Jeremiya 50:36 - Bhiblia Yo Sawuleka

³⁶ Di nata ditxhari txitimwi ka va makuhu, kha va na mbi pfa txilo: Ditxhari di nata txitimwi ka tindena tawe, ti na tsivala.

Jeremiya 50:36 Referans Kwoze

Jeremiya 49:22

Hi nga wonani ti to wata, a txi puruma ku nga digama, a na nawuluta tibhapi takwe txitimwi ka Bhozira; ni mbilu ya tindena ta Edhomi, ka dona ditshiku dile, yi na nga mbilu ya wamsikati wu a lumwako!

Nahume 3:13

Wona taku vathu vako, a va va ku hagari kwako, va na nga vavasikati; sike sa ditiko dako, si tulekile ka valala vako; mndilo wu na tshokomisa sikhoto sa tisimbi.

Isaya 44:25

ni khundumusako sikombiso sa vasiki va makuhu, ni kuxangisa vahuti; na tshumetela msana titxhari, ni kuvhinganyisa gondo ya tona;

Mtuletelo 22:15

Ti na sala hahanze timbwa, vasalamusi, vamahi va wugelegele, vadayi va vathu, vakhozeli va si i ku si nga Txizimu ni votshe va va dhundako mwendo va hanyako ngu makuhu.

Mtuletelo 21:8

Kambe ka va va dizowa, vo mbi kholwa, vo dhunda manyala, va dayi va vathu, magelegele, va matiloti ni votshe va lumbeti, vakhozeli va si i ku si nga Txizimu, ni ka votshe va makuhu, txyavelo txawe ngu kuvinzwa txizivani ka mndilo wo tura ngu txivavula, i ku lona lifo la wumbidi.”

Mtuletelo 19:20

Kambe txikalani txi to ñolwa kumweko ni mprofeti wa makuhu, awu, ngu kuthumela txikalani, a nga ti mahile sixamaliso so kanganyisa ngu sona vale va nga amukela txixambanyo txa txikalani, ve khozela txithombe txa txona: Txikalani ni mprofeti wa makuhu va to rinzwa, va txi hanya, digovani ka mndilo, wu turako ngu txivavula.

1 Timoti 6:4

a maha eto ngu mhaka ya kutikulisa, kha zivi txilo, i m'thu wo lwala a tsimbilako a txi wusa mazunga ni kukanetisana ka mapswi. Ngu konaho ku tumbulukako livengo, mazunga, kuruketela Txizimu, kualakanyela vamwani to biha,

1 Timoti 4:2

Ngu mhaka ya kukanganyiswa ngu vamakuhu, avava livhalo lawe li nga vekwa txibawa ngu simbi yo hiswa:

Nahume 3:7

Se ku na maheka taku, votshe vale va no kuwona, va na kututuma, va txi kha vona: Ninivha a hoxotilwe; i mani a no mpfela wusiwana kani? Ni na ya va teka hani vo ta kuthavelela kani?

Nahume 2:8

Ninivha kukhukhela a diho, a zumbisa ku nga txiziva txa mati; aniko vona konkuwa va tutuma. “Emani! Emani!” Waho a dhanako; aniko ni wammweyo kha na mbi wona msana.

Jeremiya 51:32

Mabeloni ka minambo ku tekilwe, ni titshava ti hisilwe ngu mndilo; vavamna va yimbi va randetwe ngu kuthava.

Jeremiya 51:30

Avale va ku ni mitamo amu Bhabhilona va lekile kulwa, va mule ko wonelela, yi gumile mitamo yawe, va txi nga mbavasikati: Ti hisilwe tinyumba mitini kwawe, kufunyilwe sikhweketo.

Jeremiya 51:23

kambe kumweko ni nawe ni na phatulela m'dyisi ni mtxhambi wakwe; kambe kumweko ni nawe ni phatulela m'dimi ni tihomu takwe tatimbidi; kambe kumweko ni nawe ni na phatulela vathangeli va tiyimbi, ni vafumeli va kona.

Jeremiya 50:30

Ngu toneto, mazambi akwe ma na wa tinzilani kwakwe; ni votshe vavamna va yimbi va na tutumiswa ka dona ditshiku dile, kuwomba Mkoma.

Jeremiya 48:30

Ani na kuziva kuhenya kwakwe, kuwomba Mkoma, hambiko eto hi nga ta txilo: Makuhu akwe kha ma na mbi maha txilo.

Isaya 43:14

Mkoma, Mtiruli wako, i ku Msawuleki wa Israyeli, a womba tiya: Ngu mhaka ya ku mi randa, ni rumete valala Bhabhilona, se votshe ni na va maha ve relela kota vo tutuma, ni womba Vakaldheya, ka sitimela si va nga txi ti dhumisa ngu sona.

2 Makronika 25:16

Se ku to maheka taku, mbimo yile a nga txi womba-womba nayo, a to mxamula a txi khene: Va kuvekile kuva didhota da mfumeli kani? Malala, u lava kudawelwa txani kani? Sekoko mprofeti a to khukha a txi khene: Na ti wona ti to Txizimu txi navete ku kulovisa ngu mhaka ya timhaka tiya u nga timaha; khwa engisa dipswi dangu.

2 Samuwele 17:14

Sekoko Abhisalome ni votshe vavamna va ka Israyeli va to kha vona: Mapswi a Husayi, muariki, ma pfala kupinda a Ayitofeli ( nguko Mkoma a rumisile toneto, kasi kutxhipisa mapswi amanene a Ayitofeli, kuva Mkoma e tisa dikhombo txitimwi ka Abhisalome).

2 Samuwele 15:31

Sekoko va to zivisa Dhavhidha, va txi kha vona: Ayitofeli nene a hagari ka vale va emako ni Abhisalome. Se Dhavhidha a to khene: Awe Mkoma, hundulusa txikungo txa Ayitofeli.