Jeremiya 51:43 - Bhiblia Yo Sawuleka

⁴³ Madhoropa akwe ma mahile marumbi, ditiko da txigwangwa da txiwula, ditiko da kwa mbi na vo zumba, hambi kupinda ngu kona mwanana wa m'thu.

Jeremiya 51:43 Referans Kwoze

Jeremiya 2:6

Se kha va kha vona: “Ahani Mkoma, awu a nga hi humisa ditikoni ka Egipta kani? Awu a nga hi thangela amu txiwulani, ditikoni ka sigwangwa ni maphala, ditikoni ka kuoma kumweko ni mtsudini wa kufa Ditiko di nga ti si nga ni vapindi ni vaaki.”

Isaya 13:20

Kha ku na mbi ngadi ku txi akwa kambe, hambi kuwusetwa ngu liveleko ni liveleko; hambi Muharabhi kha na mbi gwimba ditenda dakwe kona, hambi vadyisi kha va na mbi dyisa sifuyo sawe kona.

Jeremiya 51:29

Ngu toneto, ma na zinginika mafu, ma na pfa kupanda, nguko kuwomba kumweko ka Mkoma kutsanisa kuwukela Bhabhilona, kasi kumaha ti to ditiko da Bhabhilona di txi fuviswa, di si mani vazumbi.

Jeremiya 51:37

Se Bhabhilona a na maha mmumbu, m'ti wa vamwamilambo, txixamaliso txo vetisa miloti, ku si nga ni muaki ni wammweyo.

Jeremiya 50:12

A na humbwa a txi wa mwamwanu, a na wiswa tingana wu a nga mi veleka: Wonani ti taku ene a na va dimwedo da matiko o gwitisa, ku va txiwula, ditiko da kuoma ni txiwunda.

Masalmo 46:8

Ngonani, wonani mithumo ya Mkoma; i ku simaha so xamalisa a nga si maha ha mafuni.

Isaya 47:11

Ngu kumaha keto, txitimwi kwako, ku nata dikhombo, di u no mbi ziva mu di tako ngu kona, se kuhaxulwa ko ngeko, ku nata txitimwi kwako, kambe khu na mbi sikota ku kuretha; nguko ku nata tximwi kwako ngu txidhukisa, kuxasela ka txihuhuri, kaku khu na mbi sikota ku kuziva.

Jeremiya 51:62

Kambe u na khawe: Mkoma! Awe u wombawombile ngu wukhalo wuwa, ti taku u na wu fuvisa, ku na za ku si sali ni wammweyo wo zumba, hambi m'thu mwendo txihari, aniko ku na maha marumbi o gwita.

Isaya 34:13

Se tinyumbani kwawe ka wukoma ku na mila mipa, maxexo ni sihaha ka mikhokhola yawe; ku na maha dizumbo da vamwamilambo, ni m'hubhe wa sisondo sa timbuwu.

Jeremiya 18:16

Eko va maha ti to ditiko dawe diva txixamaliso, ni txiruko ngu ha ku si gwitiko. Ti taku ni wuhi a pindako ngu kona e xamala, e zinginisa msungo wakwe.