Jeremiya 51:37 - Bhiblia Yo Sawuleka

³⁷ Se Bhabhilona a na maha mmumbu, m'ti wa vamwamilambo, txixamaliso txo vetisa miloti, ku si nga ni muaki ni wammweyo.

Jeremiya 51:37 Referans Kwoze

Mtuletelo 18:2

Konako yona yi to kwangula ngu dipswi da mtamo, yi txi kha yona: “A wite, a wite Bhabhilona wa hombe, a hindukile e maha wuzumbelo wa madhimoni, wuthavelo wa totshe tixaka ta mimoya ya nzambwa, wuthavelo wa totshe tixaka ta sinyana sa nzambwa ni so nyenyeza.

Jeremiya 25:9

ni na rumela kuya dhana tixaka totshe ta vathu ta Wuphemba, kuwomba Mkoma, ni ka Nebhukodhonosori, txithumi txangu, i ku mfumeli wa Bhabhilona; ni na va leka velwa ni ditiko diya, ni vazumbi va kona, ni matiko otshe o gwatamelana nado; ni na va lovisela magwito, ni na va maha txidiwukiso, ni txiruko, ni marumbi a kala kupinduka.

Jeremiya 18:16

Eko va maha ti to ditiko dawe diva txixamaliso, ni txiruko ngu ha ku si gwitiko. Ti taku ni wuhi a pindako ngu kona e xamala, e zinginisa msungo wakwe.

Zefaniya 2:15

Adiya ngu dona didhoropa do tsakisa, di nga ti ti zumba ngu kwa mbi ti wonela, di nga ti ti womba mbiluni ka dona: Ani ngani, kambe kha ku na dimwani hahanze kwangu; eto di nga mahisa tona marumbi, ni ku va nyumba ya sihari! Ni wuhi wu a no pinda ngu ka dona a na veta mloti, se e zinginisa dianza dakwe.

Jeremiya 29:18

Ni na va tutumisa ngu ditxhari, ni nzala, ni mtungu; ni na va maha ve thisa hagari ka yotshe mifumo ya mafu, veva txiruko, ni txidiwukiso, ni txisekiso, ni txixowokiso ka otshe matiko ni no va hangalasa ka ona;

Jeremiya 25:18

I Jerusalema ni madhoropa a ka Judha, ni vafumeli va kona ni tinduna tawe, ti taku si txi maha marumbi, ni txidiwukiso, ni txiruko, nga ti ma ku ngu tona nyamsi.

Jeremiya 25:12

Aniko ngako ku di pindile mtxhanu wa magumi ni magumi mambidi a malembe, ni na tsayisa mfumeli wa Bhabhilona ni ditiko da kona, ngu mhaka ya kuwekela kwawe, kuwomba Mkoma; ni ditiko da Vakaldheya ni na di maha diva txiwula, kala kupinduka.

Jeremiya 19:8

Ni na maha didhoropa diya diva txidiwukiso ni txiruko; ni wihi a no pinda ngu kona, a na diwuka aha koza e veta mloti ngu kuxamala, ngu mhaka ya otshe makhombo eyo.

Isaya 14:23

Ni na di maha wukhalo wa sikhovha, ni txiziva txa mati a kusina, na di hiyela ngu diphiyelo di di lovisako, kuwomba Mkoma wa Mabutho a Tiyimbi.

2 Makronika 29:8

Se kuhenya ka Mkoma kutota ka va ka Judha ni Jerusalema, e va ningela ka pfilu-pfilu, ka kuhoxotwa, ni txisekiso, nga ti anu mi ti wonako ngu maso anu.

Mika 6:16

Nguko mi txi xayisa sileleto sa Omiri, ni yotshe mithumo ya nyumba ya Akabhi, ni nanu mi tsimbila ka milayo yawe; kasiku ani ni kumaha dirumbi, ni vahanyi vako ve va mloti; ngu kumaha keto mi na wuyisa txiruko txa vathu vangu txitimwi kwanu.

Jeremiya 51:29

Ngu toneto, ma na zinginika mafu, ma na pfa kupanda, nguko kuwomba kumweko ka Mkoma kutsanisa kuwukela Bhabhilona, kasi kumaha ti to ditiko da Bhabhilona di txi fuviswa, di si mani vazumbi.

Jeremiya 9:11

Ni na maha ngu Jerusalema mimumbu ya marigwi, dizumbo da maxolwa; madhoropa a ka Judha ni na ma maha marumbi, ku si vi ni m'thu.

Jeremiya 49:17

Ngu toneto, Edhomi a na va txixamaliso; ni wihi a no pinda ngu kona a na xamala, a na veta mloti ngu mhaka ya sikarato sa kona.

Jeremiya 49:33

Se Hazori a na va dizumbo da madragoni, ngu kufuviswa ka yotshe mbimo; kha nga ho a no zumba hale, kambe kha ku na mbi maneka mwanana wa m'thu.

Nahume 3:6

Se ni na rinza txitimwi kwako simaha so nyenyeza, kambe ni na kupoyila, ni txi kumaha txikombiso txa walo.