Jeremiya 51:47 - Bhiblia Yo Sawuleka

⁴⁷ Ngu toneto, ma nata masiku ale ni nota tsayisa sifananiso sa Bhabhilona, ni dotshe ditiko dakwe di na thelwa tingana, ni votshe vathu va no dawa va na wela hagari kwakwe.

Jeremiya 51:47 Referans Kwoze

Jeremiya 50:2

Zivisani hagari ka matiko; pfalisani, mi txi gwimba m'jeke, pfalisani mi nga feketeleni; wombani mi txi khanu: Ku tekilwe Bhabhilona, a phazamisilwe Bheli, a gumutwe Merodhaki, si wisilwe tingana sifananiso sawe, sizimu sawe si wisilwe.

Jeremiya 51:52

Sekoko ma nata masiku, kuwomba Mkoma, ale ni no tsayisa sifananiso sawe; va na keta amu ditikoni votshe vale va nga tholetelwa.

Isaya 21:9

Se wonani konkuwa, wata mtxawa wa vavamna ni vagadhi va mahantxhi ngu vambidi-vambidi. Sekoko, a to xamula a txi khene: “Di wite ditiko da Bhabhilona, di wite!” Se sotshe sifananiso sa sizimu sawe so vatwa, si fayekete ha mafuni.

Jeremiya 51:43

Madhoropa akwe ma mahile marumbi, ditiko da txigwangwa da txiwula, ditiko da kwa mbi na vo zumba, hambi kupinda ngu kona mwanana wa m'thu.

Jeremiya 51:24

Ni na tshumetela Bhabhilona ni votshe vazumbi va Kaldheya, wotshe wubihi wawe wule va nga wu maha ka Siyoni, khoheni kwanu, kuwomba Mkoma.

Jeremiya 51:18

Kha yi vhuni txilo mithumo ya wukanganyisi wawe: Mbimo yi ani ni no va tsayisa, va na lova.

Jeremiya 25:12

Aniko ngako ku di pindile mtxhanu wa magumi ni magumi mambidi a malembe, ni na tsayisa mfumeli wa Bhabhilona ni ditiko da kona, ngu mhaka ya kuwekela kwawe, kuwomba Mkoma; ni ditiko da Vakaldheya ni na di maha diva txiwula, kala kupinduka.

Jeremiya 23:34

Mprofeti, mwendo mphaxeli, mwendo m'thu wu a no womba, a txi khene: Mrwalo wa Mkoma, eyo ni na mtsayisa kumweko ni votshe va nyumba yakwe.

Jeremiya 13:21

U na txani ngako a txi veka vakakwanu ku kufumela kani? Ngawe u nga va gondisa kuva vanyamne vako. Ina kha ti na mbi panda kwako nga wamsikati a lumwako kani?

Jeremiya 11:22

Ina, Mkoma wa Mabutho a Tiyimbi, a khene: Ni na va tsayisa; majaha ma na dawa ngu ditxhari; vanana vawe va txiwamna ni va txisikati va na fa ngu nzala.