Jeremiya 50:46 - Bhiblia Yo Sawuleka

⁴⁶ Ka diguwa da kutekwa ka Bhabhilona, ma dhudhumete mafu; se huwa yi pfate matikoni.

Jeremiya 50:46 Referans Kwoze

Jeremiya 49:21

Mafu ma zinginikile ngu diguwa da kuwa kwakwe; ni huwa yakwe, yi pfate hambi ka Linene lo Bhilivila.

Ezekhiyele 31:16

Ngu diguwa da kuwa ka wona, ni zinginisile matiko, mbimo yile ni nga wu releta mndiloni, ni vale va relelako diphalani; se yotshe mindonga ya Edheni, ni mindonga ya yinene ya Libhanoni, votshe vale va selako mati hahatshi ngutu ka mafu va to thavelelwa.

Ezekhiyele 26:18

Konkuwa, si na zinginika sitondolo ngu ditshiku da kuwa kwako; sitondolo si ku lineneni, si na dhungeka ngu kukhukha kwako.

Ezekhiyele 32:10

Se ni na maha ti to vathu votala va txi kuxamala, ni vafumeli vawe va txi dhudhumela ngutu, mbimo yi ni no tshawunyetisa ditxhari dangu khoheni kwako; va na dhudhumela yotshe mbimo, mmweyo ni mmweyo ngu mhaka ya wutomi wakwe, ka ditshiku da kuwa kwako.

Isaya 5:7

Nguko m'vhinya wa Mkoma wa Mabutho a Tiyimbi ngu nyumba ya ka Israyeli, ni vathu va ka Judha, mndonga wa kona wo tsakisa; a ti ti verete kuve maha wululamo, ku to maneka kukhinyavezwa; wukhaloni ka wululamo, ku to maneka tihuwa.

Isaya 15:5

Mbilu yangu ya dila ngu mhaka ya Mowabhi; vahombe vawe va tutumile veya Zowari, kufana ni dirole da malembe mararu, nguko va dila va txi kwelela Luwiti, nguko, nzilani ka Horhonayi, va wusa kudila ka hombe ngutu.

Jeremiya 10:10

Aniko Mkoma Txizimu txa ditshuri, Txizimu txi txi hanyako, Mfumeli wa kupindukela; mafu ma dhudhumela kuhenyani kwakwe, matiko kha ma na kuema masoni ka txiviti txakwe.

Jeremiya 46:12

Matiko ma pfite kuwombwa ngu tingana tako, ni mafu ma tate ngu huwa yako, nguko ndena yi humbilwe ngu yimwani, ti tshumela ti txi wa totshe.

Jeremiya 51:29

Ngu toneto, ma na zinginika mafu, ma na pfa kupanda, nguko kuwomba kumweko ka Mkoma kutsanisa kuwukela Bhabhilona, kasi kumaha ti to ditiko da Bhabhilona di txi fuviswa, di si mani vazumbi.

Jeremiya 51:54

Ku pfate huwa ya kudila yitako ngu Bhabhilona, ni kukhundumuselwa ka hombe ka ditiko da Vakaldheya.

Ezekhiyele 27:28

Ngu diguwa da kuketa ka varumi vako, va na dhudhumela vatsimbitisi.

Jeremiya 49:19

A na woneka sixaxani Jordhani nga ngonyamo, a txi lwisa wukhalo wa mtamo; nguko, ngu mbimwanyana, ni na mtutumisa hale; niku i mani ni no msawula ni txi m'veka txitimwi kwakwe kani? Nguko i mani a fananako ni nani! I mani a no ni vekela mbimo kani? I mani m'dyisi wu a no ni tsiveta kani?