Jeremiya 51:23 - Bhiblia Yo Sawuleka

²³ kambe kumweko ni nawe ni na phatulela m'dyisi ni mtxhambi wakwe; kambe kumweko ni nawe ni phatulela m'dimi ni tihomu takwe tatimbidi; kambe kumweko ni nawe ni na phatulela vathangeli va tiyimbi, ni vafumeli va kona.

Jeremiya 51:23 Referans Kwoze

Jeremiya 51:57

Ni na levisa tinduna takwe ni titxhari takwe, ni vathangeli va tiyimbi, ni vafumeli vakwe, ni tindena takwe; va na mana wukohe wo mbi guma, kha va na mbi wuka, kuwomba Mkoma, awu ditina dakwe i ku Mkoma wa Mabutho a Tiyimbi.

Jeremiya 51:22

kambe kumweko ni nawe ni na phatulela wamwamna ni wamsikati; kambe kumweko ni nawe ni na phatulela wo kumba ni wamphya; kambe kumweko ni nawe ni na phatulela dijaha ni dihorana;

Jeremiya 51:24

Ni na tshumetela Bhabhilona ni votshe vazumbi va Kaldheya, wotshe wubihi wawe wule va nga wu maha ka Siyoni, khoheni kwanu, kuwomba Mkoma.