Jeremiya 50:37 - Bhiblia Yo Sawuleka

³⁷ Di nata ditxhari txitimwi ka mahantxhi awe, ni txitimwi ka sikotxikani sawe, ni txitimwi ka votshe vathu va va nga patanelana, va ku hagari ka dona; se vona va na nga vavasikati: Ditxhari di nata txitimwi ka tithomba tawe, ti na honyolwa.

Jeremiya 50:37 Referans Kwoze

Jeremiya 51:30

Avale va ku ni mitamo amu Bhabhilona va lekile kulwa, va mule ko wonelela, yi gumile mitamo yawe, va txi nga mbavasikati: Ti hisilwe tinyumba mitini kwawe, kufunyilwe sikhweketo.

Nahume 3:13

Wona taku vathu vako, a va va ku hagari kwako, va na nga vavasikati; sike sa ditiko dako, si tulekile ka valala vako; mndilo wu na tshokomisa sikhoto sa tisimbi.

Jeremiya 51:21

kambe kumweko ni nawe ni phatulela dihantxhi ni m'gadhi wa dona; kambe kumweko ni nawe ni na phatulela txikotxikani ni wule a ku ka txona;

Jeremiya 48:41

Ma tekwa madhoropa, ni kurandelwa mikhokhola: Yi na va mbilu ya tindena ta Mowabhi, ka dona ditshikwedo, ku nga mbilu ya wamsikati wu a diliswako ngu kupanda.

Jeremiya 25:20

ni vawuyi va kona; ni vafumeli votshe va ditiko da Uzi, ni votshe vafumeli va ditiko da Vafilista, ni Axikeloni, ni Gaza, ni Ekroni, ni votshe va nga sala Asidhodhi

Isaya 19:16

Ka yona yile mbimo, Vaegipta va na nga vavasikati, va na dhudhumela, va na thava ngu mhaka ya kuthuma ka dianza da Mkoma wa Mabutho a Tiyimbi, nguko di na guleka di va wukela.

Ezekhiyele 30:5

Etiyopiya, ni Pute, ni Ludhe, ni votshe vathu vale va nga patanelana, ni Kubhe, ni votshe vanana va ditiko da txitumelelano, va na wiswa kumweko nayo ngu ditxhari.

Isaya 45:3

Se ni na kuninga tithomba tile ti nga siswa, ni tile ti nga fenengetwa, kasi ku u na tiziva tito, ani ngani Mkoma, Txizimu txa ka Israyeli, ni ku dhanako ngu ditina dako.

Hagayi 2:22

se ni na hoxota txikhalo txa wukoma txa mifumo, kambe ni na khundumusa mitamo ya mifumo ya matiko; ni khundumusa txikotxikani, ni vale va khalahatshako ka txona; se mahantxhi ni vagadhi va ona, va na wa, mmwani ni mmwani ngu ditxhari da mwanawe.

Nahume 2:13

Wona taku ani ni na kuwukela, kuwomba Mkoma wa Mabutho a Tiyimbi: Ni na hisa sikotxikani sako si tuvikisa wutshi, se ditxhari di na xasela singonyamwana sako, kambe ni na honyola so xotwa sako ha mafuni, kha di na mbi ngadi di pfala dipswi da vakombisi vako.

Ezekhiyele 39:20

Ha mezani kwangu mi na khura, mahantxhi, sikotxikani, tindena, ni votshe vavamna va yimbi, kuwomba Mkoma Txizimu.

Jeremiya 50:26

Ngonani mi txi ta lwa nayo, anu va magwito ka ditiko, tulani sisangala sakwe, mtshanzuketeleni e maha tinyanda, mi txi mkhundumusela e guma, a nga salelwe ngu txilo.

Jeremiya 25:24

ni votshe vafumeli va Arabhiya, ni votshe vafumeli va valuveli, vale va zumbako txiwulani;

Masalmo 76:6

Ngako awe Txizimu txa Jakobe, u txi va dhusa, sikotxikani sawe ni mahantxhi awe sa ema.

Masalmo 46:9

Mkoma wa fuvisa tiyimbi kotshe ha mafuni; wa funyeletela wulaho, e wila ditxhari; ni kuhisa sikotxikani ha mndiloni!

Jeremiya 51:4

Ni vathu va na va va di fite ditikoni ka Vakaldheya, na va di hingamete mu ka tiruwa.

Jeremiya 51:22

kambe kumweko ni nawe ni na phatulela wamwamna ni wamsikati; kambe kumweko ni nawe ni na phatulela wo kumba ni wamphya; kambe kumweko ni nawe ni na phatulela dijaha ni dihorana;

Jeremiya 50:10

Se Kaldheya a na maha khumbi: Votshe vale va no honyolela somaha va na khura, kuwomba Mkoma.