Jeremiya 51:33 - Bhiblia Yo Sawuleka

³³ Nguko a khene kha Mkoma wa Mabutho a Tiyimbi, Txizimu txa Israyeli: Mwanana wa dihorana wa Bhabhilona a fana ni wukhalo wo hula ka wona ngu mbimo yo funyela: Ngu mbimo yayidotho ku na hoka kuelula.

Jeremiya 51:33 Referans Kwoze

Isaya 21:10

O! Awe u nga Hulwa, awe fulaho ya wuhulelo wangu! Ati ni nga tipfa ngu ka Mkoma wa Mabutho a Tiyimbi, Txizimu txa ka Israyeli, ngutu ni nga mi zivisa.

Joyeli 3:13

Rinzani disikela nguko timbewu ti vitilwe; ngonani, relelani, nguko dipipa di tate ni mapipa ma thekelela; nguko wubihi wawe mbwa hombe.

Hoseya 6:11

Na nawe Judha kufunyelwa kwako ku emisetwe, mbimo yile ani ni no humisa vathu vangu ngu wukhumbini.

Mika 4:13

Khukha u hula, awe dihorana da Siyoni, nguko ani ni na ku mahela tshoka yako ngu simbi, ni syala sako ngu kopora, u na balisela matiko amangi, se kuxula kwako ku na pfaliswa ka Mkoma, ni thomba yako, ka Nyamne wa mafu otshe.

Matewu 13:39

Mlala wu a nga phaya nyasavari ngu Sathani; kuelula ngu kugumani ka ditiko; ani vaeluli ngu tingelozi.

Matewu 13:30

Si lekeni si txi kula ngu wumbidi wa sona kala kuelulani. Se ngu txikhati txa kuelula, nata gela vaeluli ni txi khani: ‘Dulelani nyasavari, kuthanga, mi msungelela ngu tinyanda, kasi e hiswa; aniko fulaho yi theleteleni txisangalani kwangu.’ ”

Habhakuki 3:12

Ngu kupandiseka u tsimbilatsimbite ha mafuni, ngu txiviti u kandetete matiko.

Amosi 1:3

Mkoma a womba tiya: Ngu kuhambunyeta kuraru ka Dhamasku ni ka wumune, kha ni na mbi thavisa txitsayiso, nguko va xanisile Gileyadhi ngu mikondo ya tisimbi to thola.

Isaya 18:5

Nguko kusanzi kufunyelwa, mbimo yile makhukhu ma nga thunga, se mauvha amambisu ma txi vitwa, sekoko, Txizimu txi na wilela mindonga, kambe txi na thavisa madhavi, txi txi ma tshatulela.

Isaya 47:1

Txhika u khalahatsha ha lithuluni, awe wotuma, mwanana wa muhorana wa Bhabhilona; khalahatsha hahatshi; kha ku ngadi ni txitulu txa wukoma, awe mwanana wa muhorana wa Vakaldheya, nguko khu na mbiswa u dhanwa ku umnene, niku u tshurile.

Jeremiya 51:32

Mabeloni ka minambo ku tekilwe, ni titshava ti hisilwe ngu mndilo; vavamna va yimbi va randetwe ngu kuthava.

Mika 4:12

Aniko kha va ma zivi mapimiselo a Mkoma, kambe kha va pfisisi kukawuka kwakwe, nguko a va sengeletile ku nga mafaka a mu txizendani.