Jeremiya 51:19 - Bhiblia Yo Sawuleka

¹⁹ Mkoma wa Jakobe kha fani ni vawe; nguko ene M'vangi wa sotshe; kambe Israyeli lihunzu la thomba yakwe.

Jeremiya 51:19 Referans Kwoze

Jeremiya 10:16

Awu i ku txiningo txa ka Jakobe kha fanani naso; nguko ngene mmahi wa silo sotshe; Israyeli lixaka la thomba yakwe, ditina dakwe Mkoma wa Mabutho a Tiyimbi.

Masalmo 73:26

Hambi ngako mmidi wangu wu txi karala, Txizimu ngu txona txi ningako mtamo mbilu yangu; ngu txona i kuthomba yangu yo mbi guma.

1 Pedro 2:9

Ngu toneto, anu mi liveleko lo sawuleka, vaphaxeli va wukoma, mfumo wo sawuleka, vathu va va lumbako Txizimu, kasiku mi na tsimbila mi txi rurutela mithumo ya kuxamalisa ya Txizimu, atxi txi nga mi humisa txidemani, txi mi wuyisa liwoningoni ka txona ko xamalisa;

Masalmo 33:12

Di katekile ditiko dile Txizimu i ku Mkoma wa dona; ni vathu vale txi nga va sawula kuva thomba ya txona.

Isaya 47:4

Ditina da Mtiruli wathu, Mkoma wa Mabutho a Tiyimbi, Msawuleki wa ka Israyeli.

Sidilo 3:24

Ni womba toneto, ni khani: Mkoma Txizimu i thomba yangu ngu toneto ni veka themba yangu kwakwe.

Jeremiya 50:11

Hambi mi nga tsaka, mi txi ndakandaka ngu kupfa kutshamba anu vapi va thomba yangu, mi txi simbelana ku nga mo va marole a kuena, mi txi emba ku nga mahantxhi a mtamo.

Masalmo 135:4

Mkoma a ti sawulete Jakobe ni va ka Israyeli kasiku ve maha thomba yakwe.

Masalmo 115:3

Aniko Txizimu txathu txi nzumani; txa maha totshe ti txi ti lavako.

Masalmo 74:2

Alakanya vathu vako, ava u nga va sawula kukhukhela ka kale, vathu va tihunzu ti u nga ti tirula kasiku ti txi kulumba, alakanya mmango wa Siyoni, aha u zumbako kona.

Masalmo 16:5

Mkoma, awe u txyavelo txangu, digombe di di ni lumbako; wutomi wangu wu manzani kwako.

Dhewuteronome 32:9

Nguko txyavelo txa Mkoma ngu vathu vakwe; Jakobe njiavelo txa thomba yakwe.

Jeremiya 10:12

Mkoma a mahile mafu ngu mtamo wakwe, e tsanisa ditiko ngu wutxhari wakwe, ngu wuzivi wakwe a nawulutile nzuma.

Jeremiya 33:2

Kuwomba Mkoma awu a thumako mthumo wakwe, awu a longiselako ni kumaha; i Mkoma ditina dakwe:

Jeremiya 50:34

Aniko Mtiruli wawe mbwa mtamo, Mkoma wa Mabutho a Tiyimbi i ditina dakwe; ngu ditshuri a na emela mhaka yawe, ku va a txi na ninga kuhumula ha mafuni, ni kumalata vazumbi va Bhabhilona.

Isaya 51:13

Kambe wa divala Mkoma wu a nga kuvanga, awu a nga nawuluta nzuma ni kumaha makhato a mafu, u zumbela kuthava masiku otshe, ngu mhaka ya tshofu ya mxanisi, a txi ti longisela kuya haxula kani? Ku hani kuhenya ka wule a nga ti kuxanisa kani?

Jeremiya 51:5

Nguko Isreyeli ni Judha kha va lekwa ngu Txizimu txawe, ngu Mkoma wa Mabutho a Tiyimbi, hambi i ti ku ngako ditiko dawe di di tate ngu sionho masoni ka wo Sawuleka wa Israyeli.