Jeremiya 51:11 - Bhiblia Yo Sawuleka

¹¹ Guvani tingove tanu, longiselani ngu ditshuri sitxhangu sanu; Mkoma a wusile moya wa vamidhiyani; nguko a lwela kuhasamula Bhabhilona; ina, nguko akuwa ngu kona kupharela ka Mkoma, ngu pharela ka mbimo ya kona.

Jeremiya 51:11 Referans Kwoze

Jeremiya 46:4

Longisani mahantxhi, gadhani, anu vagadhi va ona emani mi di tsani, lotani matxhari anu, mi ambala sikatawu sa sikete.”

Jeremiya 50:45

Sekoko, pfanani txileleto txa Mkoma txo sola Bhabhilona, ni kuwomba kwakwe madingano ni Vakaldheya: Ngu ditshuri ava vavadotho ngutu va mtxhambi, va na va ndinda-ndinda; ngu ditshuri di na fuviswa dizumbo dawe.

Jeremiya 50:9

Wonani ti taku ni na wusa msengeletano hagari ka matiko a hombe a Wuphemba, kasi va na peka Bhabhilona, va na ti longisela dona; kukhukhela konaho, tingove tawe ti na fana ni ta ndena ya mtamo, kha ti na mbi hosa.

Jeremiya 46:9

Tsulani masoni ni mahantxhi, rindilikelani ngu diguwa anu sikotxikani, va na humelela avale va mtamo, Vaetiyopiya ni Vapute, va va tekako sitxhavangu, ni va Lidhiyo va va zivako kudomba wulaho.”

Zakariya 14:12

Se awuwa wu na va mtungu wule Mkoma, a no peka votshe vathu vale va nga lwisa Jerusalema: Nyama yawe yi na hetwa va di emile, se maso awe ma na sina ngu mule ka misendo ya ona, ni lidimi lawe li na sina mkanani kwawe.

Zakariya 14:2

Nguko ani ni na tshanganisa otshe matiko, me wukela Jerusalema, se didhoropa di na tekwa, tinyumba ti na handwa, vavasikati va na gimwa; hafu ya vathu va didhoropa yi na huma yi yiswa wukhumbini, aniko miboti ya vathu kha yi na mbi tutumiswa didhoropani.

Jeremiya 51:35

Mihumbo yo nga yi yi nga mahwa kwangu ni ka vathu vangu, yi nata txitimwi ka Bhabhilona, a na womba wule a zumbako Siyoni, kambe mnoha wangu wu na thekele txitimwi ka vazumbi va Kaldheya, womba awe Jerusalema.

Jeremiya 51:24

Ni na tshumetela Bhabhilona ni votshe vazumbi va Kaldheya, wotshe wubihi wawe wule va nga wu maha ka Siyoni, khoheni kwanu, kuwomba Mkoma.

Jeremiya 51:12

Gwimbani m'jeke txitimwi ka diguma da Bhabhilona, tsanisani wuwoneleli, vekani vaemeli, ti longiseleni wotshe wurena; nguko Mkoma a xuvile kambe a mahile tile a nga nga ti womba xungetano ngu vaaki va Bhabhilona.

Jeremiya 50:25

Mkoma a tute sizenda sakwe, a thavisile siya so kombisa kuhenya kwakwe; nguko Mkoma, Mkoma wa Mabutho a Tiyimbi a ni mthumo a lavako ku wu maha ditikoni ka Vakaldheya.

Isaya 46:11

Ni dhanako makoti kukhukhela Wutxani, ni m'thu wule a no maha kuranda kwangu, a nata ngu ditikoni ka kule; nguko ni wombile, kambe ti na mahisa toneto; ani ni tsanisile, ni na ti maha.

Isaya 45:5

Ani ngani Mkoma, se kha ku na mmwani; hahanze kwangu, kha ku na txizimu; ani ni na kutsanisa, hambiko u si ni ziviko.

Isaya 45:1

Mkoma a wombi tiya ka mtotiwa wakwe Siro, awule ni mñolako ngu dianza dakwe da txinene, kasi ku ni xula matiko masoni kwakwe; ni na thukunyula siwunu sa vafumeli, kasi kutula matimba masoni kwawe, kambe matimba kha ma na mbi sekwa.

Isaya 41:25

Na wusa mmweyo ngu Wuphemba, se ene a nata; kukhukhela kuhumani ka ditambo; a na khumbuka ditina dangu; kambe a nata txitimwi ka vathaviseki, ku nga txitimwi ka ndope; ni kufana ni muwumbi a kandetelako dibumba, ngu toneto, a na va kandetelisa toneto nene.

Isaya 21:5

Va longisa meza, va wonelela, vadya, ni kusela; khukhani mi ema anu vathangeli, mi tota sitxhavangu.

Isaya 21:2

Ni wonisilwe txiwoniso txo thisa: Mkanganyisi wa kanganyisa, ni mxaseli wa xasela. Kwelela awe Elamu, randela awe Medhi; ni malatile miketo yawe yotshe.

Isaya 10:26

Nguko Mkoma wa Mabutho a Tiyimbi, a na guleta ndonga yakwe txitimwi kwawe, kufana ni kudawelwa ka Midhiyani, hafuhi ni dirigwi da Orebhi, kufana ni kule a nga guleta ndonga yakwe txitimwi ka linene, a na yi guleta kambe kufana ni tile ti nga maha ka Vaegipta.

Ezra 1:1

Ka dilembe do khata da Siro, mfumeli wa Persiya (kuva di txi na tatiseka dipswi da Mkoma ngu txisofu txa Jeremiya), Mkoma a to wusa moya wa Siro, mfumeli wa Persiya, a nga kwangula ka dotshe ditiko dakwe, kumweko ni kubhala, a txi khene:

2 Makronika 36:22

Sekoko, ka dilembe do khata da kufuma ka Siro, mfumeli wa Persiya (kuva di txi na tatiseka dipswi da Mkoma ngu txisofu txa Jeremiya), Mkoma a to wusa moya wa Siro, mfumeli wa Persiya, awu a nga kwangula ka dotshe ditiko dakwe, kumweko ni kubhala, a txi khene:

1 Makronika 5:26

Ngu kumaha keto, Txizimu txa Israyeli, txi to dhana moya wa Puli, mfumeli wa Asiriya, ni moya wa Tigilati-Pileseri, mfumeli wa Asiriya, ti to ve yisa wukhumbini va ka Rubheni, ni va ka Gadhi, ni hafu ya lihunzu la ka Manasi; se va to va yisa ka Hala, ni ka Habhori, ni ka Hara, ni ka mnambo wa Gazani, kala ka ditshiku da nyamsi.

1 Vafumeli 11:23

Se Txizimu txi to wusa mmwani mlala i ku Razomi, mwana Eliyadha, a nga ti tutumile ka nyamne wakwe Hadhadhezeri, mfumeli wa Zobha,

1 Vafumeli 11:14

Mkoma a to maha ti to Hadhadhe Muedhomi eva mlala wa Solomoni; ene i ti wa liveleko la mfumeli wa Edhomi.

Levhi 26:25

Nguko ni na rumela matxhari txitimwi kwanu, kasi ku ta photela txitumelelano txangu; ka mbimo yile mi no maneka mi di sengeletanile didhoropani kwanu, ni na rumela mtungu hagari kwanu, ni kumaha ti to mi txi ningelwa manzani ka valala vanu.

Jeremiya 25:25

Zimiri, ni votshe vafumeli va Elame, ni votshe vafumeli va Medhiya;

Jeremiya 46:3

“Tekani sitxhavangu sa hombe ni sa sidotho, mi tsula kulwani!

Jeremiya 50:3

Nguko a wuketwe ngu ditiko dimwedo da Wuphemba, di no maha ti taku ditiko dakwe di maha txiwula, kha ku na mbi maneka wo zumba ka dona: Vathu va tutumile kumweko ni sifuyo sawe, va tsute.

Jeremiya 51:36

Se a nje khene kha Mkoma: Wona ti to ni na emela mhaka yako, ni na pharela ngu kupharela ko dinganawe; ni na omisa linene lako, ni na maha ti to me guma mati a kona.

Dhaniyeli 5:30

Ka wona wusiku wule, Bhelxazari, mfumeli wa Vakaldheya a to dawa.

Joyeli 3:9

Huwelelani eto ka matiko sawulekisani yimbi yokari; humisani tindena; kwelani mi tshuketelana, anu motshenu vavamna va yimbi.

Joyeli 3:10

Mahani matxhari ngu mikwati yanu; ni mipaxwa ngu masikela anu; wa kwa mbi na mtamo a ne khene: Ni ni mtamo.