Jeremiya 51:3 - Bhiblia Yo Sawuleka

³ Nyatingove a domba wulaho wakwe ka wule a dombako wulaho nene, ni ka wule a ti thembiselako txikatawu txa txikete; kambe mi nga divaleleni mazambi akwe; fuvisani yotshe yimbi yakwe.

Jeremiya 51:3 Referans Kwoze

Jeremiya 50:14

Ti longiseleni kurandela Bhabhilona, anu motshenu mi nga xoma malaho; khhwinzani mi nga tsetseni tingove, nguko a onhete Mkoma.

Jeremiya 46:4

Longisani mahantxhi, gadhani, anu vagadhi va ona emani mi di tsani, lotani matxhari anu, mi ambala sikatawu sa sikete.”

Jeremiya 50:21

Kwela u wukela ditiko da Meratayime, khukha u txi di wukela, u lwisa vazumbi va Pekodhe: Xasela ni kukhundumusela sotshe ngu msana kwawe, kuwomba Mkoma, mahisa tona ti ni nga ku rumisa tona.

Jakobe 2:13

Nguko kulamulwa kha ku na mbi va ni wumbilu, ka wule a ku si nga ni wumbilu; aniko wumbilu wa humelela kulamulani.

Jeremiya 50:27

Dayani otshe marole a madhuna ngu ditxhari, ma tsuliseni wudayeloni: Dikhombo dawe! Nguko di hokile ditshiku dakwe, mbimo ya kutsayisa kwakwe.

Jeremiya 9:21

Nguko kufa kukwete ngu mafasitela athu, kuwulete tinyumbani kwathu ka wukoma; kudaya vanana tiruwani ni mazambi sidingeni.

Masalmo 137:9

A katekile awule a no ñola vanana vako, e va phwarasela ha marigwini!

Dhewuteronome 32:25

Hahanze va na dawa ngu ditxhari, nyumbani va na dawa ngu dizowa; votshe va na fuva: Mazambi ni mahorana, vanana vo mama, hambi ni vo kumba va tinvi.

Jeremiya 51:53

Hambi i di kova ku Bhabhilona a nga kwela nzumani, mwendo kutsanisa kuguleka ka diguma dakwe, ni ndi na m'rumela vaxaseli, kuwomba Mkoma.