Jeremiya 51:27 - Bhiblia Yo Sawuleka

²⁷ Gwimbani m'jeke amu ditikoni, vetani mpundu hagari ka matiko, sawulekisani matiko o wukela ene, kujetelani ti to yi txi mlwisa mifumo ya Ararati, Mini ni Asikenazi; rumani mthangeli wa yimbi a txi ya mu wukela, kwelisani mahantxhi nga tindata.

Jeremiya 51:27 Referans Kwoze

Genesisi 10:3

Vanana va Gomeri ngu vava: Asikenazi, ni Rifati, ni Togarime.

1 Makronika 1:6

Se vanana va Gomeri ngu vava: Asikenazi, ni Rifati, ni Togarima.

Genesisi 8:4

Se ka mtxima wa wutxhanu ni yimbidi, ngu ditshiku da wugumi ni mtxhanu ni mambidi ka mtxima, ngalava yi to ya txhekama txitimwi ka mmango wa Ararati.

Jeremiya 51:12

Gwimbani m'jeke txitimwi ka diguma da Bhabhilona, tsanisani wuwoneleli, vekani vaemeli, ti longiseleni wotshe wurena; nguko Mkoma a xuvile kambe a mahile tile a nga nga ti womba xungetano ngu vaaki va Bhabhilona.

Jeremiya 50:2

Zivisani hagari ka matiko; pfalisani, mi txi gwimba m'jeke, pfalisani mi nga feketeleni; wombani mi txi khanu: Ku tekilwe Bhabhilona, a phazamisilwe Bheli, a gumutwe Merodhaki, si wisilwe tingana sifananiso sawe, sizimu sawe si wisilwe.

Jeremiya 25:14

Nguko ni vona va na khoziswa ngu matiko amangi, ni vafumeli va hombe; ni na va tshumetela kudingana ni simaho sawe, ni mithumo ya manza awe.

Jeremiya 51:14

Mkoma wa Mabutho a Tiyimbi a xambanyile ngu ngene apune, a txi khene: Nguditshuri ni na ku tatela vavamna, ku nga tindata, vona va na embelela ngu kutsaka xungetano ni nawe.

Isaya 18:3

Anu motshenu vaaki va matiko, ni nanu vahanyi va ha mafuni, mbimo yi m'jeke wu no gwimbwa mimangoni, mi na wu wona; se ngako ku txi vetwa mpundu, mi na wu engisa.

Zakariya 14:2

Nguko ani ni na tshanganisa otshe matiko, me wukela Jerusalema, se didhoropa di na tekwa, tinyumba ti na handwa, vavasikati va na gimwa; hafu ya vathu va didhoropa yi na huma yi yiswa wukhumbini, aniko miboti ya vathu kha yi na mbi tutumiswa didhoropani.

Amosi 3:6

Ina ku nga pekwa mpundu didhoropani vathu va si dhudhumeli ngu kuthava kani? Ina ku nga humelela wubihi didhoropani, na wu sa mahwa ngu Mkoma kani?

Jeremiya 46:23

Va sakatile txitinga, kuwomba Mkoma, atxi txi nga ti si wulelwi ngu m'thu; va engetekelani ku nga humbi, kha va balwi.

Jeremiya 6:1

Anu vanana va Bhenjamini, tutumani mi huma hagari ka Jerusalema, vetani mpundu Tekowa, emisani txikombiso txa mndilo Bheti-Hakeremi; nguko dikhombo dita ngu Wuphemba, ni kulovisa ka hombe.

2 Vafumeli 19:37

Mbimo yile a nga ti namile nyumbani ka txizimu txakwe Nisiroke, vanana va kona i ku Adrameleki ni Saresari, va to m'daya ngu ditxhari; hambi keto, va to thavela ditikoni ka Ararati; se mwanana wa kona Esari-Hadhomi, a to fuma ka wukhalo wakwe.

Valamuli 6:5

Nguko va ti ti kwelela ni mitxhambi yawe ni matenda awe; i ti ti vavangi ngutu nga direfu da humbi, votala aha ka kuva ti si koteki ku va bala, vona, hambi makamelu awe; se va to wulela, kasi kuonhetela ditiko.

Isaya 37:38

Se ku to maheka taku, na a di namile nyumbani ka Nisiroke, txizimu txakwe, vanana vakwe i ku Adrameleki ni Saresari, va to m'daya ngu ditxhari; se va to tutuma veya ditikoni ka Ararati. Esari-Hadhomi, mmweyo wa vanana vakwe, a to fuma ka wukhalo wa tate wakwe.

Jeremiya 50:3

Nguko a wuketwe ngu ditiko dimwedo da Wuphemba, di no maha ti taku ditiko dakwe di maha txiwula, kha ku na mbi maneka wo zumba ka dona: Vathu va tutumile kumweko ni sifuyo sawe, va tsute.

Jeremiya 50:9

Wonani ti taku ni na wusa msengeletano hagari ka matiko a hombe a Wuphemba, kasi va na peka Bhabhilona, va na ti longisela dona; kukhukhela konaho, tingove tawe ti na fana ni ta ndena ya mtamo, kha ti na mbi hosa.

Jeremiya 51:28

Sawulekisani matiko kupinda ene, vafumeli va Medhiya, vathangeli va tiyimbi ni votshe vafumeli vawe, ni dotshe ditiko di va di fumako.

Joyeli 3:9

Huwelelani eto ka matiko sawulekisani yimbi yokari; humisani tindena; kwelani mi tshuketelana, anu motshenu vavamna va yimbi.