Jeremiya 51:34 - Bhiblia Yo Sawuleka

³⁴ Nebhukodhonosori, mfumeli wa Bhabhilona, a ni vhandamulete, e ni ganyatela, a ni mahile txiya txa diphanga, a ni mitile nga mwamilambo, a tatile mrumbu wakwe ngu silo sangu sa sinene; a ni tshotshile hahanze.

Jeremiya 51:34 Referans Kwoze

Jeremiya 50:17

Nvuta yo mwalala ngene Israyeli; tingonyamo ti mtutumisile. Mfumeli wa Asiriya ngene a nga khata ku m'vhandamulela; se ngu magwito Nebhukodhonosori, mfumeli wa Bhabhilona, a to mfunya marambu.

Jeremiya 51:44

Ni na tsayisa Bheli kona Bhabhilona, ni na mkosisa asile a nga si mita, kha na mbi ngadi e dhundwa kambe ngu matiko. Ni diguma da Bhabhilona di wite.

Matewu 23:13

“Mi na ni dikhombo, anu vabhali ni nanu Vafarisi, vaxengeteli! Nguko ma tsivela vathu kuwulela Mfumoni ka nzumani, kha mi wuleli anu, kambe kha mi tuleli vale va lavako kuwulela.

Jobe 20:15

A mitile tithomba, aniko a na ti kosa; Txizimu txi na si humisa ngu mndani kwakwe.

Nahume 2:2

Nguko Mkoma a na wuyisa kambe kudhundeka ka Jakobe, kumweko ni kudhundeka ka Israyeli; nguko vaonheteli va onhetete, kambe va xurulete madhavi awe.

Amosi 8:4

Engisani tiya, anu mi navelako kuxanisa vo pwata, mi hoxota sisiwana sa ha mafuni,

Ezekhiyele 36:3

Ngu kumaha keto, profeta u txi khawe: Ngako va nga mi xasela ni ku mi randela, kasi ku mi txi mahwa thomba ya matiko ale ma nga sala, ni ku mi ku sisofuni ka vo biha, va makuhu,

Sidilo 2:16

Votshe valala vako va asamile sisofu, ni ku kuveteta miloti, ve gegeresela makwasa Va txi kha vona: “He mkhawuliseni! Ditshiku diya i kale hi ti di verete, di hokile, ha di wona!”

Sidilo 1:1

Hi nga wonani txiwunda txa didhoropa dileya, adiya kale di nga ti ti ni vathu votala! Se konkuwa di hundukile nga noni adi i nga ti da hombe hagari ka matiko; ni mfumeli wa txisikati ka sidhoropana, di hundukile di txi maha m'dihi wa resa.

Jeremiya 51:49

Nga kule Bhabhilona a nga wisa vafi va Israyeli, nga toneto Bhabhilona ku na wiswa votshe vafi va ditiko.

Jeremiya 50:7

Votshe va va nga txi ti mana va dayete; se valala vawe va txi kha vona: Ni mnandu wumwewo kha hi na mbi wu mana; nguko va onhete Mkoma, amu kuzumbako kona wululamo; ina, Mkoma, i kuthemba ya tate wawe.

Isaya 34:11

Aniko disekwa, ni nungu, si na zumba kona, se disukulu ni digwana si na aka kona, kambe ene a na gwimba ngoti ya tipfilupfilu, ni txidinganiso txa mipimiso yo biha.

Mavingu 1:12

a hi va miteni va txi hanya, ku nga ho va mayiva, votshe nga vale va relelako diphalani;

Masalmo 74:13

Awe, Txizimu, u abanisile linene ngu mtamo wako; u ganyatete misungo ya vamwamilambo va linene.

Hoseya 8:8

Israyeli a khadamutwe; konkuwa, hagari ka matiko a wonekisa ku nga txi maha txi txi si tsakisiko ni wammweyo.

Isaya 42:22

Kambe avava mbathu vo pelwa ni kuhandwa; votshe va rinzilwe maphalani, ni kusiswa tinyumbani ka mikora; va ñotwe, kuwalo wo va txhatxhisa; va handwa, kha ku nga ni wo khene: Tshumeta!