Jeremiya 51:30 - Bhiblia Yo Sawuleka

³⁰ Avale va ku ni mitamo amu Bhabhilona va lekile kulwa, va mule ko wonelela, yi gumile mitamo yawe, va txi nga mbavasikati: Ti hisilwe tinyumba mitini kwawe, kufunyilwe sikhweketo.

Jeremiya 51:30 Referans Kwoze

Nahume 3:13

Wona taku vathu vako, a va va ku hagari kwako, va na nga vavasikati; sike sa ditiko dako, si tulekile ka valala vako; mndilo wu na tshokomisa sikhoto sa tisimbi.

Sidilo 2:9

Matimba akwe ma fayetetwe; Mkoma a khundumusete ni kufunyeletela matimba a tisimbi; mfumeli wakwe ni vathangeli va kona va ka matiko o mbi na milayo, kuve vaprofeti kha va mani txiwoniso ni txatximwetxo ngu ka Mkoma.

Isaya 19:16

Ka yona yile mbimo, Vaegipta va na nga vavasikati, va na dhudhumela, va na thava ngu mhaka ya kuthuma ka dianza da Mkoma wa Mabutho a Tiyimbi, nguko di na guleka di va wukela.

Masalmo 76:5

Tindena ta hombe ti honyoletwe sa tona hambiko i nga ti vanyamitamo, kha va sikota kumaha txilo se va otete wukohe wawe wa magwito!

Amosi 1:5

Ni na faya matimba a tisimbi a Dhamasku, kambe ni na heta va va zumbako Bhikeyati-Avheni, ni va Bheti-Edheni; se vathu va Siriya va na tekwa ve yiswa wukhumbini, kona Kiri, kuwomba Mkoma.

Jeremiya 48:41

Ma tekwa madhoropa, ni kurandelwa mikhokhola: Yi na va mbilu ya tindena ta Mowabhi, ka dona ditshikwedo, ku nga mbilu ya wamsikati wu a diliswako ngu kupanda.

Mtuletelo 18:10

Va di emile ngu kule, ngu kuthava sixaniso sakwe, va na womba va txi kha vona: “Ayiwee, ayiwee, didhoropawe da hombe, Bhabhilona, didhoropa da mtamo, nguko kunukunuko u hoketwe ngu txitsayiso txako.”

Jeremiya 51:57

Ni na levisa tinduna takwe ni titxhari takwe, ni vathangeli va tiyimbi, ni vafumeli vakwe, ni tindena takwe; va na mana wukohe wo mbi guma, kha va na mbi wuka, kuwomba Mkoma, awu ditina dakwe i ku Mkoma wa Mabutho a Tiyimbi.

Jeremiya 51:32

Mabeloni ka minambo ku tekilwe, ni titshava ti hisilwe ngu mndilo; vavamna va yimbi va randetwe ngu kuthava.

Masalmo 147:13

Ene wa tsanisa sikhoto sa matimba ako e katekisa vanana vako va ku mndani kwako.

Masalmo 107:16

Ene a bhandisete matimba a tisimbi e komolela minaneko ya sikete.

Isaya 47:14

Wona taku va na fana ni mthungu, mndilo wu na hisa; kha va na mbi sikota kuhulukisa wutomi wawe ka mtamo wa m'dhikila; kha na mbi va dikala da mndilo kasi ku ti futumeta, mwendo mndilo woza e khalahatsha hafuhi ka wona.

Jeremiya 50:15

Mu wukeleni ngu diguwa, mi txi mu horolokela; ene se a ti ningete; sitsaniso sakwe si wite, maguma akwe ma khundumusetwe; nguko yimbi yiya nja Mkoma; mlwiseni, nga ti a nga maha, mahisani toneto kwakwe.