jeremiya 51:50 - Bhiblia Yo Sawuleka

⁵⁰ Anu mi nga huluka ditxhari, tsulani, mi nga emeni; na mi di kule alakanyani Mkoma, a na guletwe Jerusalema timbiluni kwanu.

Jeremiya 51:50 Referans Kwoze

Jeremiya 44:28

Se avale va no huluka ditxhari va na khukha ngu ditikoni ka Egipta va txiya ditikoni ka Judha, na i ti vadotho ngu mtengo; se yotshe misalela ya ka Judha yile yi nga wulela ditikoni ka Egipta, kuya luvela kona, yi na tiziva taku ngu kuhi kuwomba ku nga tatiseka, ngwangu mwendo ngwawe.

Masalmo 122:6

Kombelelani kudikha ka Jerusalema. Va na humelela vale va randako kudikha.

Mtuletelo 18:4

Ni engisile kambe dimwani dipswi da nzumani, di txi kha dona: “Anu vathu vangu, humanimo, kasiku mi si manwi ngu mnandu wa sionho sakwe; ni kutshapelwa ngu mitungu yakwe;

Jeremiya 51:45

Anu vathu vangu humani hagari kwawe, mmweyo ni mmweyo a na hulukisa dihika dakwe, ngu mhaka ya kutura ka kuhenya ka Mkoma.

Isaya 51:11

Ngu kumaha keto, va na wuya vale va nga tirulwa ngu Mkoma, kambe va na tshumelela Siyoni ngu kutsaka ka hombe, ni kutsaka ka kwa mbi gwita ku nava txitimwi ka misungo yawe; va na mana kuzumbiseka ni litsako, kupandiseka ni kuketa si na tutuma.

Jeremiya 51:6

Khukhani hagari ka Bhabhilona, mmweyo ni mmweyo a na txhatxhise dihika dakwe; mi nga ti loviseni anu ngu wubihi wakwe; nguko ayiya ngu yona mbimo ya kupharela ka Mkoma; ene a na mninga hakhelo yakwe.

Jeremiya 50:8

Thavani hagari ka Bhabhilona, kambe humani ditikoni ka Vakaldheya, mahani nga tihamba masoni ka mtxhambi.

Jeremiya 31:21

Ti emisele sikombiso, guleta siwindi, veka mbilu yako amu ka ditshuri, ka nzila yile u nga tsimbila ngu yona; wuya awe wotuma wa Israyeli, wuya madhoropani kwako.

Isaya 52:2

Gubhuta lithulu, wuka u khalahatsha, awe Jerusalema; titxhatxhise ka tingoti ti ti ku thamoni kwako, awe mwanana wa muhorana wa Siyoni, u ku khumbi.

Isaya 48:20

Humani amu Bhabhilona, tutumela kule ni Vakaldheya. Kambe zivisani ngu dipswi da kutsaka ka hombe, ti maheni ti pfiwa eto, mi ti hokisa magwito ka mafu; i nda ni khanu: Mkoma a tirute txithumi txakwe Jakobe.

Ezekhiyele 6:9

Sekoko va na ni alakanya avale hagari kwanu va no huluka, matikoni mule va no yiswa wukhumbini ka ona; nguko ni henyisilwe ngu timbilu tawe to biha, ti nga hambana ni nani, ngu mhaka ya maso awe ma nga xengwa, ve londetela sithombe sawe; va na ti laya vapune, ngu mhaka ya wubihi wu va nga wu maha, ka otshe manyala awe.

Dhaniyeli 6:11

Sekoko vavamna vale va to tsula votshe, veya mana Dhaniyeli a txi kombela, ni kudila, masoni ka Txizimu txakwe.