Jeremiya 51:1 - Bhiblia Yo Sawuleka

¹ Mkoma a womba tiya: Wonani ti to ni na wusa moya wu wu no khundumusela Bhabhilona, ni vaaki va kona, avale va ni lwisako.

Jeremiya 51:1 Referans Kwoze

Amosi 3:6

Ina ku nga pekwa mpundu didhoropani vathu va si dhudhumeli ngu kuthava kani? Ina ku nga humelela wubihi didhoropani, na wu sa mahwa ngu Mkoma kani?

Hoseya 13:15

Hambi ngako ene a txo ninga mihando ka vanawe, ku nata moya wa wutxani, Moya wa Mkoma, wu txi kwela ngu txiwulani, se ku na oma ni txibhuka txakwe, kambe ku na oma ni txisima txakwe, ene a handa thomba ka sotshe siya sawe sa lisima.

Mithumo 9:4

Se a to wa hahatshi, e pfa dipswi di txi: “Sawule, Sawule, u ni xanisela txani?”

Zakariya 2:8

Nguko Mkoma wa Mabutho a Tiyimbi a khene: Msana ka wudhumo, ene a ni rumete ka matiko ale ma nga mi handa; nguko wule a mi gwesako, a gwesa pfhaka ya diso dakwe.

Ezekhiyele 19:12

Aniko wu to dulwa ngu txiviti, wu txi wiswa hahatshi, moya wa wutxani wu to omisa mihando ya kona; tindonga ta kona to banga ti to funyeka ti oma, ti txi tshokomiswa ngu mndilo.

Jeremiya 50:33

Mkoma wa Mabutho a Tiyimbi a khene: Vanana va Israyeli ni vanana va Judha va khozisilwe kumweko; kambe votshe vale va nga va yisa wukhumbini, va va ñolisisile, kha va lava ku va txhatxha.

Jeremiya 50:29

Bhabhilona mu rambeleni vamatiko votshe va va dombako malaho; vekani mazumbo anu madhawani kwakwe, ku nga huluke ni wammweyo; a na tshumetelwe madingano ni mthumo wakwe, nga tona tile a nga maha, mmaheleni toneto, nguko a wukete Mkoma ngu ku ti gwilikisa, a wukete wo Sawuleka wa Israyeli.

Jeremiya 50:24

Ni kuriyete mikuni, se u txikilwe, kambe awe Bhabhilona khwa tiziva: U manwi, kambe u ñotwe, nguko u wukete Mkoma.

Jeremiya 50:21

Kwela u wukela ditiko da Meratayime, khukha u txi di wukela, u lwisa vazumbi va Pekodhe: Xasela ni kukhundumusela sotshe ngu msana kwawe, kuwomba Mkoma, mahisa tona ti ni nga ku rumisa tona.

Jeremiya 50:9

Wonani ti taku ni na wusa msengeletano hagari ka matiko a hombe a Wuphemba, kasi va na peka Bhabhilona, va na ti longisela dona; kukhukhela konaho, tingove tawe ti na fana ni ta ndena ya mtamo, kha ti na mbi hosa.

Jeremiya 49:36

Ni na tisa txitimwi ka Elame, mune wa mimoya ya mune wa makhona a nzuma, se ni na yi hangalasa yi londisa mimoya yiya yotshe; kambe kha di na mbi vaho ditiko di va no mbi tutumela ka dona va ka Elame.

2 Vafumeli 19:7

Wona ati to ni na thela moya kwakwe, se ene a na pfa diguwa, a na tshumelela ditikoni kwakwe; ngu ditxhari ni na mmaha ewa ditikoni kwakwe.

Masalmo 137:8

O! Awe mwanana wa muhorana wa Bhabhilona, u no xaselwa! A katekile awu a no kutshumetela nga ti u nga mahisa tona kwathu.

Jeremiya 23:19

Wonani txivhunguvhungwani txa Mkoma, i ku txiviti txakwe, txi vhilukile ngutu, txi fanana ni txingulu; txi na wa txitimwi ka misungo ya va vo biha.

Isaya 13:13

Ngu toneto, ni na dhudhumelisa nzuma, ni mafu ma na khukha ha wukhaloni ka ona, ngu mhaka ya kuhenya ka Mkoma wa Mabutho a Tiyimbi, ngu ditshiku da kuhenya kwakwe.

Isaya 14:14

Ni na kwela txitimwi ka marefu, kambe ni na fana ni Nyatxitimwi.

Isaya 21:1

Mahungu a txiwula txa linene. Kufana ni sihuhuri sa Wulambwe, si wisetela sotshe, a nata ngu txiwulani, ka ditiko do thisa.

Isaya 47:1

Txhika u khalahatsha ha lithuluni, awe wotuma, mwanana wa muhorana wa Bhabhilona; khalahatsha hahatshi; kha ku ngadi ni txitulu txa wukoma, awe mwanana wa muhorana wa Vakaldheya, nguko khu na mbiswa u dhanwa ku umnene, niku u tshurile.

Jeremiya 51:53

Hambi i di kova ku Bhabhilona a nga kwela nzumani, mwendo kutsanisa kuguleka ka diguma dakwe, ni ndi na m'rumela vaxaseli, kuwomba Mkoma.

Jeremiya 51:60

Jeremiya a to bhala amu ka dibhuku, kotshe kubiha kule ku nota txitimwi ka Bhabhilona; otshe mapswi ale ma nga ti bhatwe o wukela Bhabhilona.